JEREMÍAS 42:4 - Dios Rimashcata Quillcashcami

⁴ Shina nicpimi, Dios ima nishcata huillac Jeremiasca: —Allimi. Cancuna mañashca shina, Mandac Diosta mañagrinimi. Mandac Dios tucui imata nishcataca mana pacashpami cancunaman huillasha— nirca.

JEREMÍAS 42:4 Iomraidhean Croise

SALMOS 40:10

Cashcata can ruhuashcatapish, allita ruhuac cashcatapish, can llaquic cashcatapish, mana llullac cashcatapish mana pacashpami, jatun tandanacuipi huillarcani.

ÉXODO 8:29

Shina nicpimi Moisesca: —Ñucaca caimanta llucshishpami, Mandac Diostaca canmantapish, canta serviccunamantapish, tucui Egiptopi causaccunamantapish caya chuspicunata anchuchichun mañasha. Canca Mandac Diosman animalta cushpa, rupachigrichunca, mana jarcanachu cangui. Pacta llullashpa, ñucanchicta cashna nicunguiman— nirca.

JEREMÍAS 23:28

Huillac runaca pai muscushcata parlachun. Ñuca rimashcata chasquicca mana llullashpa huillachun. Cupahuan trigohuanca mana chashnallatacchu.

JEREMÍAS 23:35

Cancunahuan apanacucta, cancunapac huauquitaca: “¿Mandac Diosca imatatac nirca? ¿Mandac Diosca imatatac rimarca?” ninguichic.

JEREMÍAS 26:2

«Ñucapac huasi pungupi shayarishpa, ñuca huillashcata Judá llactacunamanta ñucapac huasipi alli ningapac shamuccunaman huillai. Shuc rimashcallatapish mana saquishpa tucuita huillangui.

EZEQUIEL 2:7

Paicunaca mana cazuccunami, chaimanta uyachunpish, mana uyachunpish ñuca nishcataca huillacunguilla.

HECHOS 20:20

Ñucaca cancunapac allipacmi huillacurcanilla, yachachicurcanilla. Chashnami tucuipac ñaupapipish, huasicunapipish huillacurcani.

HECHOS 20:27

Chaica, Dios huillachun nishcataca, mana pacashpami tucui huillarcani.

ROMANOS 10:1

Cuyashca criccuna, tucui shunguhuanmi israelcuna quishpirichun Diosta mañacuni.

1 SAMUEL 12:23

Ñucamanta nishpaca, cancunamanta Mandac Diosta mañanata saquishpa juchallichunca Dios ama munachun. Ashtahuanpish cancunataca allita purichun, sumacta causachun yachachishallami.