JEREMÍAS 44:9 - Dios Rimashcata Quillcashcami

⁹ ¿Cancunapac ñaupa taitacunapish, Judá llactata jatun mandaccunapish, paicunapac huarmicunapish, cancunapish, cancunapac huarmicunapish Judá llactapi, Jerusalén ñancunapi yalli mana allita ruhuashcataca, manachu yuyaringuichic?

JEREMÍAS 44:9 Iomraidhean Croise

JEREMÍAS 44:21

«Cancunapac ñaupa taitacunapish, cancunata jatun mandaccunapish, shuctac mandaccunapish, Judá llacta llactacunapi, Jerusalén ñancunapi shuctac dioscunaman inciensota rupachishcataca, ¿mandac Diosca cungarishcangachu? Mana cashpaca chaicunata ruhuashcataca, ¿manachu ricushca canga?

JEREMÍAS 7:10

Cancunaca, ¿chashna causacushca jahuachu ñuca shutipi mañana huasiman shamushpa, ashtahuan millaicunata ruhuashpa: ‘Ñucanchicca quishpirishcami canchic’ ninguichic?

JEREMÍAS 7:9

Cancunaca huañuchishpa, shuhuashpa, huainayashpa, yanga ari nishpa, Baal dioscunaman inciensota cushnichishpa, mana ricsishca shuctac dioscunata catishpami causanguichic.

DEUTERONOMIO 9:7

Shitashca pambapi cashpa, Mandac Diosta piñachishcataca yuyarichicyari. Ama cungaringuichicchu. Egipto llactamanta llucshishcamanta caiman chayamungacamanmi Mandac Diostaca llaquichircanguichic.