JEREMÍAS 38:12 - Dios Rimashcata Quillcashcami

¹² Chashna shitashpami, Etiopía llactamanta Ebedmelecca Jeremiastaca: —Chai huasca ama nanachichun, chai mauca churanacunatapish, lliqui trapocunatapish cambac ishcai rigra ucupi churai— nirca. Jeremiasca pai nishca shinami ruhuarca.

JEREMÍAS 38:12 Iomraidhean Croise

JEREMÍAS 38:11

Shina nicpimi, Ebedmelecca chai runacunata pushashpa, jatun mandacpac huasipi ima valishcacunata huacaichina ucumanta mauca churanacunata, mauca trapocunata apashpa, Jeremías llucshichun huascata chai jutcuman shitarca.

JEREMÍAS 38:13

Shinami Jeremiastaca chai yacuta jundachina jutcumanta huascahuan llucchirca. Chai quipaca Jeremiastaca cárcel pungupimi saquirca.

JEREMÍAS 38:7

Chaitaca Etiopía llactamanta servic eunuco nishca Ebedmelecmi yachac chayarca. Paimi yacuta tandachina jatun jutcupi Jeremiasta shitashcataca yachac chayarca. Chai pachaca jatun mandacca Benjamín nishca pungupimi mandaccunahuan tandanacushpa tiyacurca.

ROMANOS 12:10

Huauquindipura shina caishuc chaishuc-huan cuyanacuichic. Shuccunahuan sumacta causaichic.

ROMANOS 12:15

Cushilla caccunahuanca cushicuichic. Huacaccunahuanca huacaichic.

EFESIOS 4:32

Caishuc chaishuc-huan cuyac shunguhuan apanacushpa alli causaichic. Jesucristomanta cancunapac juchacunata Dios perdonashca shina, caishuc chaishuc perdonanacuichic.