JEREMÍAS 43:10 - Dios Rimashcata Quillcashcami

¹⁰ Chashna pambashpaca, israelcunapac tucuita Mandac Diosca: “Ñucata servic Babilonia llactata jatun mandac Nabucodonosortami cachagrini. Shina cachashpami, pai mandashpa tiyarinataca chai rumicunapac jahuapi churasha. Chai jahuapimi sumac carpa huasita shayachinga.

JEREMÍAS 43:10 Iomraidhean Croise

1 REYES 20:12

Ben-adad caishuc jatun mandaccunahuan carpa huasicunapi ubiashpa tiyacpimi, huillangapac chayarcacuna. Shina huillacpimi, paita serviccunataca: «¡Macanacuiman ringapac allichirichic!» nishpa mandarca. Shina mandacpimi, paicunaca Samaria llactapi causaccunahuan macanacungapac allichirircacuna.

1 REYES 20:16

Chaupi punzhatami paicunaca macanacuiman llucshirca. Ben-adadca paita ayudangapac shamushca quimsa chunga ishcai jatun mandaccunahuanmi carpa huasicunapi ubiashpa, machashca carca.

SALMOS 18:11

Pai miticungapacca amsa tutatami churarca. Cortina shinatami paipac muyundita churarca. Jahua catataca tamyanalla tendiricuc yana puyutami churarca.

SALMOS 27:5

Llaqui punzhacunapica paihuan tupana huasipimi huacaichinga. Paipaclla chicanyachishca ucupimi pacanga. Jatun torre jahuapimi churanga.

SALMOS 31:20

Gentecuna yuyarinacushpa llaquichinamantaca cambac ñaupapi churashpami huacangui. Camishpa llaquichinamantaca cambaclla canhuan tupana huasipimi huacaichingui.

ISAÍAS 44:28

Ñucami mandac Cirotaca: “Canmi ñuca ovejacunata michingui. Ñuca tucui imata ruhuachun nishcatami ruhuangui. Jerusalenta cutin allichi nicpi, ñuca huasitapish shayachi” nicpica, chashnami ruhuangui» ninimi.

ISAÍAS 45:1

Mandac Diosmi Cirotaca aceitehuan cahuishpa mandac cachun churarca. Paitami alli lado maquimanta aisashpa, shuc llactapi causaccunata cumurichichun, jatun mandaccuna chumbillirishcata surcuchichun apamurca. Shinallatac paipac ñaupapi pungucuna pascashca saquirichunmi chashnaca apamurca. Mandac Diosca paitaca:

JEREMÍAS 1:15

Ñucami jahua ladopi causac familiacunata, jatun mandaccunata tandanacushpa shamuchun cayagrini. Paicuna shamushpami, Jerusalenman yaicuna ñaupapi tiyac tucui pirca muyundipipish, Judá llactapi tiyac pueblo muyundipipish carpacunata shayachinga.

JEREMÍAS 43:9

«Jatun rumicunata japishpa, Judá llacta runacunapac ñaupapi, Tafnes llacta Faraonpac huasiman yaicuna chimba lado, ladrillota ruhuana turupi pambai.

JEREMÍAS 46:13

Babilonia llactata jatun mandac Nabucodonosor shamushpa, Egipto llactapi causaccunata llaquichinamanta Mandac Dios pai ima nishcata huillac Jeremiasman huillashpaca:

JEREMÍAS 49:38

Elam llactapica ñuca mandashpa tiyarinata churashpami jatun mandactapish, shuctac mandaccunatapish tucuchisha.

EZEQUIEL 5:12

Cancunamanta quimsapi chaupishca gentecunaca ungüihuan, yarcaihuanmi chaillapitac huañunga. Cutin shuc quimsapi chaupishca gentecunaca cancunapac muyundillapitacmi jatun macanacuipi huañunga. Cutin shuctac quimsapi chaupishca gentecunataca espadata llucchishpami caita chaita catishpa cachasha.

DANIEL 2:21

Canmi huatacunatapish, punzhacunatapish shuctaclayata ruhuangui. Canmi jatun mandaccunatapish churangui, shinallatac llucchingui. Alli yachaccunamanca alli yachaita, yuyaisapacunamanca alli yuyaitami cungui.

SAN MATEO 22:7

Chashna ruhuacpimi, jatun mandacca yallita piñarishpa, chai huañuchic runacunataca huañuchishpa, chai pueblotapish rupachichun soldadocunata mandarca.