JEREMÍAS 42:3 - Dios Rimashcata Quillcashcami

³ Canta Mandac Dios maijan ñanta catinatapish, imata ruhuanatapish ñucanchicman yachachichun mañaiyari— nirca.

JEREMÍAS 42:3 Iomraidhean Croise

1 REYES 8:36

Shina ruhuacpica, jahua pachapi uyashpami, canta serviccunapac juchatapish, can acllashca israelcunapac juchatapish perdonangui. Canta cazushpa purichunpish, alli ñanta ricuchishpa yachachingui. Can acllashca gentecunaman cushca llactapipish tamyachingui.

ESDRAS 8:21

Chai quipaca Ahava jatun yacu ladopi cashpami ñucanchictapish, ñucanchic huahuacunatapish, ñucanchic ima charishcacunatapish, ñanpi alli pushachun nishpa mana micushpa, llaquirishpa ñucanchic Diosta mañangapac yuyarircani.

SALMOS 27:11

Piñaccunaca ñucata juchanchicunmi. Chaimanta Mandac Dioslla, alli ñanta pushashpa canhuan ima shina causanata yachachiyari.

SALMOS 86:11

Mandac Dioslla, can munashca shina causanata yachachiyari. Cashcata nic ñanpimi causasha. Ñuca shungupipish canta manchana yuyaita churaiyari.

PROVERBIOS 3:6

Imata ruhuashpapish Diosta yuyaringui. Paimi cantaca alli ñanta pushanga.

ISAÍAS 2:3

Achca gentecuna shamushpaca: «Mandac Dios munashca shina causanata yachachicpi, allita yachacushpa, paipac alli ñanta catingapac paipac urcuman rishunchic. Jacobopac Diospac huasiman jacuchic» ningami. Chaica Sión llactamantami mandashcacunaca llucshinga. Jerusalenmantami Mandac Dios rimashcaca llucshinga.

JEREMÍAS 6:16

Mandac Diosca: «Ñancunapi shayarishpa ricuichicyari. Ñaupa ñancunata tapushpa, maijan ñan alli cashcata acllashpa purichicyari. Chashna ruhuacpica, cancunapac alma samaringami» nirca. Shina nicpipish cancunaca: «Chai ñantaca mana purishunchu» nircanguichicmi.

MIQUEAS 4:2

Achca llactacunamanta shamushpaca: “Mandac Dios causacuc urcuman rishunchic. Jacobopac Mandac Diospac huasiman jacuchic. Chaipimi alli ñanta purinata yachachinga. Shina yachachicpimi, alli ñanpi purishun” ningacuna. Sionmantami mandashcacunaca llucshinga. Jerusalenmantami Mandac Dios rimashcaca llucshinga.

DEUTERONOMIO 5:26

Chaica, ¿pi shuctac runacunata causac Dios nina chaupimanta rimashcata uyashpaca causacungayari?

DEUTERONOMIO 5:29

¡Paicunaca shungumanta manchashpa, tucui punzhacuna tucui ñuca mandashcacunata cazushpa causashpami alli canman! Shina ruhuashpami, paicunapish, paicunapac huahuacunapish tucui causaipi alli canga.