JEREMÍAS 34:10 - Dios Rimashcata Quillcashcami

¹⁰ Servic caricunahuanpish, servic huarmicunahuanpish cacharichichun nishpa ari nishcataca tucui gentecunami cazurca. Chashnami pipish mana ashtahuan servichingapac tucui cacharirca.

JEREMÍAS 34:10 Iomraidhean Croise

ÉXODO 21:2

Israelpuramanta shuc servicta randishpaca, sucta huatata servichingui. Ashtahuanpish canchisniqui huatapica cacharinguilla.

ISAÍAS 29:13

Chaimantami Mandac Diosca: «Cai gentecunaca shimillahuanmi ñucataca mañan. Jahua shimillahuanmi alli nincuna. Ashtahuanpish paicunapac shunguca ñucamanta carupimi. Shinallatac runacuna yachachishcata catishcallamantami ñucataca manchan.

JEREMÍAS 26:10

Judá llacta mandaccunaca chaita uyashpami, jatun mandac tiyarina huasimantaca Mandac Diospac huasiman rishpa, yaicuna mushuc pungu ladopi tiyarirca.

JEREMÍAS 26:16

Shina nicpimi, mandaccunapish, gentecunapish curacunata, huillaccunata rimashpaca: «Cai runaca Mandac Diospac shutipimi huillashca. Chaimanta mana huañunachu can» nirca.

JEREMÍAS 34:11

Shina cashpapish, shuctac yuyaita japishpami servic caricunatapish, servic huarmicunatapish, cutin servichun tucuita cutichimurca.

JEREMÍAS 34:19

Judá llactata mandaccunapish, Jerusalenta mandaccunapish, shuctac mandaccunapish, curacunapish, cai llactapi causac tucui gentecunapish becita huañuchishpa chaupishcatami pasarca. Paicunatapish chashnallatacmi llaquichigrini.

JEREMÍAS 36:12

Chaimantami jatun mandacpac huasiman rishpa, quillcac runapac ucuman yaicurca. Chaipimi quillcac Elisamapish, Semaiaspac churi Delaiaspish, Acborpac churi Elnatanpish, Safanpac churi Gemariaspish, Ananiaspac churi Sedequiaspish tiyacurca.

JEREMÍAS 38:4

Shina nicpimi, mandaccunaca jatun mandactaca: «¡Cai runaca huañunami can! Pai chashna huillashpaca cai llactapi saquirishca macanacuc runacunatapish, tucui gentecunatapish maquita irquiyachic shinami manchaipi churan. Cai runaca gentecuna alli causachunca, mana munanchu. Ashtahuanpish mana allillatami munan» nirca.

LEVÍTICO 25:10

Pichca chunga huata tucucpica, ñucapaclla cachun chicanyachinguichic. Chai huataca huatashca shinamanta cacharina huatami canga. Chaimanta tucui Israel llactapi huillanguichic. Chai huatapica tucuimi quiquin allpaman, shinallatac quiquin familiacunapacman cutinga.

MARCOS 6:20

Herodesca Juantaca cashcata ruhuac, Diospaclla causactami yacharca. Chaimantami paita manchashpa, cuidashpa charirca. Imata ruhuanata yuyacushpapish, Juan huillacpica, cushillami uyac carca.