JEREMÍAS 40:12 - Dios Rimashcata Quillcashcami

¹² Chaimantami Judá llactamanta llucchishpa cachashca gentecunaca chai pushtullamantac cutirca. Paicunaca Gedaliaspacmanmi Mizpa llactaman shamurca. Chaipimi usyai punzhacuna tiyac vinotapish, ima shuctac granotapish achcata tandachirca.

JEREMÍAS 40:12 Iomraidhean Croise

PROVERBIOS 27:25

Pambacunapi quihua huiñashpaca quihua pambacunami tucun. Lomacunamantami quihuataca tandachishca canga.

ISAÍAS 16:9

Chaimantami Jazerpi causaccuna Sibma pambapi tiyac uvas chagramanta huacashca shina huacasha. Hesbónlla, Elealella, cancunamantami ñuca huiquita jichasha. Cosechanamantapish, granota tandana pambamantapish macanacungapacmi caparicun.

JEREMÍAS 40:10

Caldeocuna cancunapacman shamucpica, ñucami cancunapac randi cai Mizpa llactapi rimasha. Ashtahuanpish cancunaca, cancuna japishca llactacunallapitac shuyaichiclla. Vinotapish, aceitetapish, pucushca granotapish usyai punzhacunapi tandachishpa, huasipi huacaichichiclla» nirca.

JEREMÍAS 40:13

Chaimantami Careapac churi Johananpish, miticushpa saquirishca mandac soldadocunapish Gedaliaspacman Mizpa llactaman shamurca.

JEREMÍAS 41:10

Chai quipami Ismaelca Mizpa llactapi saquirishca jatun mandacpac ushicunatapish, shuctac gentecunatapish prezu aparca. Paicunataca soldadocunata mandac Nabuzaradanmi Ahicampac churi Gedaliasman mingashca carca. Netaniaspac churi Ismaelca tucui prezushpami amonitacunapacman rirca.

JEREMÍAS 43:5

Ashtahuanpish Careapac churi Johananhuan, soldadocunata mandaccunahuanmi shuctac llactacunamanta cutishpa, Judá llactapi causangapac saquirishca tucui

JEREMÍAS 44:18

Ashtahuanpish jahua pachata mandac huarmi diosman inciensota rupachinata, vinota cushpa tallinata saquishca punzhamanta pachami imapish illac canchic, shinallatac jatun macanacuipi yarcaihuan huañucunchic» nirca.

EZEQUIEL 34:6

Ñuca ovejacunaca chingarishpami urcucunata, lomacunata purirca. Tucui cai pachatami caita chaita rircacuna. Chashna cacpipish, pi mana mashcarcachu, pi mana tapurcachu.