JEREMÍAS 39:2 - Dios Rimashcata Quillcashcami

² Jatun mandac Sedequías chunga shuc huata, chuscu quilla, iscun punzhata mandacucpimi, Jerusalén muyundi jatun pircata tigrachishpa,

JEREMÍAS 39:2 Iomraidhean Croise

JEREMÍAS 1:3

Josiaspac churi jatun mandac Joacim Judá llactata mandacui huatamanta Josiaspac churi jatun mandac Sedequías Judá llactata chunga shuc huata mandangacamanmi Jeremiasmanca huillarca. Chai huata, pichca quillapimi, Jerusalenpi causaccunata prezu apashca carca.

JEREMÍAS 32:1

Nabucodonosor Babilonia llactata chunga huatata mandacucpi, jatun mandac Sedequías Judá llactata chunga pusac huatata mandacucpimi, Mandac Diosca Jeremiasman huillarca.

JEREMÍAS 34:22

Paicunataca cutinmi cai llactaman cutichimusha. Paicunami cancunataca mishashpa, cai llactata quichushpa rupachinga. Chashna rupachicpica, Judá llactapi tiyac pueblocunapica shuc runallapish mana saquirishpami tucui huañunga. Chashnami shitashca pambata ruhuasha. Chaitaca Mandac Dios ñucami nini» nirca.

JEREMÍAS 37:8

Chashna ricpimi, caldeocunaca cutinllatac cai llactaman cutishpa, macanacushpa rupachinga.

JEREMÍAS 5:10

Pircacunata huichicushpa uvas chagrata polvoichic. Shina polvoshpapish ama tucuchichicchu. Chai ramacunata tucui anchuchichic. Chaica mana ñucapacchu.

EZEQUIEL 33:21

Ñucanchicta prezu apashca chunga ishcai huata, chunga quilla, pichca punzhapimi shuc runaca Jerusalenmanta miticushpa shamurca. Pai ñucaman huillashpaca: «¡Pueblotaca ñami quichushca!» nirca.

EZEQUIEL 4:3

Shinallatac shuc fierro planchata japishpa, pirca shinata chai Jerusalenhuan, canhuan chicanyachic jatun pirca shinata ruhuai. Chai quipaca, chai pueblota can llaquichingapac chimbapurashpa chapacuc shinata ruhuangui. Chai fierroca can ama ricuchun jarcac shinami canga. Chaimi israelcunamanca señal canga.

EZEQUIEL 5:2

Macangapac muyunacuna punzhacunapi, quimsapi chaupishca asha acchataca pueblo chaupiman apashpa, ninapi rupachingui. Asha parte acchataca pueblo muyundipi espadahuan pitinacungui. Caishuc asha parte acchataca huairapi chaspingui. Chaipimi paicunata espadahuan catishpa llaquichisha.

SOFONÍAS 1:10

Mandac Diosca: «Chai punzhapica challua Pungumantami mañashpa, caparishca uyaringa. Caishuc pungumantapish llaquinayaita huacashcami uyaringa. Lomacunapipish yallita mancharishpa caparishcami uyaringa.

ZACARÍAS 8:19

«Judá llactapi causaccuna chuscu quillapi, pichca quillapi, canchis quillapi, chunga quillapi ayunanaca yallita cushicuna fiesta punzhacunami tucunga. Chaimanta cashcata ninata, cushi causaita munaichic» nirca.