JEREMÍAS 48:26 - Dios Rimashcata Quillcashcami

²⁶ Moab llactapi causaccunaca Mandac Diosta mana cazurcachu. Chaimanta paicunata machachichic. Chashnami paicuna arcadashca jahuallapitac singushpa, burlashpa asina tucunga.

JEREMÍAS 48:26 Iomraidhean Croise

JOB 15:25

Paillatacmi Diosta maquita alzashpa piñachishca. Paillatacmi tucuita ruhuac Diospac ñaupapi jatun tucushca.

JOB 9:4

Paipac shungupica tucuita yachanmi. Tucui imatapish ruhuacmi. ¿Pitac paita mana cazushpaca alli llucshingayari?

SALMOS 2:4

Jahua pachapi causac Mandac Diosca asingami, paicunataca burlatami ruhuanga.

SALMOS 59:8

Ashtahuanpish Mandac Dioslla, paicunataca asinguimi. Shuctac llactacunataca burlanguimi.

SALMOS 60:3

Can acllashcacunataca yallitami llaquichishcangui. Machachic vinotami ubiachishcangui.

SALMOS 75:8

Mandac Diosca pucushca jayac vinotaca paipac copa jundatami charicun. Chai vinoca tucuilayahuan chapushcami. Chai vinota pai tallicpica, tucui cai pachapi causac paita mana cazuccunami tucuringacaman ubianga.

ÉXODO 5:2

Shina nicpimi Faraonca: —Pai rimashcata uyashpa richun saquingapacca, ¿pitac Mandac Diosca? Mandac Dios nishcataca mana ricsinichu. Israelcuna richunpish mana saquishachu— nirca.

ÉXODO 9:17

¿Chashna cashca jahuachu ñuca acllashcacunataca jarcashpa mana cacharisha ningui?

ISAÍAS 10:15

¿Hachaca yantata chictac runata yallichu canga? ¿Serruchopish cuchuc runataca yallichu canga? ¡Shina cashpaca, tauna caspipish paita apacuc runata apanmanmi! ¡Shinallatac ñañu varapish, racu caspita apanmanmi!

ISAÍAS 19:14

Mandac Diosmi paicunapac chaupipi muspachic yuyaita churashca. Egiptopi causaccunataca shuc machashca runa shitachishca jahuallapitac sansan nicuc shinata ruhuashpami pandachirca.

ISAÍAS 28:8

Tucui mizacunapimi arcadashpa mapayachishca. Imapish chuyaca mana tiyanchu.

ISAÍAS 29:9

¡Cancunaca mancharichicyari! ¡Ñahui mana ricuccuna shina tucuichicyari! ¡Machashca caichicyari, shinapish mana vinohuan! ¡Machashpa caiman chaiman tigracuichicyari, shinapish mana machana yacuhuan!

ISAÍAS 51:17

¡Jerusalenlla, ricchariyari, ricchariyari, jatariyari! Canca Mandac Dios piñarishca junda copatami paipac maquimanta japishpa tucuringacaman ubiarcangui.

ISAÍAS 63:6

Ñuca yallita piñarishpami, gentecunataca sarurcani. Chashna yallita piñarishpami machashca shinata saquishpa, paicunapac yahuartaca allpapi jicharcani.

JEREMÍAS 48:39

¡Llaquirishpa huacaichicyari! ¡Moab llactapi causaccunaca yallita llaqui tucushcami! ¡Pingaihuanmi cutishpa callpancuna! Moabitacunaca tucui muyundipi causaccunapac burlashpa asina, tucuipac mancharinami tucushca.

JEREMÍAS 48:42

Moab llactaca Mandac Diosta mana cazushpa, jatun tucushcamantami tucuchishca canga. Ña mana ashtahuan llactachu canga.

JEREMÍAS 50:29

Babilonia llactapi causaccunata llaquichingapac flechacunata shitanata yachaccunata, flechayuc runacunata tandachishpa, paicunapac muyundipi shayarichic. Shucllatapish causactaca ama saquinguichicchu. Paicuna mana allita ruhuashca shinallatac llaquichichic. Paicunaca israelcunapac jucha illac Mandac Diostami piñachirca.

