JEREMÍAS 4:19 - Dios Rimashcata Quillcashcami

¹⁹ Shina nicpimi Jeremiasca: «¡Aij, ñuca shungulla, ñuca shungulla! Ñuca shunguca nanaihuan pitirigrinmi. Ñuca shunguca yallitami saltacun. Jatun macanacuita huillac cornetapi tocashcatapish, yallita caparishcatapish uyashpaca, ¡ima shinatac upalla cashayari!

JEREMÍAS 4:19 Iomraidhean Croise

GÉNESIS 49:6

Ñuca shungupica cancuna parlanacushcataca mana chasquishachu. Cancunaca yallita piñarishpami, gentecunata huañuchircanguichic. Huagracunatapish piñallamantami chaquita paquinacurcanguichic.

2 REYES 4:19

Chaipi cashpami, chai huahuaca paipac taitataca: —¡Aij, ñuca umata nananmi, ñuca umata nananmi!— nirca. Shina nicpi, taitaca paita servictaca: —Paipac mamapacman apai— nirca.

2 REYES 8:11

Shina nishpami, Diospac runaca Hazaelta pingaichingacaman ricushpa saquirirca. Chashna ricucushpallatacmi Diospac runaca huacarca.

SALMOS 103:1

Ñuca almalla, Mandac Diostaca alli niyari. Paipac jucha illac shutitaca tucui shunguhuan alli niyari.

SALMOS 116:7

Mandac Diosmi ñucamanca allita ruhuarca. Chaimanta ñuca almalla, sumacta samarilla.

SALMOS 119:136

Shuctac gentecuna can mandashcacunata mana cazucpica, huiqui yacu shina callpactami huacani.

SALMOS 119:53

Can mandashcacunata saquishpa millaita ruhuacta ricushpami yallita piñarircani.

SALMOS 146:1

¡Mandac Diosta alabaichicyari! ¡Ñuca almalla, Mandac Diosta alabaiyari!

SALMOS 16:2

Ñuca almalla Mandac Diostaca: «¡Canmi ñucata mandac cangui! Ñucapacca canmanta ashtahuan shucca pipish mana tiyanchu.

ISAÍAS 15:5

Ñucaca Moab llactapi causaccunamantami caparishpa, tucui shunguhuan huacacusha. Chai llactamanta miticushpa riccunaca Zoar llactamanmi callpanga. Luhit huichaitami huacashpa huacashpa ringa. Horonaimman rina ñantami llaquinayaita caparishpa ringa.

ISAÍAS 16:11

Moab llactapi causaccunamantaca ñuca shunguca arpa huacac shinami llaquilla tucun. Kir-haresetpi causaccunamantaca tucui shunguhuanmi huacani.

ISAÍAS 21:3

Chaimantami ñuca huashaca nanacun. Shuc huarmita sajuarina nanai japic shinami llaqui japirca. Yallita llaquilla cashpami, mana uyai pudini. Yallita manchaihuan cashpami mana ricui pudini.

ISAÍAS 21:4

Ñuca shunguca upayanmi. Manchaillami causani. Ñuca munashca tutayana chishica manchanami tucun.

ISAÍAS 22:4

Chaimantami ñucaca: «Yallita caparishpa huacangapac ñucamanta caruyai. Ñuca llactapi causaccunapac llaquimanta huacacpi, ama cushichinguichicchu» nircani.

JEREMÍAS 13:17

Ashtahuanpish cancuna caita mana uyashpa, jatun tucucpica, ñuca shungullapimi pacalla huacasha. Mandac Diospac ovejacunata prezu apashcamantami yallita llaquirishpa, ñuca ñahuimanta huiquita jichasha.

JEREMÍAS 20:9

Chaimantami ñucaca: «Mandac Diosta mana ashtahuan yuyarishachu, paipac shutitapish mana ashtahuan huillashachu» nishpa yuyarcani. Shina cacpipish, cambac rimashcaca ñuca shungupica nina shina rupachishpami tullucaman chayan. Chaimantami cambac rimashcata ñuca shungullapi charicusha nicushpapish mana pudini.

JEREMÍAS 23:9

Jeremiasca: «Llullashpa huillaccunamantaca shungu nanarishpa, yallita llaquirishpami tucui ñuca tullucunacaman chucchucuni. Jucha illac Mandac Dios rimashcata uyashpaca, paipac ñaupapi yuyai chingaricta vinota ubiashca runa shinami tucuni.

JEREMÍAS 4:21

¿Ima horascamantac urcupi banderata ricushayari? ¿Ima horascamantac cornetapi tocashcata uyashayari?

JEREMÍAS 4:5

Mandac Diosca: «Judá llactapipish, Jerusalenpipish: “¡Cai llactapi cornetapi tocaichic!” nichicyari. Shinallatac sinchita caparishpa: “¡Muyundita pircashca llactacunaman tandanacushpa yaicushunchic!” nichicyari.

JEREMÍAS 42:14

Chaipac randica Egiptomanmi rishun. Chaipica jatun macanacuitapish mana ricushunchu, macanacuipi tocana trompetatapish mana uyashunchu. Yarcaipish mana tiyangachu. Chaipica allita causashun” nishpaca,

JEREMÍAS 49:2

Chaimantami amonitacunapac Rabá llactapica jatun macanacuipi caparinacuita uyana punzhacuna chayamun. Chai puebloca tucui urmachishpa, rumi montonllami saquiringa. Chaipi tiyac caishuc llactacunapish rupachishcami canga. Chai punzhacunami israelcunaca paicunamanta quichushca pueblocunata cutin japinga. Chaitaca Mandac Dios ñucami nini.

