JEREMÍAS 42:10 - Dios Rimashcata Quillcashcami

¹⁰ Cancuna cai llactamanta mana llucshishpa, caipi causai callaricpica, cutin sinchiyachishpa, mana tucuchishachu. Cancunataca tarpushca shinata ruhuashpa, mana pilashachu. Cancunata llaquichishcamantaca llaquirinimi.

JEREMÍAS 42:10 Iomraidhean Croise

2 SAMUEL 24:16

Jerusalenpi causaccunata tucuchingapac ángel chai pueblo ladota rigrata chutacpica, Mandac Dios chai pueblota llaquichigricushcamantami llaquirirca. Chaimantami chai pueblota tucuchic angeltaca: «¡Chaillapi saqui! ¡Ama llaquichichu!» nirca. Mandac Diospac angelca jebuseopuramanta Araunapac trillana era ladopimi carca.

SALMOS 102:16

Mandac Diosmi Siontaca shayachinga. Paipac sumaimanami ricuringa.

SALMOS 106:45

Pai yallita llaquic cashpami paicunahuan ari nishcata yuyarishpa, paicunamanta mai llaquirca.

SALMOS 37:3

Mandac Diospi shunguta churashpa allita ruhuailla. Cambac llactapi allita ruhuashpa causailla.

SALMOS 69:35

Diosmi Siontaca llaquimanta llucchinga. Judá llacta pueblocunatapish cutin allichinga. Chaipi causai callarishpami chai pueblotaca paicunapac cachun japingacuna.

ÉXODO 32:14

Chaimantami Mandac Diosca pai acllashca gentecunata llaquichisha nicushpapish mana llaquichishpa saquirca.

JEREMÍAS 24:6

Paicunata cuidashpami, cai llactaman cutin cutichimusha. Chashna cutichimushpaca, mana cutin llaquichishachu. Ñuca tarpushca shina yuracunataca mana cutin sapindi llucchishachu.

JEREMÍAS 26:19

Miqueastaca, ¿Judá llactata mandac Ezequiaschu, Judá llactapi tucui causaccunachu huañuchirca? ¿Manachu Mandac Diospac ñaupapi, paita manchashpa mañarca? Shina mañacpica, ¿manachu Mandac Diosca paicunata llaquichinata saquirca? Cai runata huañuchishpaca ñucanchicllatac llaquita apangapacmi huañuchishun» nirca.

JEREMÍAS 27:11

Ashtahuanpish Babilonia llactata jatun mandacpac yugota cungapi churashca shina, paita serviccunataca chai llactallapitacmi tarpushpa causachun saquisha. Chaitaca Mandac Dios ñucami nini” ninmi ningui» nirca.

JEREMÍAS 31:28

Ima shinami paicunata sapimanta pilac shina anchuchinata, urmachinata, llaquichinata, tucui chingachinata munarcani. Chashnallatacmi allichishpa shayachinata, tarpuc shina cutin callarichinata munani.

JEREMÍAS 33:7

Judá llactamanta, Israel llactamanta prezu apashca gentecunaca cutin cutichimushpami, utcapi cashca shinallatac sinchiyachisha.

JEREMÍAS 43:4

Shina nishpami, Careapac churi Johananpish, soldadocunata mandaccunapish, gentecunapish Mandac Dios rimashcata mana cazushpa, Judá llactapi mana saquirirca.

EZEQUIEL 36:36

Cancunapac muyundipi causaccunaca tucui urmachishcacunata ñuca cutin shayachishcatapish, shitashca pambapipish ñuca tarpushcatapish yachangami. Mandac Dios ñucami chashna nini. Chaitaca ruhuashatacmi.

OSEAS 11:8

Efraín aillulla, ¿cancunataca imatac shitashpa saquishayari? Israelcunalla, ¿imatac shuccunapac maquipi saquishayari? Cancunataca, ¿imatac Adma llactata shina, mana cashpaca Zaboím llactata shina llaquichishayari? Ashtahuanpish cancunataca shungupi nanarishpami yuyaricunilla.

JOEL 2:13

Llaquirishpa churanata lliquirinapac randica, tucui shunguhuan llaquirichic. Cancunata Mandac Diospacman cutirichic. Paica cuyac shungumi, llaquicmi. Mana utca piñaric, yallita llaquicmi. Paica mana llaquichinata munanchu.

AMÓS 7:3

Shina nicpimi, Mandac Diosca llaquirishpaca: «Mana chashna cangachu» nircami.

AMÓS 7:6

Chaimantami Mandac Diosca llaquirishpaca: «Mana chashna cangachu» nirca.

JONÁS 3:10

Mandac Diosca paipacman cutirishpa, mana allita ruhuashpa causanata saquishcamantami llaquichisha nicushpapish, llaquirishpa mana llaquichirca.

JONÁS 3:4

Jonasca llactata shuc punzhata purishpami: «¡Cunanmanta chuscu chunga punzhapica Nínive llactaca tucuringami!» nirca.

JONÁS 4:2

Chaimantami Mandac Diosta mañashpaca: —Mandac Dioslla, ¿manachu cashna ruhuanataca, ñuca llactapi cashparac yacharcani? ¡Chaimantami Tarsisman miticushpa utca rircani! Can Diosca yallita cuyac, mana utca piñaric, alli shungumi cangui. Llaquicmi cangui, mana llaquichicchu cangui.

HECHOS 15:16

“Chai quipaca cutimushpa, Davidpac huahua huahuacunataca urmashca huasita jataric shinami, cutin jatarichisha. Urmashpa chingarishca shinatapish, allichishpa jatarichishami.

DEUTERONOMIO 32:36

Mandac Diosca pai acllashcacunataca cashcata ruhuashpami taripanga. Paita serviccunata llaquingami. Ña fuerza illac cacpi, pipish mana saquiricpi, prezucunapish, mana prezucunapish mana saquiricpi llaquingami.

JUECES 2:18

Juezcunata churashpaca Mandac Diosca paicunahuanmi carca. Chaimantami tucui juezcuna causacui punzhapica paicunata piñaccunapac maquimanta quishpichirca. Mandac Diosca paicunata llaquichicpi, cuyaillata huacacpimi, israelcunataca quishpichirca.