JEREMÍAS 43:2 - Dios Rimashcata Quillcashcami

² Asaiaspac churi Azariaspish, Careapac churi Johananpish, jatun tucushca runacunapish, Jeremiastaca: «¡Canca llullacunguimi! Mana Mandac Dioschu: “Ama Egiptopi causagrichu” nichun cachashca canga.

JEREMÍAS 43:2 Iomraidhean Croise

GÉNESIS 19:14

Chaimanta Lot llucshishpa, paipac ushicunahuan cazaragricuc yernocunataca: —¡Mandac Diosca cai llactata llaquichigrinmi! Chaimanta jatarichic, llucshichic— nirca. Shina nishcaca paipac yernocunamanca burla shinallami carca.

2 CRÓNICAS 36:13

Shinallatac jatun mandac Nabucodonosortapish mana cazurcachu. Nabucodonosorca paihuan shuc shinalla cachunmi, Diospac shutipi ari nishca carca. Chashna ari nishca jahuami sinchi shungu tucushpa, mana pactachishpa, israelcunata Mandac Diospacman cutirinatapish mana munarca.

SALMOS 119:21

Jatun tucushcacunataca llaquichircanguimi. ¡Can mandashcacunamanta anchuricca llaquichishca cachun!

SALMOS 12:3

Mandac Diosca chai llullac mishqui shimicunata, jatun tucushpa rimaccunataca tucuitami tucuchinga.

SALMOS 123:4

Cushilla causaccunaca burlashpami asincuna. Jatun tucushpa llaquichiccunaca millanayachincunami. Chaimantami ñucanchic almaca yallita shaicushca.

ÉXODO 5:2

Shina nicpimi Faraonca: —Pai rimashcata uyashpa richun saquingapacca, ¿pitac Mandac Diosca? Mandac Dios nishcataca mana ricsinichu. Israelcuna richunpish mana saquishachu— nirca.

ÉXODO 9:17

¿Chashna cashca jahuachu ñuca acllashcacunataca jarcashpa mana cacharisha ningui?

PROVERBIOS 16:5

Mandac Diosca shungupi tucui jatun tucushcacunata millanayachinmi. Paicunaca manatac perdonashcachu canga.

PROVERBIOS 30:9

Pacta huicsa pactata micushpa, canta cungarishpaca: «¿Mandac Diosca pitacyari?» niman. Pacta huacchayashpa shuhuashpa, ñuca Diospac shutita mana alli niman.

PROVERBIOS 6:17

Jatun tucushpa puricta, llulla calluta, mana faltayuc runata huañuchishpa yahuarta jichacta,

PROVERBIOS 8:13

Mandac Diosta manchaccunaca mana allita ruhuaccunata piñanmi. Jatun tucunatapish, yallita jatun tucunatapish mana alliman apac ñantapish mana munanichu.

ISAÍAS 7:9

Efrainpac llactata mandacca Samaria llactami. Samaria llactapac mandacca Remaliasmi. Cancuna mana ñucata alli crishpaca, tucuringuichicmi” nishpa huillai» nirca.

ISAÍAS 9:8

Dios llaquichinata Jacobopac huahuacunaman huillachunmi cacharca. Chai llaquitami israelcunaca aparca.

JEREMÍAS 13:15

Jeremiasca: «¡Mandac Diosmi cancunata rimacun! ¡Ama jatun tucuichicchu, allita uyaichicyari!

JEREMÍAS 18:18

Jeremías huillashcata uyashpaca: «Jeremiasta ima shina llaquichinata yuyaringapac shamuichic. Mandashcacunata yachachic curapish, cunacpish, alli yachac runapish, Dios ima nishcata huillacpish mana tucuringachu. Pai huillacushcamanta juchanchishpa llaquichishunchic. Pai huillashcataca ama uyashunchic» nirca.

JEREMÍAS 40:8

Chai quipami paicunaca Gedaliaspacman Mizpa llactaman shamurca. Paicunaca Netaniaspac churi Ismael, Careapac churi Johanán, Jonatán, Tanhumetpac churi Seraías, Netofatitapuramanta Efaipac churicuna, Maaca llactapi causac runapac churi Jezaniasmi carca. Tucui paicunapac soldadocunandimi shamurca.

JEREMÍAS 41:16

Careapac churi Johananca paihuan cac soldadocunahuanmi Netaniaspac churi Ismael Mizpa llactamanta apashca gentecunata cutinllatac japirca. Ismaelca Ahicampac churi Gedaliasta huañuchishpami soldadocunata, huarmicunata, huahuacunata, eunuco runacunata charicushca carca. Paicunataca Johananmi Cabaón llactamanta Mizpa llactaman cutichimushca carca.

JEREMÍAS 41:18

Caldeocunata manchashcamantami chaipi causarca. Netaniaspac churi Ismael Ahicampac churi Gedaliasta huañuchishcamantami paicunaca mancharca. Gedaliastaca Babilonia llactata jatun mandacmi chai llactata mandachun churashca carca.

JEREMÍAS 42:1

Soldadocunata mandaccunapish, Careapac churi Johananpish, Osaiaspac churi Jezaniaspish, gentecunapish uchillamanta callarishpa yuyaccamanmi

JEREMÍAS 42:20

Cancunallatac: “Mandac Diosta ñucanchicmanta mañagri. Mandac Dios tucui nishcataca ñucanchicman huillangui. Tucui pai nishcata ruhuashunllami” nishpaca, pandarishpa llaqui tucushcanguichic.

JEREMÍAS 42:5

Shina nicpimi, paicunaca Jeremiastaca: —Mandac Dios tucui canman nishcatami ruhuashun. Ñucanchic nishca shinatac mana ruhuacpica, cashcata nic, imatapish pactachic Mandac Diosllatac ricuchun.

JEREMÍAS 43:1

Jeremías Mandac Dios huillashcata gentecunaman tucui huillacpimi,

JEREMÍAS 44:16

«Mandac Diospac shutipi can huillashcata mana cazushunchu.

SANTIAGO 4:6

Ashtahuanpish Dios mai cuyac cashcamantami ñucanchictaca ayudacun. Dios quillcachishcapica: «Jatun tucushcacunataca piñanimi. Mana jatun tucushcacunataca cuyanimi» ninmi.

1 PEDRO 5:5

Chai shinallatac quipa huiñaicunapish, pushaccuna ima nishcata cazuichic. Mana jatun tucushpami tucuillatac caishuc chaishuc-huan cazunacuna canguichic. Diosca: «Jatun tucushcacunataca piñanimi. Mana jatun tucushcacunataca cuyanimi» ninmi.