JEREMÍAS 50:22

Cai pachapica jatun macanacui, yalli caparinacuimi tiyan.

JEREMÍAS 6:24

Jerusalenpi causaccuna chaicunata uyashpaca: “Ñucanchicca fuerza illacmi saquirishcanchic. Ñucanchictaca yalli llaquimi japishca. Shuc huarmita sajuari nanai japic shinami, ñucanchictaca nanai japishca.

JEREMÍAS 8:18

Cai yalli llaquimi ñitimucun. Ñuca shungupish chiriyanmi.

JEREMÍAS 8:21

Ñuca llactapi causaccuna yallita llaqui tucushcamantami ñucapish yalli llaquihuan cani. Duelo churanata churarishca shinami jatun manchaihuan cani.

JEREMÍAS 9:1

¡Ñuca llactapi causaccuna huañushcamanta tutapish, punzhapish huacangapac, ñuca umaca yacu jundu shina, ñahuica tucyac yacu shina canmanlla!

JEREMÍAS 9:10

Cunanca, chai llactataca pipish mana pasanchu. Huagra huacashcallapish mana uyarinchu. Sacha animalcunapish, volac animalcunapish tucui illanmi. Chaimantami urcucunamantapish, shitashca pambacunapi tiyac michina pambacunamantapish llaquillata huacasha» nircani.

LAMENTACIONES 1:16

Chaimantami ñucaca huacacuni. Ñuca shunguta causachic shina, cushichicca pipish mana tiyanchu. Chaimantami ñuca ñahuitaca huiqui tapashcalla. Ñucata piñaccuna, ñucata atishcamantami ñuca huahuacunapish shitashca saquirirca.

LAMENTACIONES 1:20

Mandac Dioslla, ñuca yallita llaquirishpa, shunguta nanachicuctaca ricuiyari. Canta mana cazushcata yuyarishpami ñuca shunguca yallita llaquirishpa nanacun. Canzhapica espadami gentecunataca tucuchicun. Ucupica huañuillami tiyan.

LAMENTACIONES 2:11

Ñuca llactapi causac huahuacunapish, chuchucuc huahuacunapish pambacunapi yarcaihuan huañuna shina siricucpimi, yallita huacani. Chashna huacacucllapitacmi huiquipish mana tiyan. Ñuca shungupish cuyurishpa, pambaman urmanalla shina tucun.

DANIEL 4:19

Shina nicpimi, Beltesasar nishca Danielca paipac yuyaipi ashata mancharishca saquirirca. Chashna cacpimi jatun mandacca: —Cai muscuimantapish, cai muscui imata nisha nicushcamantapish ama manchashpa saquirichu— nirca. Shina nicpimi Beltesasarca: —¡Ñuca mandaclla, can muscushcapish, chai muscushca imata nisha nicushcapish canta piñaccunaman cachun!

DANIEL 7:15

Daniel ñucaca yallitami mancharircani. Chai muscuipi shina ricurishcamantaca yallitami llaquirircani.

DANIEL 7:28

Chai ricushcacunaca caipimi tucurin. Daniel ñucaca yuyaipi yallita llaquirishpami, ñahuipish shuctaclaya tucurcani. Shina cashpapish tucui chaicunataca ñuca shungupimi huacachigrini» nirca.

DANIEL 8:27

Daniel ñucaca yallita irquiyashpami, maijan punzhacunata ungushca carcani. Ña alliyashpaca jatun mandacpac ima ruhuaicunatami ruhuashpa catircani. Ñuca muscuipi shina ricurishcata yuyarishpa manchaihuanmi carcani, pi chaimanta huillacca mana tiyarcachu.

AMÓS 3:6

Llactapi cornetapi manarac tocacpi, ¿gentecunaca mancharishpa caparingachu? Mandac Dios manarac llaquichicpi, ¿llactapi llaqui tiyangachu?

HABACUC 3:16

Chaita uyashpaca, ñuca shungu mancharcami. Rimacta uyashpaca, ñuca shimipish chucchurcami. Ñuca tullucunapish ismucuc shinami tucurca. Ñuca changacunapish chucchucurcami. Chashna cashpapish ñucanchicta llaquichiccunata llaquichi punzhatami ñucaca casilla shuyacuni.

NÚMEROS 10:9

Cancunapac allpapi causacushpa, cancunata piñaccunahuan macanacungapac llucshingapacca, macanacuiman llucshina tonota tocanguichic. Chashna ruhuacpimi, ñucaca cancunata yuyarishpa, piñaccunapac maquimanta quishpichisha.

ROMANOS 10:1

Cuyashca criccuna, tucui shunguhuanmi israelcuna quishpirichun Diosta mañacuni.

1 CORINTIOS 14:8

Corneta macanacuiman cayana tonopi mana uyaricpica, ¿pitac macanacungapac allichiringayari?

GÁLATAS 4:19

Cuyashca huahuacuna, cutinllatacmi shuc huarmi sajuarina nanaihuan llaquita apacuc shina, cancunamanta llaquita apacuni. Cancuna Cristo causashca shina causangacamanmi llaquita apacushalla.

JUECES 5:21

Cisón huaicu yacumi tucui pichashpa aparca. Ñaupaman tiyac Cisón yacumi aparca. Ñuca almalla, sinchita rilla.