JEREMÍAS 44:23 - Dios Rimashcata Quillcashcami

²³ Cancunallatacmi Mandac Diosta cungarishpa, shuctac dioscunaman inciensota rupachishpa, juchata ruhuarcanguichic. Mandac Dios mandashcacunatapish, pactachichun rimashcatapish, ima shina causanata yachachishcacunatapish mana cazurcanguichicchu. Chaimantami cai tucui llaquicunahuan cunan punzhacaman causacunguichic» nirca.

JEREMÍAS 44:23 Iomraidhean Croise

1 REYES 9:9

Shina nicpimi, shuccunaca: “Paicunapac ñaupa taitacunata Egiptomanta llucchimuc, paicunata Mandac Diosta saquishpami, shuctac dioscunata alli nishpa servircacuna. Chaimantami Mandac Diosca cai tucui llaquita paicunapac jahuapi churashpa llaquichirca” ningacuna» nirca.

2 REYES 17:15

Chaimantami pactachichun cushca shimicunatapish, paicunapac ñaupa taitacunahuan ari nishcatapish, ima shina causanata yachachishcatapish, cazuchun pai mandashcatapish mana cazushpa, imapish yanga dioscunata catishpa, yanga tucurcacuna. Paicunapac llacta cuchupi causaccuna ruhuashcatami catircacuna. Mandac Diosca chai gentecunataca ama catinguichicchu nishpami mandarca.

2 CRÓNICAS 36:16

Ashtahuanpish paicunaca Mandac Dios cachashca huillaccuna huillashcata mana cazushpami asircacuna. Dios huillachishca shimita yangapi churashpami, Dios ima nishcata huillaccunata burlarcacuna. Pai acllashcacuna chashna yallita llaquichicpimi, Mandac Diosca yallita piñarishpa, ima shina mana jarcari pudishpa llaquichirca.

NEHEMÍAS 13:18

¿Manachu cancunapac ñaupa taitacuna chashna millaita ruhuacpi Diosca sinchita llaquichirca? ¡Cunancarin chashna samana punzhata yangapi churashpaca, israelcunata llaquichichunmi Diosta ashtahuan piñachicunguichic!» nircani.

SALMOS 119:136

Shuctac gentecuna can mandashcacunata mana cazucpica, huiqui yacu shina callpactami huacani.

SALMOS 119:150

Ñucata piñaccunaca ñami cuchuyamucuncuna. Can mandashcacunamanta anchurishpami puricuncuna.

SALMOS 119:155

Canta mana manchaccunaca can mandashcacunataca mana mashcancunachu. Chaimanta paicunaca mana quishpichishcachu canga.

SALMOS 78:10

Dios-huan ari nishcata mana pactachircacunachu. Pai mandashcacunatapish mana cazurcacunachu.

SALMOS 78:56

Ashtahuanpish jahua pachapi causac Diosta pai ima shina cashcata ricungapacmi piñachircacuna. Ima shina causanata pai yachachishcatapish mana cazurcacunachu.

JEREMÍAS 26:4

Paicunataca: “Mandac Diosca: Ñuca rimashcata mana uyashpa, cancunapac ñaupapi ñuca churashca mandashcacunata mana cazucpi,

JEREMÍAS 40:3

Mandac Diosca pai nishca shinami, llaquichishpa, pai nishcata pactachishca. Cancunallatac juchata ruhuashpa, Mandac Diosta mana cazushcamanta, pai rimashcata mana uyashcamantami cai llaquicunahuan llaquichishca.

JEREMÍAS 44:10

Cunan punzhacamanmi cancunaca mana llaquirishcanguichic, mana manchanguichic. Ñuca mandashcacunata, pactachichun rimashcacunataca, cancunapac taitacunapish, cancunapish mana cazushcanguichicchu.

JEREMÍAS 44:18

Ashtahuanpish jahua pachata mandac huarmi diosman inciensota rupachinata, vinota cushpa tallinata saquishca punzhamanta pachami imapish illac canchic, shinallatac jatun macanacuipi yarcaihuan huañucunchic» nirca.

JEREMÍAS 44:2

«Israelcunapac tucuita Mandac Diosca: Jerusalenpi causaccunatapish, Judá llactacunapi causaccunatapish tucuilaya llaquicunahuan ñuca llaquichishcataca cancunallatacmi ricushcanguichic. Cunan punzhapica cai llactacunaca tucuchishcami. Pipish mana causanchu.

JEREMÍAS 44:21

«Cancunapac ñaupa taitacunapish, cancunata jatun mandaccunapish, shuctac mandaccunapish, Judá llacta llactacunapi, Jerusalén ñancunapi shuctac dioscunaman inciensota rupachishcataca, ¿mandac Diosca cungarishcangachu? Mana cashpaca chaicunata ruhuashcataca, ¿manachu ricushca canga?

JEREMÍAS 44:3

Paicunapish, cancunapish, cancunapac taitacunapish mana ricsishca, ruhuashcalla dioscunaman inciensota rupachishpa, ñucata piñachishpa, mana allita ruhuashcamantami yallita llaquichircani.

JEREMÍAS 44:8

Cancunaca Egipto llactapi causangapac yaicumushpaca cancuna ruhuashca shuctac dioscunaman inciensota rupachishpa, ñucata piñachishcamantami cancunallatac tucuringuichic. Shinami shuctac llacta gentecunapac mana alli nishca, burlashca causanguichic.

LAMENTACIONES 1:8

Jerusalenpica yallitami juchallishcacuna. Chaimantami mapayashpa millana tucushca. Paita utcapi alli niccunaca lluchulla cashcata shinami, mana ricusha nincuna. Chaimantami paica pingashpa ñahuita mana ricuchin.

DANIEL 9:13

Moisés mandashpa quillcachishca shinaca, cai tucui llaquicuna ñucanchicta japicpipish Mandac Diosta mana mañashcanchicchu. Cashcata nic rimashcatapish mana uyashcanchicchu. Millaita ruhuanatapish mana saquishcanchicchu.

1 CORINTIOS 10:20

Ashtahuanpish ñucaca: “Diosta mana ricsiccunaca diablomanmi animalcunata huañuchishpa cuncuna, mana Diosman cuncunachu. Chaimanta ama diabloman cuccunahuan tandarichun” ninimi.

2 CORINTIOS 6:16

Dios causana huasihuan ruhuashcalla dioscunahuanca, ¡maitatac shuc shinalla tucungayari! Ñucanchicmi causac Dios causana huasica canchic. Diosllatacmi: «Ñucaca paicunahuanmi causasha, paicunahuanmi purisha. Ñucaca paicunapac Diosmi casha. Paicunaca ñuca acllashcacunami canga» nishca.