JEREMÍAS 51:39

Ñucaca paicuna rupaipi cacpimi, jatun micuita ruhuashpa, ubiachishpa machachisha. Chashna machashpa cushicushpami, jaicapi mana riccharingapac sueñunga. Chaitaca Mandac Dios ñucami nini.

JEREMÍAS 51:57

Paicunata mandaccunatapish, jatun yachaccunatapish, llactapi mandaccunatapish, soldadocunata mandaccunatapish, tucui sinchi runacunatapish machachishami. Chashna machachicpica, huiñaita mana riccharishpami, sueñucungalla. Chaitaca Jatun Mandacmi nin. Paica tucuita Mandac Dios shutimi.

JEREMÍAS 51:7

Babilonia llactaca Mandac Diospac maquipica curi copa shinami carca. Chai copa vinohuanmi tucui llactapi causaccunata machachirca. Chaita ubiashpaca tucuimi yuyaita chingachirca.

LAMENTACIONES 1:21

Ñuca llaquihuan caparishcata gentecuna uyashpapish, pi mana cushichircachu. Can ñucata llaquichishcata ñucata piñaccuna uyashpaca yallitami cushicurca. ¡Paicunapish ñuca llaquita apacuc shina, llaquita apachun, huillashca shina llaqui punzhacunata cachaiyari!

LAMENTACIONES 3:15

Mandac Diosca jayacta ubiachic shinami, yallita llaquichirca.

LAMENTACIONES 4:21

Uz llactapi causac Edom runacunalla, cushicushpa asicuichiclla. Cancunapish jayacta ubiashpa musparishpami lluchulla siricunguichic.

DANIEL 11:36

Chai jatun mandacca pai munashcata ruhuashpami, jatun tucushpa tucui dioscunata yalli jatun tucunga. Tucui dioscunapac Diostapish millaitami rimanga. Dios piñarishpa llaquichingacamanmi paica imata ruhuashpapish alli canga. Chaica, paita llaquichina cashcaca pactangami.

DANIEL 5:23

Ashtahuanpish jahua pacha Diosta llaquichishpami, paipaclla huasimanta vasocunata apachun cacharcangui. Chai vasocunapimi canpish, can churashca mandaccunapish, cambac huarmicunapish, cambac caishuc huarmicunapish vinota ubiarcanguichic. Shinallatac curimanta, cullquimanta, broncemanta, fierromanta, rumimanta ruhuashca mana uyac, mana ricuc, mana entendic dioscunatami alabarcangui. Ashtahuanpish cambac causaita paipac maquipi charicuc Diostaca mana alli nircanguichu. Tucui cambac causaitaca paimi ricucun.

DANIEL 8:10

Jahua pachacaman huiñashpami, chaipi ima tiyaccunatapish, lucerocunatapish, pambaman urmachishpa sarunacurca.

NAHÚM 3:11

Canpish machashca shinami saquiringui. Piñaccunamanta miticushpami ucupi cangui. Piñaccuna shamucpica, maipi miticunata mashcanguimi.

HABACUC 2:16

Canca alli nishca canapac randica, mana alli nishca pingaichishcami cangui. Canpish ubiashpa, lluchulla tucuiyari. Mandac Diospac alli lado maquipi tiyacuc vasomantami canmanca ubiachinga. Chashna ubiachishpami, can alli nishca runataca cumurichinga.

2 TESALONICENSES 2:4

Chai runami Diospac shutita apaccunatapish, chashnallatac Diosman tucui imata cushcacunatapish piñanga. Chaipac jahuapica Diosta mañana huasipipish “ñucami Dios cani” nishpami tiyaringa.

APOCALIPSIS 16:19

Chashna tucucpica, jatun Babilonia puebloca quimsapimi chaupirirca. Cai pachapi tiyac tucui pueblocunapish tuñirircami. Chai jatun Babilonia pueblotaca jayac vinota ubiachic shina piñaihuan llaquichingapacmi, Diosca yuyarirca.