JEREMÍAS 39:5 - Dios Rimashcata Quillcashcami

⁵ Shina ricpipish, caldeo soldadocuna cati rishpami, Sedequiastaca Jericó pambapi japirca. Chaipi japishpaca Hamat llactapi tiyac Ribla llactamanmi Babilonia llactata jatun mandac Nabucodonosorpacman aparca. Chaipimi paita llaquichichun churarca.

JEREMÍAS 39:5 Iomraidhean Croise

2 SAMUEL 8:9

Hamat llactata jatun mandac Toica David Hadad-ezerpac soldadocunata atishcata chayashpami,

2 REYES 17:24

Asiria llactata jatun mandacca Babilonia, Cuta, Ava, Hamat shinallatac Sefarvaim pueblocunamantami gentecunata apamushpa, Samaria llacta pueblocunapi israelcunapac randi causachun churarca. Paicunaca Samaria llactata japishpami, chaipi tiyac pueblocunapi causarcacuna.

2 REYES 23:33

Paitaca Jerusalenpi ama ashtahuan mandashpa catichunmi Egipto llactata jatun mandac Necaoca Hamat llacta Ribla pueblopi prezu churarca. Chai quipami Judá llactapi causaccunataca patsac talento cullquita, shuc talento curita huatanta impuestota cuchun mandarca.

2 REYES 25:6

Jatun mandac Sedequiasta japishpaca, Babilonia llactata jatun mandacpacmanmi, Ribla puebloman apamurca. Chaipimi ima shina llaquichinataca huillarca.

2 CRÓNICAS 33:11

Chaimantami Mandac Diosca paicunata llaquichichunca, Asiria llactata jatun mandacpac soldadocunata apamurca. Paicunami Manasestaca cadenacunahuan huatashpa, Babiloniaman prezu aparca.

ISAÍAS 22:3

Tucui cancunata mandaccunaca miticushpami callparca. Paicunataca mana flechahuanchu japirca. Paicuna caimanta llucshishpa, caruta rishca cacpipish, tucuitami prezurca.

JEREMÍAS 21:7

Chai quipaca Judá llactata jatun mandac Sedequiastapish, paita serviccunatapish, shuctac gentecunatapish, chai ungüihuan, yarcaihuan mana huañushpa, cai llactapi saquirishcacunatapish, jatun macanacuipi mana huañushcacunatapish Babilonia llactata jatun mandac Nabucodonosorpac maquipimi churasha. Paicunata piñashpa, huañuchinata munaccunapac maquipi churacpica, mana llaquishpami espadahuan huañuchinga. Shucllatapish mana saquingachu. Shucllatapish mana llaquingachu” ninmi ninguichic.

JEREMÍAS 24:8

Cutin maita mana micuipac mana alli higocunaca Judá llactata jatun mandac Sedequías, pai churashca mandaccuna, Jerusalenpi causacpuramanta saquirishcacuna, Egipto llactapi causaccunami.

JEREMÍAS 38:18

Ashtahuanpish Babilonia llactata jatun mandac cachashca mandaccunapac maquipi yaicungapac canllatac mana llucshicpica, cai llactaca caldeocunapac maquipimi churashca canga. Paicunami ninata tucuchinga. Canpish paicunapac maquimanta mana quishpiringuichu” ninmi— nirca.

JEREMÍAS 38:23

Cambac huarmicunata, huahuacunatami caldeocunaca caimanta apanga. Canca paicunapac maquimantaca manatac quishpiringuichu. Ashtahuanpish Babilonia llactata jatun mandacpac maquipimi, prezu japi tucungui. Cai llactapish tucui rupachishcami canga— nirca.

JEREMÍAS 4:12

Chai huairaca ñuca cachashca ashtahuan sinchi huairami. Cunanca ñucami paicunataca taripashpa llaquichigrini.

JEREMÍAS 44:30

Ñucaca Judá llactata jatun mandac Sedequiastaca paita piñashpa huañuchinata munac Babilonia llactata jatun mandac Nabucodonosorpac maquipimi churarcani. Shinallatacmi cancunataca Egipto llactata jatun mandac Hofrapac, paita piñashpa huañuchinata munaccunapac maquipi churagrini” ninmi» nirca.

JEREMÍAS 49:23

Mandac Dios Damascota llaquichinamanta huillashpaca: «Hamat, Arfad llactacunapi causaccunaca mana alli huillaita uyashpami yallita llaquirirca. Mama cucha chaupipi cac shinami, yalli llaquihuan shuc ratollapish mana samarincuna.

LAMENTACIONES 1:3

Judá runacunataca sinchita servichingapacmi prezu apashca. Paicunaca llactacunapac chaupipi mana samarishpami causacun. Paicunata llaquichiccunaca yallita llaquichicun.

LAMENTACIONES 4:20

Mandac Dios aceitehuan cahuishca jatun mandactapish prezu apancunami. Paica ñucanchicman causaita cuc shinami carca. Ñucanchicca paimantaca: «Shuctac llactacunapac chaupipica paipac ladopimi causashun» nicmi carcanchic.

EZEQUIEL 23:24

Canta llaquichingapacca, jahua ladomantami macanacuna carretacunata, micunata apac carretacunata apashpa, muyunacushpa shamunga. Chashnami jatun escudocunahuan, uchilla escudocunahuan, umapipish fierro churanata churarishca cambac ladopi shayaringa. Paicunaca ñuca llaquichichun cachacpimi, paicunapac mandashcacunapi nishca shina cantaca taripashpa llaquichinga.

HABACUC 1:7

Paicunaca yalli millai runacunami. Ima mandashcatapish mana cazushpa, quiquin munashcata ruhuashpami, jatun tucuncuna.

NÚMEROS 13:21

Paicuna huichai rishpaca, Zin shitashca pambamanta Rehob llactacaman chayashpami Hamat llacta yaicunacaman chayarca.

JOSUÉ 13:5

Shinallatac giblitascunapac llactapish, inti llucshina ladoman cac Líbano tucui llactapish tiyanracmi. Hermón urcu chaquipi tiyac Baal-gad pueblomanta Lebo-hamat pueblocamanmi tiyanrac.

JOSUÉ 4:13

Macanacungapac allichirishca runacunaca chuscu chunga huaranga shinami macanacunata apashpa Jericó pueblo pambaman Mandac Diospac ñaupata pasarca.

JOSUÉ 5:10

Israelcunaca Gilgalpi carpacunata shayachishpa tiyacushpami punta quilla, chunga chuscu punzha chishi Jericó pueblo pambapi Pascua fiestata ruhuashpa, cushicushpa micurca.

JUECES 3:3

Chai llactacunaca caicunami: Filisteocunamantaca pichca pushaccuna, tucui cananeocuna, Líbano urcu llactapi causac sidoniocunapish, heveocunapish cancuna. Paicunapac llactaca Baal-hermón urcumantaca Hamat pueblocamanmi carca.