JEREMÍAS 33:18 - Dios Rimashcata Quillcashcami

¹⁸ Shinallatac animalcunata, ofrendacunata, animalcunata punzhanta ñucaman cushpa huañuchingapacca curacunapish, levitacunapish jaicapi mana illangachu» ninmi.

JEREMÍAS 33:18 Iomraidhean Croise

ISAÍAS 56:7

ñucapaclla urcuman pushashpami ñucata mañana huasipi samachisha. Animalta huañuchishpa, ñuca altarpi tucui rupachishpa ñucaman cushcatapish chasquishami. Ñuca huasica tucui gentecuna ñucata mañana huasi shutimi canga» nini.

APOCALIPSIS 1:6

paihuan mandaccuna cachun, paipac Diospacta ruhuac curacuna cachun ruhuac ¡Jesucristotaca tucui mashna huiñaita “Jatun Mandacmi cangui, allimari cangui” nichuncuna! Chashna cachun.

1 PEDRO 2:9

Ashtahuanpish cancunaca Dios acllashpa chicanyachishcacuna, Jatun Mandacpacta ruhuac curacuna, Diospaclla cac gentecuna, shinallatac Dios munashpa paipacllatac ruhuashcacunami canguichic. Amsamanta sumac achic luz shina causaiman llucchic Dios ruhuashca sumaimanacunata huillachunmi, chashnaca ruhuashca.

1 PEDRO 2:5

Chashna chayaricpimi, Dios causana huasipica causac rumicuna shinata, shinallatac Diospaclla cac curacunata Diosca ruhuanga. Jesucristomantami Diospac Espíritu yuyaita cucpi cancuna cushcaca, mishquilla ashnacuc shina cachun chashnaca ruhuanga.

ROMANOS 15:16

mana israelcunapac allipac Jesucristota servichun acllarca. Chaimantami cashna quillcani. Chaica, mana israelcunata Diospac Espíritu Diospacllata ruhuachun, paicuna mishquilla ashnacuc ofrenda shina cachunmi quishpirinamanta alli huillaita huillashpa Diosta servicuni.

ROMANOS 1:21

Diosta ricsishpapish, mana Diosta shinachu alli nircacuna, mana pagui nircacunachu. Ashtahuanpish yangallata yuyashpami, paicunapac shunguca imata mana entendic tucurca.

EZEQUIEL 45:5

Cutin chunga ishcai huaranga pichca patsac metro largo, pichca huaranga metro ancho allpaca ñuca huasipi servic levita curacunapacmi canga. Chai allpata japishpami huasicunata ruhuashpa causanga.

ISAÍAS 61:6

Cancunaca Mandac Diospac curacuna, ñucanchic Diosta serviccuna nishcami canguichic. Jatun llactacunapi causaccuna ima charishcacunatami micunguichic. Paicuna ima sumac charishcacunahuanmi alli nishca canguichic.

DEUTERONOMIO 18:1

Leví aillu curacunaca mana israelcunahuan pacta allpata japingachu. Paicunaca Mandac Diosman cushpa rupachishcacunata, Diospaclla chicanyachishcacunatami micunga.

APOCALIPSIS 5:10

Chashnami ñucanchicta Mandac Diospacta ruhuaccuna, jatun mandaccuna, curacuna cachun ruhuashcangui. Shina cashpami cai pachataca mandashun» nircacuna.

NÚMEROS 3:5

Mandac Dios Moisesta rimashpaca:

DEUTERONOMIO 24:8

Lepra ungüi ricuricpica, levita curacuna mandashcata allita yachacunguichic. Paicuna tucui nishcata ruhuanguichic. Ñuca nishcacunataca tucuita pactachinguichic.

JOSUÉ 3:3

israelcunataca: «Mandac Dios ari nishca quillcata huacaichina Arcata levita curacuna huandushpa ricpica, cancuna tiyacushcamanta catishpa ringuichic.

ESDRAS 3:5

Chai quipaca punzhantami animalta Diosman cushpa Llullu quilla punzhacunapi, Mandac Diosta yuyarina fiesta punzhacunapi Diosman cushpa tucui rupachirca. Quiquin munaihuan animalcunata Diosman cushpapish rupachircami.

JEREMÍAS 33:19

Mandac Dios Jeremiasta rimashpaca:

JEREMÍAS 33:22

Ñucata servic Davidpac huahuacunatapish, levitacunapac huahuacunatapish, jahua pachapi tiyac lucerocunata shina, mama cucha tiyu shinami, mana yupaipacta mirachisha nini» ninmi.

EZEQUIEL 44:15

Ashtahuanpish Sadoc curapac huahua huahua levita curacunaca, israelcuna ñucamanta caruyacpipish ñuca huasipi servishpami catirca. Chaimantami paicunaca ñucapaclla huasipi, ñucapac ñaupapi servishpa catinga. Ñucaman cushca huiratapish, yahuartapish ñuca ñaupapimi rupachinga. Chaitaca Mandac Dios ñucami nini.

JEREMÍAS 35:19

Chaimantami Recabpac churi Jonadabpac huahua huahuacunamantaca punzhanta ñucata servicca mana illanga. Chaitaca israelcunapac tucuita Mandac Dios ñucami nini” nishpa huillani» ninmi.