JEREMÍAS 47:2 - Dios Rimashcata Quillcashcami

² Mandac Dios huillashpaca: «Jahua lado llactamantaca yacu tendirishpa shamuc shina, shamushpami cai llactatapish, caipi ima tiyashcatapish, llactatapish, chaipi tucui causaccunatapish tapanga. Shina tapacpica, tucui chaipi causac gentecunami caparishpa huacanga.

JEREMÍAS 47:2 Iomraidhean Croise

SALMOS 24:1

Cai pachapish, chaipi ima tiyaccunapish tucui cai pachapi causaccunapish Mandac Diospacmi.

SALMOS 50:12

Tucui cai pachapish, chaipi tucui ima tiyacpish ñucapacmi. Chaimantaca yarcaihuan cashpapish, canmanca mana mañaimanchu.

SALMOS 96:11

¡Jahua pachapish, cai pachapi causaccunapish cushicuichicyari! Mama cuchapish, chaipi tiyaccunapish cushicushpa huac nishpa uyarichic.

SALMOS 98:7

Mama cuchapish, chaipi imalla tiyaccunapish yallita huaj nichicyari. Cai pachapish, chaipi causaccunapish yallita caparichicyari.

ISAÍAS 14:31

¡Llacta pungupi cuidaccuna huacaichicyari! ¡Llactapi causaccunapish sinchita caparichicyari! Jahua lado llactamantaca yana cushnimi llucshin. Tucui Filistea llactapi causaccunami yacuyac shina tucurigringuichic. Chai amsamantaca shucllapish mana puchungachu.

ISAÍAS 15:8

Chai runacuna llaquilla caparinacushcaca Moab llacta tupanacuicaman, Eglaim, Beer-elim llactacunacamanmi uyaringa.

ISAÍAS 22:1

Muscuipi ricushcalaya pugru pamba llaqui tucunamanta huillashpaca: ¿Imapactac cunanca llactapurallatac huasi jahuaman llucshinguichic?

ISAÍAS 28:17

Ñucami alli ricushpa mandanataca cordelhuan shina medisha. Cashcata ruhuanataca nivelashpami ricusha» ninmi. Cancuna miticuna huasi shina, llullataca rundumi tucuchinga. Cancuna miticuna patacunataca yacumi apanga.

ISAÍAS 59:19

Mandac Diospac shuti achic nicucta ricushpaca, inti llucshina ladomanta, inti tigrana ladocamanmi manchanga. Paica, paipac huaira tangacpi, jatun yacu shamuc shinami shamunga. Chashnami Mandac Diospac Espirituca shamunga.

JEREMÍAS 1:14

Shina nicpimi, Mandac Diosca: «Jahua ladomantami cai llactata llaquichingapac shamugrin.

JEREMÍAS 46:12

Cancunata pingaichishcataca shuctac llactacunapish ñami yachan. Cancuna caparishcaca tucui cai pachapimi uyarin. Sinchi soldadoca caishuc sinchi soldadohuan huactarishpami urman» nishpami huillarca.

JEREMÍAS 46:13

Babilonia llactata jatun mandac Nabucodonosor shamushpa, Egipto llactapi causaccunata llaquichinamanta Mandac Dios pai ima nishcata huillac Jeremiasman huillashpaca:

JEREMÍAS 46:20

Egipto llactaca sumac vaquilla shinami. Shina cacpipish, jahua llactamantaca tucuchicmi shamucun.

JEREMÍAS 46:24

Egipto llactapi causaccunaca pingaichishcami canga. Jahua llacta gentecunapac maquipi churashcami canga» ninmi.

JEREMÍAS 48:39

¡Llaquirishpa huacaichicyari! ¡Moab llactapi causaccunaca yallita llaqui tucushcami! ¡Pingaihuanmi cutishpa callpancuna! Moabitacunaca tucui muyundipi causaccunapac burlashpa asina, tucuipac mancharinami tucushca.

JEREMÍAS 6:22

Mandac Diosca: «Jahua lado llactamantami achca gentecuna shamun. Cai pacha tucurimantami sinchi gentecuna shamun.

JEREMÍAS 8:16

Piñaccunapac caballocuna huacashcaca Danmanta pachami uyarimun. Chai caballocuna huacacpica, tucui llactami chucchun. Chashna shamushpaca, allpapi ima tiyactapish, llactatapish, chaipi causaccunatapish tucuchinmi» nirca.

DANIEL 11:22

Paihuan churacuc runataca yacu jundamuc shina shamushpami, paipac ñaupapi tucuchinga. Paihuan ari ninacuc runatapish tucuchingami.

NAHÚM 1:8

Ashtahuanpish paita mana ricusha niccunataca jatun yacu tucuchic shinami tucuchin. Paita piñaccunataca pura tutami catishpa tucuchinga.

1 CORINTIOS 10:26

Chaica, cai pachapish, tucui cai pachapi tiyashcapish Mandac Diospacmi.

1 CORINTIOS 10:28

Shina cacpipish maijan: «Caica animalta huañuchishpa, ruhuashcalla diosman cushcami» nicpica, ama micuichicchu. Chai huillac runamantapish, yuyaipi mana cushilla cashcamantapishmi mana micuna cangui.

SANTIAGO 5:1

Chayuccuna, caita uyaichic: ¡Cancunataca jatun llaquicunami japinga! ¡Chaimanta caparishpa huacaichic!

APOCALIPSIS 17:1

Copacunata charicuc canchis angelcunapuramanta shuc shamushpaca: «Shamui, yacucuna jahuapi tiyacuc cullquimanta huainayac huarmita llaquichigricushcata ricuchisha.

APOCALIPSIS 17:15

Cutinllatacmi angelca: «Chai cullquimanta huainayac huarmi tiyacushca yacucunaca aillucuna, taucalaya gentecuna, taucalaya rimaita rimaccuna, shinallatac llactacunami can.