JEREMÍAS 48:14 - Dios Rimashcata Quillcashcami

¹⁴ ¿Ima shinatac cancunaca: “Ñucanchicca alli sinchimi canchic. Alli macanacuc carimi canchic” ninguichicyari?

JEREMÍAS 48:14 Iomraidhean Croise

SALMOS 11:1

Mandac Diospimi miticuni. Yangallami ñuca almataca: Volashpa ric animalcuna shina urcupi miticugri ninguichic.

SALMOS 33:16

Pi jatun mandacpish achca soldadocunallahuanca mana quishpiri pudinchu. Jatun sinchi runapish pai fuerzata charishcallamantaca mana quishpiri pudinchu.

ECLESIASTÉS 9:11

Inti achicyachicuc cai pachapica caitapish ricurcanimi: Jatun callpaipica mana sinchi callpaccunachu mishan. Macanacuipipish mana sinchicunachu mishan. Micunatapish mana yachaccunallachu micun. Mana yuyaisapacunallachu chayucyan. Mana allita rimaccunallachu alli nishca can. Ashtahuanpish tucuimanmi alli punzhapish, mana alli punzhapish shamun.

ISAÍAS 10:13

Asiria llactata jatun mandacca: «Ñuca poderhuan, ñuca alli yuyaiyuc cashpami caitaca ruhuani. Ñucaca alli yachacmi cani. Cai tucui gentecunapac llactacunatapish, paicuna ima charishcacunatapish quichushpami, jatun mandaccunataca sinchi runacuna shina jahualla misharcani.

ISAÍAS 10:16

Chaimantami tucuita Mandac Diosca sinchi soldadocunaman ungüita cachanga. Paicuna sumaimana cacpipish paicunapac chaupipi ninata japichicpimi, ninaca ucllaric shina tucuchinga.

ISAÍAS 16:6

Moab llactapi causaccuna yallita jatun tucushpa, cariyashpa, ñahuita alzashpa puricuctami uyanchic. Ashtahuanpish yangamantami jatun tucuncuna.

JEREMÍAS 49:16

Jatun quingrai jutcucunapi, jatun urcu lomacunapi causaccunalla, cancunapac shungupi jatun tucushpa cariyashcamantami cancunallatac umai tucushcanguichic. Aguilacuna jatun quingraipi cuzhata ruhuashca shina causacucpipish chaimantami uricuchisha. Chaitaca Mandac Dios ñucami nini» ninmi.

JEREMÍAS 8:8

Chai mandashcacunata llullashpa, yapachishpa quillcashpaca, ¿ima nishpatac cancunaca: “Ñucanchicca alli yachacmi canchic. Mandac Dios mandashcataca ñucanchicmi charinchic” ninguichic?

JEREMÍAS 9:23

Mandac Diosca: «Yachac runapish, pai yachashcamantaca ama allimi cani nichun. Sinchi runapish, sinchi cashcamanta ama allimi cani nichun. Chayuc runapish, chayuc cashcamantaca ama jatun tucuchun.

EZEQUIEL 30:6

Cutinllatac Mandac Diosca: Egipto llactata ayudac gentecunaca huañungami. Paicuna jatun tucushpa, mandacushcapish chingaringami. Migdol llactamanta Asuán llactacamanmi jatun macanacuipi huañunga. Chaitaca Mandac ñucami nini” ninmi ningui.

SOFONÍAS 2:10

Paicunallatac jatun tucushpa tucuita Mandac Diospac acllashcacunata rimashcamantami llaqui tucunga.