JEREMÍAS 42:11 - Dios Rimashcata Quillcashcami

¹¹ Cancuna manchana Babilonia llactata jatun mandactaca ama manchaichicchu. Paipac maquimanta cacharichishpa, quishpichingapacca ñucami cancunahuan casha. Paitaca ama manchaichicchu.

JEREMÍAS 42:11 Iomraidhean Croise

2 REYES 25:26

Chaimantami caldeocunata manchashpa tucui gentecuna, uchillamanta callarishpaca, yuyaccunacaman soldadocunata mandaccunahuan miticushpa Egiptoman rircacuna.

SALMOS 118:6

Mandac Diosca ñucahuanmi. Maijan ñucata llaquichinamantaca mana manchashachu.

SALMOS 46:11

Tucuita Mandac Diosca ñucanchic-huanmi. Ñucanchic miticunaca taita Jacobopac Diosmi.

SALMOS 46:7

Tucuita Mandac Diosca ñucanchic-huanmi. Jocobopac Diosca ñucanchic jarcarinami.

ISAÍAS 41:10

Ñucaca cancunahuanmi cani. Chaimanta ama manchaichicchu. Ñucaca cancunapac Diosmi cani. Chaimanta ama manchaichicchu. Ñucaca cashcata ruhuashpami cancunapac tucui causaipi ayudasha.

ISAÍAS 43:2

Yacuta pasacucpipish canhuanmi casha. Jatun yacuta pasashpapish mana ucuyanguichu. Nina jahuata purishpapish mana rupanguichu. Cunyacuc ninapish mana rupachingachu.

ISAÍAS 43:5

Ñucaca canhuanmi cani. Chaimanta ama manchaichu. Cambac huahuacunataca inti llucshina ladomantapish, inti tigrana ladomantapish tandachishpa pushamushami» ninmi.

JEREMÍAS 1:19

Canhuan macanacushpapish cantaca manatac mishangachu. Canta quishpichingapacca ñucami canhuanca casha. Chaitaca Mandac Dios ñucami nini» nirca.

JEREMÍAS 1:8

Ñucami ima llaquimantapish quishpichingapac canhuan casha. Ama manchanguichu» nirca.

JEREMÍAS 15:20

Cantaca gentecunapac ñaupapi jatun bronce pirca shina cachunmi churasha. Canhuan macanacungapac shamushpapish mana mishai pudingachu. Mandac Dios ñucami, canta cuidashpa quishpichingapac canhuan casha.

JEREMÍAS 27:11

Ashtahuanpish Babilonia llactata jatun mandacpac yugota cungapi churashca shina, paita serviccunataca chai llactallapitacmi tarpushpa causachun saquisha. Chaitaca Mandac Dios ñucami nini” ninmi ningui» nirca.

JEREMÍAS 27:12

Judá llactata jatun mandac Sedequiasmanpish huillashpaca: «Babilonia llactata jatun mandacpac yugota cungapi churashca shina paitapish, paipac gentecunatapish servishpa causaichic. Chashna servishpaca causanguichicmi.

JEREMÍAS 27:17

Paicunataca ama uyanguichicchu. Chaipac randica, Babilonia llactata jatun mandacta servishpa causanguichic. Chashna servishpaca causanguichicmi. ¿Ima nishpatac cai llactaca llaquinayaita shitashca saquiringa?

JEREMÍAS 41:18

Caldeocunata manchashcamantami chaipi causarca. Netaniaspac churi Ismael Ahicampac churi Gedaliasta huañuchishcamantami paicunaca mancharca. Gedaliastaca Babilonia llactata jatun mandacmi chai llactata mandachun churashca carca.

NÚMEROS 14:9

Chaimanta Mandac Diosta ama piñachichicchu. Chai llactapi causaccunatapish mana manchanachu canchic. Ñucanchicca paicunataca tandata micuc shinami tucuchishun. Paicunata llaquishpa ayudacpish, mana tiyanchu. Cutin ñucanchicca Mandac Diostami charinchic. ¡Chaimanta ama manchaichicchu!— nirca.

SAN MATEO 10:28

Cuerpota huañuchiccunataca ama manchanguichicchu. Cuerpota huañuchishpapish, almataca mana huañuchi pudingachu. Ashtahuancarin almatapish, cuerpotapish ucu pachaman cachac Diosta manchanguichic.

SAN MATEO 28:20

Ñuca cancunaman mandashpa yachachishcacunata paicunapish cazuchun yachachinguichic. Ñucaca cai pacha tucuringacamanmi, cancunahuanca casha» nirca.

HECHOS 18:10

Ñucaca canhuanmi cani. Chaimanta pi cantaca imata mana ruhuangachu. Cai pueblopica achca criccunami tiyan» nirca.

ROMANOS 8:31

Shina cacpica, ¿imatatac nishun? Dios ñucanchic-huan cacpica, ¿pitac ñucanchictaca llaquichi pudinga?

DEUTERONOMIO 20:4

Mandac Diosmari cancunamanta cancunata piñaccunahuan macanacungapac rin. Paimi macanacuita mishachinga” nirca.

2 TIMOTEO 4:17

Chashna cacpipish Apunchic Jesusca mana ñucallata saquishpami sinchiyachirca. Chaimantami quishpirinamanta alli huillaita huillashpaca, tucui mana israelcunapish uyachun huillarcani. Chashnami Apunchic Jesusca ñucataca, piña leonpac shimimanta shina anchuchirca.

JOSUÉ 1:5

Cambac tucui causaipimi canhuanca pipish mana macanacui pudinga. Ima shinami Moises-huan carcani, shinallatacmi canhuanpish casha. Cantaca mana saquishachu.

JOSUÉ 1:9

Riqui cantaca sinchi, cari cari cai nishpami mandani. Ama manchaichu, ama shaicuichu. Canta Mandac Dios ñucaca can maita ricpipish, canhuanmi casha» nirca.