JEREMÍAS 33:12 - Dios Rimashcata Quillcashcami

¹² Cutinllatac tucuita Mandac Diosca: “Runacunapish, animalcunapish mana tiyac, cai shitashca llactapica cutinllatacmi michinapish, chucllacunapish tucui llactacunapi tiyanga.

JEREMÍAS 33:12 Iomraidhean Croise

CANTARES 1:7

Ñuca tucui shunguhuan cuyashcalla, ¿maipitac ovejacunata michinguiyari? Chaupi punzhaca, ¿maipitac ovejacunata samachinguiyari? Cambac ricsishcapac ovejacunahuan mana chingarishpa purisha ninichu. Chaimanta huillaiyari.

ISAÍAS 65:10

Sarón pambaca ñuca acllashcacuna ovejata michina pamba, Acor pambaca paicunapac huagracuna shayanami tucunga.

JEREMÍAS 17:26

Shinallatac tucui Judá llacta llactacunamantapish, Jerusalén muyundimantapish, Benjamín aillupac llactamantapish, Sefela pambamantapish, Neguev urcucunamantapishmi shamunga. Paicunaca ñucaman animalta cushpa rupachingapacmi shamunga. Shinallatac ofrendatapish, inciensotapish, ñucata alli nishpa huañuchishpa cuna animaltapish apamushpami, Mandac Dios ñucapac huasiman shamunga.

JEREMÍAS 31:12

Paicunaca Sión urcuman rishpami, yallita cushicushpa cantanga. Ñuca bendiciashca micunata, vinota, aceiteta, ovejacunata japingapacmi callpamunga. Paicunaca parcurishca huerta shinami cushilla causanga. Jaicapi ima llaqui mana tucungachu.

JEREMÍAS 31:24

Chaipimi Judá llactapish, tucui llactacunapish, tarpuccunapish, michiccunapish causanga.

JEREMÍAS 32:15

Cai llactapica huasicunatapish, allpacunatapish, uvas chagracunatapish randinaracmi cangui’ ninmi” nircani.

JEREMÍAS 36:29

Chai quipaca Judá llactata jatun mandac Joacimtaca: “Mandac Diosca: Punta quillcata can rupachishpaca: ‘Cai carapica, ¿imamantatac Babilonia llactata jatun mandac shamushpa, cai llactatapish, gentecunatapish, animalcunatapish tucui tucuchinga’ nircangui?

JEREMÍAS 50:6

Ñuca acllashcacunaca chingarishca ovejacuna shinami carca. Michiccunami chingachirca. Chaimantami urcucunapi, lomacunapi purishpa, corraltapish cungarishpa mana cutirca.

JEREMÍAS 51:62

Chashna rezacushpaca: “Mandac Dioslla, canmi cai Babilonia llactata piñashpa, chaipi causac gentecunatapish, animalcunatapish tucui tucuchisha nircangui. Chashnami huiñaita shitashca pamba saquiringa” nircangui.

EZEQUIEL 36:35

Chashna cacpimi paicunaca: ‘Llaquinayaita shitashca pambaca Edén huerta shinami tucushca. Urmachishca llactacunapish cunanca allichishca muyundita pircashcami’ nincuna.

HAGEO 1:4

«¿Ñuca huasi llaquinayaita siricucpipish, cancuna sumac huasicunapi causana punzhachu shamushca?