JEREMÍAS 47:3 - Dios Rimashcata Quillcashcami

³ Caballocuna tulun nishpa callpamucta uyashpa, carreta ruedacuna huacashcata uyashpami taitacunaca huahuacunata shitashpa callpanga. Yallita manchaihuan chucchushpami imata mana ruhuai pudinga.

JEREMÍAS 47:3 Iomraidhean Croise

ISAÍAS 5:28

Paicunapac flechacunapish alli mulashcami canga. Arcocunapish allichishcami canga. Caballocunapac shillucunaca yacu rumi shina sinchimi canga. Carretacunapac ruedacunaca acapana huaira shinami callpanga.

JEREMÍAS 46:9

Caballopi, Carretapi tiyarishpa callpaichic. Alli sinchi soldadocunaca escudota apaichic. Etiopía llacta, Put llacta soldadocunapish llucshichic. Arcohuan macanacuc Lud llactamanta soldadocunapish llucchichic.

JEREMÍAS 50:42

Babilonia llactapi causaccunalla, sinchi gentecunami arcohuanpish lanzahuanpish shamun. Paicunaca mana llaquishpami huañuchinga. Mama cucha yacu jatarishpa huacac nic shinami manchanayaita shamunga. Cancunahuan macanacungapac allichirishpami caballocunapi shamunga.

JEREMÍAS 8:16

Piñaccunapac caballocuna huacashcaca Danmanta pachami uyarimun. Chai caballocuna huacacpica, tucui llactami chucchun. Chashna shamushpaca, allpapi ima tiyactapish, llactatapish, chaipi causaccunatapish tucuchinmi» nirca.

EZEQUIEL 23:24

Canta llaquichingapacca, jahua ladomantami macanacuna carretacunata, micunata apac carretacunata apashpa, muyunacushpa shamunga. Chashnami jatun escudocunahuan, uchilla escudocunahuan, umapipish fierro churanata churarishca cambac ladopi shayaringa. Paicunaca ñuca llaquichichun cachacpimi, paicunapac mandashcacunapi nishca shina cantaca taripashpa llaquichinga.

NAHÚM 2:4

Carretacunaca plazacunamanmi yaicunga. Caiman chaiman callpashpami cuchuyanga. Shinallatac antorchata japichishca shina, relampa jaguin nic shinami, caiman chaiman callpacunga.

NAHÚM 2:8

Nínive llactaca yacu cucha jundashca shinami carca. Cunanca tucuimi miticushpa callpan. Paicunataca: “¡Shuyaichic, shuyaichic!” nicpipish, pi mana tigra ricunchu.

APOCALIPSIS 9:9

Churanaca fierro churana shina, alascunaca macanacuipi achca carretacunata caballocuna aisacpi huacac shinami huac nicurca.

JUECES 5:22

Caballocunapac chaquicuna caruman uyarictami callparca. Sinchi soldadocuna chashna callpacpimi cashna uyarirca.