JEREMÍAS 41:8 - Dios Rimashcata Quillcashcami

⁸ Chaimantami paicunapuramanta chunga runacuna Ismaeltaca: «Ñucanchicta ama huañuchichu. Ñucanchic allpapica achca trigota, cebadata, aceiteta, abeja mishquitami pacashpa charicunchic» nirca. Chaimantami paicunahuan cac runacunata shina mana huañuchirca.

JEREMÍAS 41:8 Iomraidhean Croise

JOB 2:4

Shina nicpi, Satanasca Mandac Diostaca: —¡Maijan paita mana imata ruhuacpica, cushillami can! Runaca paipac causaimantaca pai tucui charishcatami cunga.

PROVERBIOS 13:8

Charic runaca pai charishcacunahuan maijan huañuchinamantapish quishpiri pudinmi. Ashtahuanpish huaccha runataca pi mana huañuchisha nishpa manchachinchu.

ISAÍAS 45:3

Chaipi sumac pacashcacunatapish, pi mana ricushca huacaichishcatapish canmanmi cusha. Israelcunata Mandac Diosca, ñuca cashcata yachachun, shinallatac canta shutipi cayashcata yachachunmi chashnaca ruhuasha.

JEREMÍAS 41:9

Ismael huañuchishpa cuerpocunata shitashca jutcuca jatun jutcumi carca. Chai jutcutaca Judá llactata jatun mandac Asami Israel llactata jatun mandac Baasa macangapac shamucpi, miticungapac ruhuashca carca. Chai jutcupimi Netaniaspac churi Ismaelca huañushcacunata jundachirca.

SAN MATEO 16:26

Maijanpish cai pachapi tucui ima tiyashcata charishpapish, huiñai causaita chingachishpaca, ¿ima allitac cangayari? Pai quishpiringapacca, ¿imatatac cui pudinga?

SAN MATEO 6:25

Chaimantami ñucaca: Ama: “¿Imatatac micushun, imatatac ubiashun, imatatac churarishun?” nishpa, chai yuyailla canguichicchu. Causaimari micunatapish ashtahuan yalli valin. Cuerpomari, churanata ashtahuan yalli valin.