JEREMÍAS 4:6 - Dios Rimashcata Quillcashcami

⁶ ¡Sión ladoman banderata alzaichicyari! ¡Ama unaiyashpa miticungapac callpaichic! Jahua lado llactamantami yalli llaquichicta cachagrini. Chaica yalli llaquimi canga.

JEREMÍAS 4:6 Iomraidhean Croise

ISAÍAS 62:10

¡Llacta punguta pasaichicyari! ¡Pasaichicyari! ¡Ñuca acllashcacuna pasachun, ñanta pichaichicyari! ¡Ñanmanta rumicunata anchuchishpa, pugrullata ruhuaichicyari! ¡Tucui gentecuna ricuchun banderata shayachichicyari!

JEREMÍAS 10:22

Uyaichic, Judá llactapi tiyac tucui llactacunata shitashca pambata saquingapacmi jahua llactamanta manchanayaita caparishca uyarimun. Cai llactacunataca shitashca pambapi puric chacal animalcuna causanatami ruhuanga.

JEREMÍAS 18:11

Chaimanta cunanca tucui Judá llactapi, Jerusalenpi causaccunataca: “Mandac Diosca: Cancunata piñashpa llaquichinatami yuyaricuni. Jatun llaquihuan ima shina llaquichinatapish ñami yuyaricuni. Chaimanta cada quiquin mana alli causaita saquishpa cutirichic. Cancunapac causaipipish, cancuna imata ruhuanapipish allita ruhuai callarichic” ninmi ningui.

JEREMÍAS 21:7

Chai quipaca Judá llactata jatun mandac Sedequiastapish, paita serviccunatapish, shuctac gentecunatapish, chai ungüihuan, yarcaihuan mana huañushpa, cai llactapi saquirishcacunatapish, jatun macanacuipi mana huañushcacunatapish Babilonia llactata jatun mandac Nabucodonosorpac maquipimi churasha. Paicunata piñashpa, huañuchinata munaccunapac maquipi churacpica, mana llaquishpami espadahuan huañuchinga. Shucllatapish mana saquingachu. Shucllatapish mana llaquingachu” ninmi ninguichic.

JEREMÍAS 22:7

Canta tucuchichunca runacunatami hachahuan cachasha. Paicunami cambac ashtahuan alli cedro yuracunataca pitishpa rupachinga.

JEREMÍAS 25:9

cai llactatapish, caipi tucui causaccunatapish, cai muyundi llactacunatapish llaquichichunmi jahua llactapi causaccunata, Babilonia llactata jatun mandac ñucata servic Nabucodonosorta cachasha. Chashna cachashpami tucuita tucuchisha. Paicunataca huiñaita tucuipac mancharina, burlanatami ruhuasha.

JEREMÍAS 4:21

¿Ima horascamantac urcupi banderata ricushayari? ¿Ima horascamantac cornetapi tocashcata uyashayari?

JEREMÍAS 50:2

«Llactacunapi caparishpa huillaichicyari. Banderacunata shayachichicyari. Mana pacashpa huillashpa: “Babilonia llactaca shuccunapac maquipimi. Bel diosca yallita pingaimi tucushca. Merodac diospish polvoshcami. Paicunapac ruhuashcalla dioscunapish ñutuchishcami siricun” nishpa caparichicyari.

JEREMÍAS 50:22

Cai pachapica jatun macanacui, yalli caparinacuimi tiyan.

JEREMÍAS 51:12

Mandac Diosca pai nishca shina llaquichinata yuyarishcami. Babilonia llactata llaquichishami nishcataca pactachingatacmi. Chaimanta Babilonia llacta muyundi jatun pircapi banderata shayachichic. Chaimanta ama llucshichun, soldadocunata chapachun churaichic. Chaiman yaicungapac allichirichic.

JEREMÍAS 51:27

¡Chai llactapica banderata alzaichic! Chai llactapi causaccunahuan macanacungapac trompetapi tocashpa llactacunamanta tandachichic. Paicunahuan macanacungapac Ararat, Mini, Askenaz llactacunata jatun mandaccunata tandachichic. Chai macanacuita pushachunca, alli pushacta churaichic. Langosta shina, caballocunapi montashpa huichai shamuichic.

JEREMÍAS 51:54

¡Babilonia llactapi yalli llaquihuan caparishcami uyarin! ¡Caldeocuna manchaihuan chucchushcami ricurin!

JEREMÍAS 6:1

Benjaminpac huahuacunalla, jahua lado llactamantami cancunata llaquichishpa tucuchicca shamucun. Chaimanta Jerusalenmanta llucshishpa, Tecoa llactapi cornetapi tocaichic. Bet-haquerem llacta ladopi cushnichishpa ricuchichicyari.

JEREMÍAS 6:22

Mandac Diosca: «Jahua lado llactamantami achca gentecuna shamun. Cai pacha tucurimantami sinchi gentecuna shamun.

EZEQUIEL 9:1

Chai quipa, ñucata sinchita caparishpaca: «¡Huañuchic runacuna maquipi macanacunata apashpa, cai pueblota chingachingapac shamucunmi!» nirca.

EZEQUIEL 9:2

Jahua lado pungutami sucta runa macanacunata apashca shamucuctami ricurcani. Paicunapac chaupipica lino churanata churashca quillcana tintata cinturapi apashcami shamucurca. Paicuna yaicushpaca, broncemanta ruhuashca altar cuchupimi shayarirca.

SOFONÍAS 1:10

Mandac Diosca: «Chai punzhapica challua Pungumantami mañashpa, caparishca uyaringa. Caishuc pungumantapish llaquinayaita huacashcami uyaringa. Lomacunapipish yallita mancharishpa caparishcami uyaringa.

ZACARÍAS 6:6

Yana caballocuna aisashca carretaca jahua llactamanmi ricun. Yurac caballocunaca aisashca carretaca inti tigrana ladomanmi ricun. Muru caballocunaca aisashca carretaca ura lado llactamanmi ricun— nirca.