JEREMÍAS 38:6 - Dios Rimashcata Quillcashcami

⁶ Shina nicpimi, Jeremiasta japishpa, Hamelecpac churi Malquiaspac yacuta jundachina jutcupi huascacunahuan urai cacharca. Chaica cárcel pungupimi carca. Ashtahuanpish chai jutcupica yacuca mana tiyarcachu. Turullami tiyarca. Jeremiasca chai turupimi pambarirca.

JEREMÍAS 38:6 Iomraidhean Croise

GÉNESIS 37:24

paita japishpa, yacu jundachina jutcupi shitarca. Shina cacpipish, jutcupica yacu mana tiyarcachu.

SALMOS 109:5

Paicunaman allita ruhuacpipish, ñucamanpish mana allitami ruhuarca. Paicunata cuyacpica, yallitami ñucataca mana ricunayachirca.

SALMOS 40:2

Paimi ñucataca llaquihuan jutcupi huañucucta llucchirca. Ñucata aguachicuc guzumantami llucchirca. Chaimanta llucchishpaca ñuca chaquicuna sinchita purichunmi jatun rumi jahuapi churarca.

SALMOS 69:2

Maipi mana shayari pudipac turupimi ucuyashcani. Ñuca chaquihuanpish sinchi allpapi mana tupanichu. Jatun yacuca ucumanmi aisacun.

JEREMÍAS 32:2

Chai punzhacunapica Babilonia llactata jatun mandacpac soldadocunami Jerusalentaca muyunacushpa chapacurca. Chai punzhapica Dios ima nishcata huillac Jeremiasca Judá llactata jatun mandacpac huasi canzhapimi prezu carca.

JEREMÍAS 36:26

Ashtahuanpish jatun mandacca Hamelecpac churi Jerameelta, Azrielpac churi Seraiasta, Abdeelpac churi Selemiastami quillcac Baructa, Dios ima nishcata huillac Jeremiasta prezuchun cacharca. Shina prezungapac ricpipish, Mandac Diosmi paicunataca pacarca.

JEREMÍAS 37:16

Chai huasipimi Jeremiastaca pambata jutcushca ucupi prezu churarca. Chaipica tauca punzhacunatami carca.

JEREMÍAS 37:21

Shina nicpimi, jatun mandac Sedequiasca Jeremiasta cárcel canzha pambapi churashpa cuidachun, shinallatac chai llactapi tucui tanda tucuringacaman callepi ruhuashca tandata apamushpa punzhanta carachun mandarca. Shinami Jeremiasca cárcel canzha pambapi tiyacurca.

JEREMÍAS 38:13

Shinami Jeremiastaca chai yacuta jundachina jutcumanta huascahuan llucchirca. Chai quipaca Jeremiastaca cárcel pungupimi saquirca.

JEREMÍAS 38:22

Judá llactata jatun mandacpac huasipi saquirishca tucui huarmicunatami Babilonia llactata jatun mandac churashca mandaccunapacman apanga. Chai huarmicunallatacmi: “Canhuan alli apanacuccunallatacmi cantaca umashpa mishashca. Paicunaca cambac chaquita turupi pambachishpaca shitashpa rircallami” ninga.

DANIEL 6:16

Shina nicpimi, jatun mandacca Danielta apamushpa leoncuna causana jutcupi shitachun mandarca. Chashna shitacpimi, jatun mandacca Danieltaca: —¡Can punzhanta servina cambac Dios quishpichichun!— nirca.

ZACARÍAS 9:11

Yahuarta jichashpa, cancunahuan ari nishcamantami cantaca yacu jundachina jutcupi prezu cacpi, chaimanta llucchisha.

HECHOS 16:24

Chashna mandacpimi, chai cuidacca cárcel ucu cuchuman apashpa, jutcushca tablapi chaquicunata canichishpa churarca.

HEBREOS 10:36

Cancunaca llaquita apacushpapish mana piñarishpami, Diospac munaita pactachina canguichic. Chashnami pai cusha nicushcataca chasquinguichic.