JEREMÍAS 43:12 - Dios Rimashcata Quillcashcami

¹² Egipto llactapi tiyac dioscunata mañana huasitaca ninata japichishpami rupachinga. Cutin chaipi causaccunataca prezungami. Egipto llactataca shuc michic paipac jahualla churanata chaspic shinami, tucui anchuchinga. Shina ruhuashpami, paica pipish imata mana nishca paipac llactallaman cutinga.

JEREMÍAS 43:12 Iomraidhean Croise

2 SAMUEL 5:21

Filisteocuna paicunapac ruhuashcalla dioscunata chaipi shitashpa ricpimi Davidpish, paipac runacunapish aparca.

ESTER 6:9

Churanatapish, caballotapish jatun mandac churashca mandaccunapuramanta ashtahuan alli nishca mandac apamushpa, cuchun. Jatun mandac alli nigricushca runamanca paicunami churachinga. Shinallatac caballopi montachishpami plazaman apashpa, paipac ñaupapi: “¡Jatun mandac alli nigricushca runataca chashnami alli nina!” nichunmi mandana— nirca.

JOB 40:10

Shina cashpaca jatun cashcahuan sumacta allichiriyari. Sumaimana cashcahuan, alli nishca cashcahuan churariyari.

SALMOS 104:2

Canca churanata churarishca shinami luz-huan jahuata pillurishca cangui. Canmi jahua pachataca lienzota chutac shina tendishcangui.

SALMOS 132:16

Shinallatac curacunamanca quishpirishca churanatami churachisha. Diospaclla causaccunaca cushicushpami caparingacuna.

SALMOS 132:18

Paita piñaccunamanca churanata churachic shinami pingaichisha. Ashtahuanpish paipac umapica, jagan nicuc coronatami churachisha» nirca.

ÉXODO 12:12

Chai tutallatacmi Egipto llactapi punta huacharishca cari huahuacunatapish, animalcunatapish huañuchishpa pasasha. Chai llactapi causaccunapac dioscunatapish tucuimi llaquichisha. Ñucaca Mandac Diosmi cani.

ISAÍAS 19:1

Egipto llacta llaqui tucunamanta tucuita Mandac Dios huillashpaca: «Riquichic, Mandac Dios ñucaca callpac puyupimi Egiptoman yaicusha. Shina yaicucpica, chai llacta yanga dioscunaca paipac ñaupapimi chucchunga. Egiptopi causaccunapish, shungupi yallita mancharishpami, imatapish mana ruhuai pudinga.

ISAÍAS 21:9

¡Riqui, ishcai caballocuna aisashca carretapimi runacuna shamun!» nirca. Shina nishca quipaca: «¡Babilonia llactaca urmarcami, urmarcami! ¡Tucui paicunapac yanga dioscunapish pambaman urmashpami paquirirca!» nirca.

ISAÍAS 46:1

¡Bel diosca urmashcami! ¡Nebo diospish urmashcami! Chai dioscunataca cargana animalcunamanmi apachirca. Chai dioscunata apashpami animalcunaca shaicushca.

ISAÍAS 46:2

Chai dioscunaca cumurircami. Shuctac llactamanmi prezu aparca. Chaimantaca mana quishpiri pudircachu.

ISAÍAS 49:18

Ñahuita alzashpa, muyundita ricuiyari. Tucui paicunami tandanacushpa shamushca. Chai tucui shamuccunataca valishca sumac churanata shina ruhuangui. Cazarac novia shinami sumacta allichiringui. Chaitaca Mandac Dios ñuca shutipimi nini.

ISAÍAS 52:1

¡Sión llactalla, ricchariyari! ¡Sinchiyaiyari! Diospaclla llacta Jerusalenlla, sumac churanata churariyari. Circuncisionta mana ruhuashca runapish, mapa runapish mana cutin yaicungachu.

ISAÍAS 59:17

Cashcata ruhuanataca fierro churanata shina, quishpirinataca cascota shinami, umapi churarirca. Paita mana cazushca shinallatac llaquichinataca churanata churaric shinami churarirca. Yallita cuyaihuanmi jahualla churaric shina taparirca.

ISAÍAS 61:10

Mandac Dios-huanmi yallita cushicusha. Ñuca Dios-huanmi tucui almahuan cushicusha. Paica churanata churachic shinami quishpichirca. Jahualla churanata churachic shinami, cashcata ruhuarca. Novioman shinami sumacta churachirca. Noviaman shinami sumac curita churachirca.

ISAÍAS 61:5

Shuc llactamanta runacunami cancunapac ovejacunataca michinga. Mana ricsishca runacunami cancunapac pambacunapica uvas chagrata ruhuanga.

JEREMÍAS 10:11

Paicunataca: «Jahua pachata, cai pachata mana ruhuac dioscunaca cai pachamanta chingaringami» ningui.

