JEREMÍAS 34:9 - Dios Rimashcata Quillcashcami

⁹ Chaica, hebreopuramanta servic caricunatapish, servic huarmicunatapish, tucuita cacharichun. Pipish Judá llactapi causac huauquicunataca ama servichishpa charichunmi ari nichirca.

JEREMÍAS 34:9 Iomraidhean Croise

GÉNESIS 14:13

Chai macanacuimanta miticushpa shamuc shuc runami Lotta prezushcata hebreopuramanta Abramman huillac shamurca. Abramca amorreopuramanta Mamrepac encina yuracuna tiyac pambapimi causarca. Mamreca Escolpac, Anerpac huauquimi carca. Paicunaca Abrampac yuyaitami charirca.

GÉNESIS 40:15

Ñucataca hebreocunapac llactamantami shuhuashpa pushamurca. Ñuca carcelpi cangapacca, ima millaita mana ruhuashcanichu— nirca.

ÉXODO 2:6

Faraonpac ushi chai canashtata pascashpaca, shuc huahua huacacuctami ricurca. Chaimantami chai huahuata llaquishpaca: —Cai huahuaca israelpuramantami— nirca.

ÉXODO 3:18

Shina nicpica, israelcunata pushac yuyaccunaca uyangallami. Chaimanta paicunahuan Egipto llactata jatun mandacpacman rishpa: “Ñucanchic israelcunata Mandac Diosmi ricurirca. Quimsa punzhata purishpa, ñucanchic Mandac Diosman animalta cushpa rupachigrichun saqui” nishpa mañangui.

JEREMÍAS 25:14

Babilonia llactapi causaccunatapish shuctac llactacuna, jatun mandaccuna servichishpa llaquichingami. Paicuna mana allita ruhuashca shinallatac, paicunatapish llaquichisha» ninmi.

JEREMÍAS 27:7

Tucui llactacunami paita, paipac churita, paipac nietota servishpa causanga. Babilonia llactaman yalli llaqui huatacuna chayamungacamanmi chashna causanga. Quipaca Babiloniapi causaccunapish shuctac llactacunata jatun mandaccunatami servishpa causanga.

JEREMÍAS 30:8

Tucuita Mandac Dios ñucaca: «Chai punzhapica cancunapac cungapi tiyacuc yugota paquishpami coyundacunatapish pitisha. Ña mana shuctac llactapi causaccuna servichishpa causangachu.

JEREMÍAS 34:10

Servic caricunahuanpish, servic huarmicunahuanpish cacharichichun nishpa ari nishcataca tucui gentecunami cazurca. Chashnami pipish mana ashtahuan servichingapac tucui cacharirca.

1 CORINTIOS 6:8

Ashtahuanpish cancunaca chaita ruhuanapac randica, ¡criccunapurami mana allita ruhuashpa shuhuanacunguichic!

2 CORINTIOS 11:22

Paicunaca “hebreocunami canchic” ninchayari, ñucapish chaillatacmi cani. Paicunaca “israelcunami canchic” ninchari, ñucapish chaillatacmi cani. Paicunaca “Abrahampac huahua huahuacunami canchic” ninchari, ñucapish chaillatacmi cani.

DEUTERONOMIO 15:12

Cancunapac huauqui hebreopuramanta cari cashpa, mana cashpaca huarmi cashpa cancunaman caturicpica, sucta huatallata servichinguichic. Ña canchis huatapica cacharinguichiclla.

FILIPENSES 3:5

Ñucaca hebreopuramanta huacharishca, Benjaminpac huahua huahua israelmi cani. Chaimantami ñucataca huacharishcamanta pusac punzhapi, ña circuncisionta ruhuachishcacuna. Shinallatac fariseo cashpami, Moisés mandashcacunataca alli pactachicurcani.

1 SAMUEL 14:11

Ishcaitacmi filisteo soldadocunapac ñahuipi ricurirca. Chashna ricuricpimi filisteocunaca: «¡Riquichic, israelcunami miticushpa tiyacushca jutcumanta llucshicuncuna!» nirca.

1 SAMUEL 4:6

Chashna sinchita caparicta filisteocuna uyashpaca: «¿Hebreocunapac carpa huasicunapica, ima nishpatac chashna yallita cushicushpa caparicuncuna?» nirca. Mandac Diospac Arca carpa huasicunaman apamushcata

1 SAMUEL 4:9

Filisteocunalla, hebreocuna ñucanchicta servishpa causacushca shinallatac ñucanchicpish paicunata mana servishpa causangapacca sinchiyaichic. ¡Filisteocunalla sinchi, sinchita shayarishpa macanacushunchic!» nirca.