JEREMÍAS 48:2 - Dios Rimashcata Quillcashcami

² Alli nishca Moab llactaca yangallami saquirishca. Hesbón llactapi tandarishpaca: “Chai llactata chingachingapac shamuichic” nishpami yuyarinacushca. Madmena llactalla, cantapish espadahuan llaquichishpami chunllata ruhuanga.

JEREMÍAS 48:2 Iomraidhean Croise

ISAÍAS 15:1

Moab llacta llaqui tucunamanta huillashcami. Shuc tutallapimi Moab llactapi tiyac Ar-moab llactapish, Moab llactapi tiyac Kir-moab llactapish tucuchishca, chunlla saquiringa.

ISAÍAS 15:5

Ñucaca Moab llactapi causaccunamantami caparishpa, tucui shunguhuan huacacusha. Chai llactamanta miticushpa riccunaca Zoar llactamanmi callpanga. Luhit huichaitami huacashpa huacashpa ringa. Horonaimman rina ñantami llaquinayaita caparishpa ringa.

ISAÍAS 16:14

Cunanmi Mandac Diosca: «Quimsa huata quipaca sumaimana Moab llactaca chaipi tucui causaccunandimi cumurichishca canga. Chai huatacunaca caipi chaipi trabajashpa puric runapac huatacuna shinami canga. Maijan uchillacuna, fuerza illaccunami saquiringa» ninmi.

ISAÍAS 25:10

Sión urcutaca Mandac Diosca cuidangami. Ashtahuanpish Moabpi causaccunataca mapata shitana pambapi ucshata saruc shinami, chai pushtullapitac sarunga.

JEREMÍAS 25:15

Israelcunata Mandac Diosca: «Ñuca yallita piñarishca vino copata ñuca maquimanta japishpa, ñuca canta cachashca llactacunapi causaccunaman ubiachi.

JEREMÍAS 25:17

Shina nicpimi, Mandac Diospac maquimanta chai copata japishpa, pai cachashca llactacunapi causaccunaman ubiachun curcani.

JEREMÍAS 31:36

«Ñuca mandashcacuna ñuca ñaupapi chingaricpica, israelcunapac huahua huahuacunapish cai llactapi huiñaita chingaringami.

JEREMÍAS 33:24

«Gentecuna: “Mandac Diosca ishcai aillucunata acllashpapish, shitashcami” nishpa rimaricuctaca, ¿manachu uyangui? Chashna nishpaca mana ñuca acllashcacuna cashcatami yuyan.

JEREMÍAS 46:28

Ñucata servic Jacobolla, ñucami canhuan cani. Chaimanta ama manchaichu. Canta ñuca llucchishpa cachacpi, caita chaita rishpa causana llactacunataca tucuchigrinimi. Shina cashpapish cantaca mana tucui tucuchishachu. Ñuca caita, chaita cachacpimi, shuctac llactacunapi causacungui. Tucui chai llactacunatami tucuchisha. Ashtahuanpish cantaca mana tucuchishachu. Chaipac randica, cashcata ruhuashpami llaquichisha. Canta llaquichinataca manatac saquishachu» ninmi.

JEREMÍAS 48:17

Paipac muyundipi causaccunapish, paipac shutita tucui ricsiccunapish: “¡Sinchi sumaimana varaca, ima shinami paquirishca!” nishpa llaquirichicyari.

JEREMÍAS 48:42

Moab llactaca Mandac Diosta mana cazushpa, jatun tucushcamantami tucuchishca canga. Ña mana ashtahuan llactachu canga.

JEREMÍAS 48:45

Shaicushca callpaccunaca Hesbón llactapimi miticugringa. Ashtahuanpish Hesbonmantapish, Sehonmantapish nina llama llucshishpami, Moab llactataca muyundi llactacunandi rupachinga. Yallita cari tucushca gentecunatapish rupachinga.

JEREMÍAS 49:3

Hai llactaca ñami tucurishca. Chaimanta Hesbón runacunalla, caparishpa huacaichicyari. Rabá runacunalla, caparishpa huacaichicyari. Sharpa churanata churarishpa, llaquilla tucushpa, pirca huashata muyuichicyari. Cancunapac Milcom diostaca curacunandi, mandaccunandimi ña prezu apashca.

JEREMÍAS 49:37

Elam llactapi causaccunamanca paicunata huañuchinata munaccunapac, paicunata piñaccunapac ñaupapica yallita manchaitami cugrini. Paicunata tucuchichunmi huañuchiccunata cachagrini. Ñuca nina japiric shina, piñarishpami llaquichigrini.

NÚMEROS 32:37

Rubenpac aillucunaca Hesbón, Eleale, Quiriataim,