JEREMÍAS 10:15

Chaicunaca imapacpish mana vali burlanami. Dios llaquichicui punzhapica tucuringami.

JEREMÍAS 25:19

Shinallatac Egipto llactata jatun mandac Faraonmanpish, pai churashca mandaccunamanpish, paita serviccunamanpish, paipac tucui gentecunamanpish ubiachun curcanimi.

JEREMÍAS 43:13

Egipto llactapi tiyac Bet-semes llactapi rumi dioscunata paquishpa, huasicunataca rupachishpami saquinga” ninmi ningui» nirca.

JEREMÍAS 46:25

Israelcunapac tucuita Mandac Diosca: «Ñucaca Tebas llacta Amón diosta llaquichishami. Faraontapish, pai mandacuc Egipto llactatapish, paicunapac dioscunatapish, paicunapac mandaccunatapish llaquichigrinimi. Faraontapish, paipi shunguta churashpa causaccunatapishmi llaquichisha.

JEREMÍAS 48:7

Moab llactalla, can ima ruhuashcacunapi, ima charishcacunapi shunguta churashcamantaca prezu apashcami cangui. Quemos diospish paipac curacunandi, paipac mandaccunandimi prezu apashca canga.

JEREMÍAS 49:27

Damasco pircapica ninatami japichisha. Chai ninami Ben-adad mandana huasitapish tucuchinga» ninmi.

JEREMÍAS 50:2

«Llactacunapi caparishpa huillaichicyari. Banderacunata shayachichicyari. Mana pacashpa huillashpa: “Babilonia llactaca shuccunapac maquipimi. Bel diosca yallita pingaimi tucushca. Merodac diospish polvoshcami. Paicunapac ruhuashcalla dioscunapish ñutuchishcami siricun” nishpa caparichicyari.

JEREMÍAS 51:44

Shinallatac: «Babilonia llactapi cac Bel diosta llaquichishpami, imata micushcatapish huicsamanta llucchisha. Shuctac llactacunaca paipacmanca mana ashtahuan shamungachu. ¡Babilonia llacta muyundi jatun pircaca urmashcami!

EZEQUIEL 29:11

Chai llactataca gentecunapish, animalcunapish mana pasangachu. Chuscu chunga huatacamanmi shitashca siricunga.

EZEQUIEL 29:19

Chaimantami Mandac Dios ñucaca: “Egipto llactataca Babilonia llactata jatun mandac Nabucodonosorpac maquipimi churani. Paimi chai llactapi imalla tiyashcacunatapish, macanacushpa quichumushcacunatapish tucuita japishpa, paipac soldadocunaman cunga.

EZEQUIEL 30:13

Cutinllatac Mandac Diosca: Menfis llactapi tiyac ruhuashcalla dioscunatapish, imaman riccha dioscunatapish tucuimi chingachisha. Egipto llactata mandacca tucuringami. Chai llactapica yalli manchaillami tiyanga.

DANIEL 11:8

Chashnami chaipi tiyac dioscunatapish, imaman riccha dioscunatapish, shinallatac cullquimanta, curimanta ruhuashca sumaccunatapish Egiptoman apanga. Chashna ruhuashpaca maijan huatacunatami jahua lado llactata mandac-huanca macanacushpa causanga.

SOFONÍAS 2:11

Mandac Diosca paicunahuan yallita piñarishpa, cai pachapi tiyac dioscunataca tucui chingachishpami, yallita manchachinga. Tucui yacu patapi cac llactacunapi causaccunami paicuna maipi causashcallapitac cumuringa.

ROMANOS 13:12

Tutapish ñami pacarimugrin. Chaimanta amsapi mana allicunata ruhuashpa causanata saquishpa, achicta churaric shina, allita ruhuaichic.

EFESIOS 4:24

Cancuna mushuc churanata churaric shina, Dios mushucyachishca causaichic. Shina causashpami, cashcata nic huillashca shina Diospaclla tucushpa, allillata ruhuashpa, shuccunamanpish ricuchinguichic.

EFESIOS 6:11

Diablo ima millai yuyaicunata cushpa ama pandachichunca, millaita mishangapac Dios cushcacunataca, churaric shina churarichic.

COLOSENSES 3:12

Diosca cancunata cuyashpami, paipaclla cachun acllarca. Chaimantami mushuc churanata churaric shina, shungumanta llaquishpa, cuyashpa, mana jatun tucushpa, mana piñarishpa, shinallatac cuyac shunguhuan causana canguichic.

COLOSENSES 3:14

Tucuimanta yallica, cuyanacushpami causana canguichic. Chashna cuyanacushpa causashpami, tucui mashna shuc shinalla sumacta causanguichic.