JEREMÍAS 41:5 - Dios Rimashcata Quillcashcami

⁵ Siquem, Silo, Samaria llactacunamanta pusac chunga runacuna Mizpa llactaman shamurca. Paicunaca barbasta pitishca, churanacunapish lliquishca, tucui cuerpopish aspishcami ofrendata, inciensota, Mandac Diospac huasiman apamurca.

JEREMÍAS 41:5 Iomraidhean Croise

GÉNESIS 33:18

Chai quipaca Jacobo Padan-aram llactamanta shamushpaca, Canaán llactapi cac Siquem llactamanmi cushilla chayarca. Chashnami chai llacta chimba ladopi causai callarirca.

GÉNESIS 34:2

Chashna ricpimi, chai llactata mandac heveocunapuramanta Hamorpac churi Siquemca chai solterata ricushpa, japirishpa llaquichirca.

GÉNESIS 37:12

Chai quipaca Josepac huauquicunaca Siquem ladopimi taitapac ovejacunata michingapac rirca.

2 SAMUEL 10:4

Shina nicpimi, Hanunca Davidta serviccunata japishpa, shuc lado barbasta pitishpa, churanatapish cinturamanta urapi pitishpa cutichishpa cacharca.

1 REYES 12:1

Jatun mandac cachun Roboamta churangapacmi tucui israelcuna Siquem pueblopi tandanacushca carca. Chaimantami Roboampish Siquem puebloman rirca.

1 REYES 12:25

Jeroboamca Efraín urcupi cac Siquem pueblota cutin allichishpami chaipi causai callarirca. Chaimanta llucshishpaca, Penuel pueblotami allichirca.

1 REYES 16:24

Omrica Semermanmi Samaria urcuta ishcai talento cullquipi randirca. Chai urcupi shuc pueblota ruhuashpami, chai urcuta catuc Semer shuti cashcamanta chai pueblotaca Samariata shutichirca.

1 REYES 16:29

Judá llactata jatun mandac Asa quimsa chunga pusac huatata mandacucpimi, Omripac churi Acabca Israel llactata mandai callarirca.

2 REYES 25:9

Chashna shamushpami, Mandac Diospac huasitapish, mandana huasitapish, Jerusalenpi tucui huasicunatapish, mandaccunapac tucui huasicunatapish rupachirca.

1 CRÓNICAS 19:4

Shina nicpimi, Hanunca Davidta serviccunata japishpa barbasta pitichishpa, churanacunatapish cinturamanta uraiman pitishpa cacharca.

SALMOS 102:14

Canta serviccunaca pueblo urmashca rumicunatami cuyacun! Chai pueblo ñuto allpatami llaquincuna.

SALMOS 78:60

Chaimantami Silo pueblo gentecunapac chaupipi cac paipac carpa huasitaca saquirca.

ISAÍAS 15:2

Dibón llactapi causaccunaca lomacunapi tiyac altarcunapi huacangapacmi llucshirca. Moab llactapi causaccunaca Nebo, Medeba llactacunata tucuchishcamantami caparishpa huacanga. Tucuimi acchata pitishpa barbastapish anchuchinga.

JEREMÍAS 16:6

Cai llactapica uchillacunapish, jatuncunapish huañungami. Paicunamantaca pipish mana huacangachu, mana enterrangachu. Shinallatac pipish churanata lliquirishpa, acchata pitirishpa mana llaquiringachu.

JEREMÍAS 41:4

Gedaliasta huañuchishca quipa punzhapi, paita huañuchishcata pipish manarac yachacpimi,

JEREMÍAS 47:5

Gaza runacunaca llaquirishpami, uma acchata pitinga. Ascalonpi causaccunaca tucuringami. Pugru pambacunapi causaccuna, ¿ima horascamantac quiquin aichata chugriringuichic?

JEREMÍAS 48:37

Tucuimi acchatapish, barbastapish pitishpa, maquicunatapish chugririshpa, sharpa churanata churashca purincuna.

JEREMÍAS 7:12

Ñaupa punzhacunapi ñuca shutita causachun churashca Silo llactaman richic. Chaipi ñuca acllashca israelcuna mana allita ruhuashcamanta ñuca imata ruhuashcata ricuichic.

JEREMÍAS 7:14

Chaimantami cancuna shunguta churashpa, ñuca shutita mañana huasitaca Silo llactata shinallatac ruhuagrini. Cai huasitaca cancunamanpish, cancunapac ñaupa taitacunamanpishmi curcani.

JOEL 2:13

Llaquirishpa churanata lliquirinapac randica, tucui shunguhuan llaquirichic. Cancunata Mandac Diospacman cutirichic. Paica cuyac shungumi, llaquicmi. Mana utca piñaric, yallita llaquicmi. Paica mana llaquichinata munanchu.

DEUTERONOMIO 14:1

Cancunaca Mandac Diospac huahuacunami canguichic. Chaimanta maijan huañucpica, mana chugririnachu canguichic. Acchatapish mana pitirinachu canguichic.

JOSUÉ 18:1

Tucui tandanacushca israelcuna chai llactacunata japishca quipaca, Silo pueblopimi tandanacushpa, Dios-huan tupana huasita shayachirca.

JOSUÉ 24:32

Israelcuna Egiptomanta apamushca Josepac tullucunataca Siquem pueblopimi enterrarca. Chai allpataca Jacobomi Siquempac taita Hamorman patsac cullquipi randishca carca. Chai allpatami Josepac churicunaca japirca.

JUECES 18:31

Chashnami paicuna alli ningapac Micaías ruhuashca diosta Diospaclla carpa huasi Silo pueblopi tiyashca punzhacunacaman chaipi charircacuna.

JUECES 9:1

Jerobaalpac churi Abimelecca paipac mamapac turicunahuan parlangapacmi Siquem puebloman rirca. Chaipi paicunahuan parlashpami paipac mamapac taitamanta familiacunataca:

1 SAMUEL 1:7

Chashnami huatanta Mandac Diospac huasiman rishpa, Peninaca Anataca yallita llaquichic carca. Chaimantami Anaca huacashpalla mana micuc carca.