JEREMÍAS 41:1 - Dios Rimashcata Quillcashcami

¹ Chai huata, canchis quillapimi jatun mandacpac huahuapuramanta Netaniaspac churi Elisamapac nieto Ismaelca caishuc chunga mandaccunahuan Gedaliaspacman Mizpa llactaman shamurca. Chashna shamushpami, chaipi tandanacushpa micurca.

JEREMÍAS 41:1 Iomraidhean Croise

2 SAMUEL 3:27

Abner Hebrón puebloman cuticpimi, Joabca paillahuan parlasha nic shinalla chai pueblo yaicuna punguman caruyachishpa pusharca. Chaipimi paipac huauqui Asaelta huañuchishcamanta yallita piñarishpa huicsapi chugrishpa huañuchirca.

2 REYES 11:1

Ocoziaspac mama Atalía paipac huahua huañushcata yachashpami, jatun mandacpac tucui huahua huahuacunata huañuchirca.

2 REYES 25:22

Babilonia llactata jatun mandac Nabucodonosorca Judá llactapi saquirishcacunata mandachunca Ahicampac churi Gedaliastami churarca. Ahicamca Safanpac churimi carca.

2 REYES 25:25

Ashtahuanpish chai huata canchis quillapimi jatun mandacpac huahua huahuapuramanta Ismaelca chunga runacunahuan Mizpa puebloman rishpa Gedaliasta huañuchishpa, chaipi causacuc Judá llacta runacunatapish, caldeocunatapish huañuchirca. Ismaelca Netaniaspac churimi carca. Nataniasca Elisamapac churimi carca.

2 CRÓNICAS 22:10

Ocoziaspac mama Ataliaca paipac huahua huañushcata yachashpami, Judá aillupuramanta jatun mandacpac huahua huahuacunata tucui huañuchirca.

SALMOS 109:5

Paicunaman allita ruhuacpipish, ñucamanpish mana allitami ruhuarca. Paicunata cuyacpica, yallitami ñucataca mana ricunayachirca.

SALMOS 41:9

Ñucahuan alli apanacuc, ñucahuan micuc, ñuca shunguta churashca runallatacmi ñucapac contra jatarirca.

PROVERBIOS 13:10

Cariyashpa jatun tucuccunaca piñanacuipimi churan. Ashtahuanpish cunashcata uyaccunami allita yachaccuna can.

PROVERBIOS 27:4

Yallita piñarishca runaca pitapish mana llaquishpa tucuchina yuyaillami. Imatapish charina yuyaihuan puric runapac ñaupapica ¿pitac shayari pudingayari?

JEREMÍAS 36:12

Chaimantami jatun mandacpac huasiman rishpa, quillcac runapac ucuman yaicurca. Chaipimi quillcac Elisamapish, Semaiaspac churi Delaiaspish, Acborpac churi Elnatanpish, Safanpac churi Gemariaspish, Ananiaspac churi Sedequiaspish tiyacurca.

JEREMÍAS 36:20

Shina nishpami, Baruc charicushca quillcata Elisamapac ucupi saquishpa, jatun mandacpac ucuman yaicurca. Chaipimi tucui uyashcata jatun mandacman huillarca.

JEREMÍAS 39:14

cárcel pungumanta Jeremiasta llucchichun cacharca. Chaimanta llucchishpaca, Ahicampac churi, Safanpac nieto Gedaliasmanmi huasipi pushashpa causachun curca. Shinami Jeremiasca Judá llacta gentecunapac chaupipi causacurca.

JEREMÍAS 40:13

Chaimantami Careapac churi Johananpish, miticushpa saquirishca mandac soldadocunapish Gedaliaspacman Mizpa llactaman shamurca.

JEREMÍAS 40:5

Jeremías imatapish manarac yuyaricpimi Nabuzaradanca: Ahicampac churi, Safanpac nieto Gedaliaspacman cuti. Paitaca Babilonia llactata jatun mandacmi tucui Judá llactata mandachun churarca. Judá llactapi cambac llactapuracunapac chaupipi causagri. Mana cashpaca, maipi ashtahuan alli causanata ricushpa, chaipi causai» nirca. Shinami soldadocunata mandacca micunatapish, shuctac regalotapish Jeremiasman cushpa, caya minchacaman nishpa cacharca.

JEREMÍAS 40:6

Jeremiasca Ahicampac churi Gedaliaspacmanmi Mizpa llactaman cutirca. Chaipimi Judá llactapi saquirishcacunapac chaupipi causarca.

JEREMÍAS 40:7

Babilonia llactata jatun mandac Ahicampac churi Gedaliasta Judá llactatapish, Babilonia llactaman mana apashca caricunatapish, huarmicunatapish, huahuacunatapish, huacchacunatapish mandachun churashcatami urcucunapi miticushpa saquirishca mandac soldadocuna, caishuc soldadocunaca yachac chayarca.

JEREMÍAS 40:8

Chai quipami paicunaca Gedaliaspacman Mizpa llactaman shamurca. Paicunaca Netaniaspac churi Ismael, Careapac churi Johanán, Jonatán, Tanhumetpac churi Seraías, Netofatitapuramanta Efaipac churicuna, Maaca llactapi causac runapac churi Jezaniasmi carca. Tucui paicunapac soldadocunandimi shamurca.

EZEQUIEL 17:13

Shinallatac jatun mandacpac huahuacunapuramanta shuc mandacta japishpami, paihuan ari ninacurca. Cai llactapi causac sinchi mandaccunatapish pusharcami.

SAN JUAN 13:18

Mana tucui cancunamantachu nicuni. Maijanlla ñuca acllashca cashcataca yachanimi. Dios quillcachishcapi: “Ñucahuan micucucllatacmi ñucataca piñanga” nishca pactachunmi, chashnaca tucunga.