JEREMÍAS 46:4 - Dios Rimashcata Quillcashcami

⁴ ¡Carretacunata caballopi huataichic! ¡Caballocunapi montaichic! ¡Fierro cascota churarichic! ¡Lanzacunatapish mulaichic! ¡Shunguta pacac fierro churanata churarichic!

JEREMÍAS 46:4 Iomraidhean Croise

2 CRÓNICAS 26:14

Uziasca chai tucui soldadocunamanmi escudocunata, lanzacunata, cascocunata, fierro churanacunata, arcocunata, huaracacunata ruhuachirca.

NEHEMÍAS 4:16

Chai punzhamanta pachami ñucata serviccunamanta chaupica pircata allichishpa, caishuc chaupica espadacunahuan, lanzacunahuan, arcocunahuan, fierro churanacunata churarishca shayacurcacuna. Paicunapac huashapica Judapac huasi ucupurata mandaccunami cuidacurca.

ISAÍAS 8:9

Caru llactapi causaccunalla, tucui cai pachapi causaccunalla, tandanacuichicyari. ¡Alli chumbillirishpa shayacuichic, llaquichishcami canguichic! ¡Allichirishca shuyacuichic, llaquichishcami cagringuichic!

JEREMÍAS 46:14

«Egipto llactapi huillaichic. Migdol, Menfis, Tafnes llactacunapi huillashpa: “¡Allichirishpa shayarichic. Cancuna causacuc muyunditaca espadahuanmi tucuchinga!” nichic.

JEREMÍAS 51:11

Flechacunata pichaichic. Escudotapish rigrapi apaichic. Mandac Diosca Babilonia llactata tucuchinatami yuyarishca. Media llactata jatun mandaccunapac shungupimi tucuchina yuyaita churashca. Mandac Diosca paipac huasita urmachishcamantami paicunatapish llaquichinga.

JEREMÍAS 51:3

Flechata shitaccuna flechata shitachun. Fierro churanata ama churarichun. ¡Quipa huiñaicunatapish, paicunapac tucui soldadocunatapish tucui huañuchishpa shucllatapish ama saquichunmi mandasha!

EZEQUIEL 21:28

Huañunalla runa, canca: “Mandac Dios amonitacuna mana allita rimashcamanta rimashpaca: Cancunata huañuchingapacmi espadaca huacaichinamanta llucchishca tiyacun. Tucui tucuchishpa jagan nicungapacmi alli mulashca tiyacun.

JOEL 3:9

¡Tucui llactacunapi macanacui tiyanata huillashpa: “Macanacungapac allichirichic! ¡Sinchi runacuna allichirichic! Macanacuc soldadocunapish shamushpa allichirichic.

1 SAMUEL 17:38

Saulca paipac broncemanta ruhuashca churanacunatami Davidman umapipish cuerpopipish churachirca.

1 SAMUEL 17:5

Paipac umapica bronce cascota churarishca, paipac cuerpopipish broncellamantatac ruhuashca churanata churarishcami carca. Chai churanaca pichca chunga canchis kilotami llasharca.