JEREMÍAS 32:37 - Dios Rimashcata Quillcashcami

³⁷ ñucami nina japiric shina yallita piñarishpa, mana ricusha nishpa, llucchishpa cacharcani. Cunanca paicunataca tucui llactacunamantami cutinllatac tandachimusha. Shina tandachishpami, cai llactapica imatapish mana manchashpa causachun churasha.

JEREMÍAS 32:37 Iomraidhean Croise

SALMOS 106:47

¡Ñucanchicta Mandac Dioslla, ñucanchicta quishpichiyari! Can jucha illac Diosta jatunyachingapac tucui llactacunamanta tandachiyari. Cushicuihuanmi cantaca jatunyachishun ninchic.

JEREMÍAS 12:14

Mandac Diosca: «Ñuca acllashca israelcunaman cushca llactatapish, chai ladopi causaccunatapish llaquichiccunataca llucchishpami cachasha. Shinallatac Judá llacta gentecunatapish paicunapac chaupimanta llucchishpami cachasha.

JEREMÍAS 16:14

Cutinllatac Mandac Diosca: «Pipish: “Israelcunata Egiptomanta llucchimuc Mandac Diospac shutipi” mana ari nina, punzhacunami chayamunga.

JEREMÍAS 16:15

Ashtahuanpish cancunapac ñaupa taitacunaman cushca llactaman ñuca cutichimusha. Chaimantami: “Israelcunata jahua lado llactamantapish, shuctac llactaman cachashcacunatapish cutin cutichimuc Mandac Diospac shutipimi nini” ningami.

JEREMÍAS 21:5

Ñucaca nina japiric shina piñarishpami, poderyuc ñuca maquita alzashpa, cancunahuanca macanacusha.

JEREMÍAS 23:3

Shuctac llactaman ñucallatac cachashca ovejacunamanta saquirishca ovejacunataca ñucallatacmi cutin tandachisha. Shina tandachishpami, paicuna causacushca pushtullamantac cutichimusha. Chaipi causashpami achcata miranga.

JEREMÍAS 23:6

Pai mandacui punzhacunapica Judá llactapi causaccunaca quishpiringami. Israelcunapish imata mana manchashpami Mandac Diospi shunguta churashpa causanga. Chaimantami: “Mandac Diosca ñucanchicman cashcata ruhuacmi” nishpa cayangacuna.

JEREMÍAS 23:8

Ashtahuanpish: “¡Israelcunapac huahua huahuacunata jahuamanta, tucui llucchishpa cachashca llactacunamanta cutichimuc Mandac Diospac shutipimi ari nini!” ningacuna. Shina cutichimucpimi, paicunapac llactallapitac causanga» ninmi.

JEREMÍAS 24:6

Paicunata cuidashpami, cai llactaman cutin cutichimusha. Chashna cutichimushpaca, mana cutin llaquichishachu. Ñuca tarpushca shina yuracunataca mana cutin sapindi llucchishachu.

JEREMÍAS 29:14

Cancunaca taringuichicmi. Prezumanta cutichimushpami, ñuca llucchishpa cachashcacunataca tucui llactacunamanta tandachisha. Maimanta ñuca llucchishpa cachashca pushtullamantacmi cutichimusha. Chaitaca Mandac Dios ñucami nini.

JEREMÍAS 30:18

Mandac Diosca: «Riquichic, Jacobopac huahua huahuacunataca prezumanta cutin llucchimushpami, paicunapac carpa huasicunataca allichisha. Paicuna causana llactaca tucurishca llacta jahuallapitacmi shayachishca canga. Mandashpa tiyana huasipish utcaman maipi cashcallapitacmi shayachishca canga.

JEREMÍAS 31:10

¡Llactapi causaccunalla, Mandac Dios ñuca rimashcata uyashpa, mama cucha patapi tiyac caru llactacunapi huillaichic! Chashna huillashpaca: “Israelcunata llucchishpa, caita chaita cachac Diosca cutinmi tandachishpa, ovejacunata michic shina cuidanga” nichicyari.

JEREMÍAS 32:15

Cai llactapica huasicunatapish, allpacunatapish, uvas chagracunatapish randinaracmi cangui’ ninmi” nircani.

JEREMÍAS 33:16

Chai punzhacunapimi, Judá llactapi causaccunapish, Jerusalenpi causaccunapish imata mana manchashpa, sumacta causanga. Paicunaca: “Mandac Diosca ñucanchicman cashcata ruhuacmi” ningacuna.

JEREMÍAS 33:7

Judá llactamanta, Israel llactamanta prezu apashca gentecunaca cutin cutichimushpami, utcapi cashca shinallatac sinchiyachisha.

EZEQUIEL 11:17

Chaimanta canca: “Mandac Diosca: Caita, chaita rishpa, causacucpimi, chai llactacunamanta tandachishpa, Israel llactata cusha.

EZEQUIEL 20:34

Ñuca yallita piñarishpami, ñuca poderhuan caimanta, chaimanta llucchimusha. Mai llacta chaupimanta, shuctac gentecunapac chaupimantami llucchimusha.

EZEQUIEL 28:25

Mandac Diosca: Ñucaca shuctac gentecunapac chaupipi causacuc israelcunataca tandachishami. Chashna ruhuashpami, llactapi causaccunapac ñaupapica jucha illac cashcata ricuchisha. Israelcunaca paicunapac llactapimi causanga. Chai llactataca ñucata servic Jacobomanmi curcani.

EZEQUIEL 28:26

Chai llactapimi imatapish mana manchashpa, huasicunata shayachishpa, uvas tarpushpa causanga. Chai llactapica imatapish mana manchashpami causanga. Chai muyundipi causaccunata cashcata ruhuashpa, ñuca llaquichicpimi, chashnaca causanga. Chaita ricushpami, ñucataca Mandac Dios cashcata yachangacuna” ninmi ningui» nirca.

EZEQUIEL 36:24

Cancunataca ñucami shuctac llactacunamanta, shinallatac tucui llactacunamanta tandachishpa, cancunapac llactaman pushamusha.

OSEAS 1:11

Judapac huahua huahuacunapish, israelcunapish tandanacushpami, shuclla mandacta acllanga. Chaica, Jezreelpac punzhaca jatun punzhami canga.

OSEAS 3:5

Chai quipami, israelcunaca cutishpa, paicunata Mandac Diostapish, jatun mandac Davidtapish yuyaringa. Tucuri punzhacunami allita japingapac Mandac Diospacman chucchushpa cuchuyanga.

JOEL 3:20

Ashtahuanpish Judá llactapi causaccunaca huiñaitami causanga. Jerusalén llactapica huahua huahuacunacamanmi causanga.

SOFONÍAS 3:20

Cancuna ricucucpi, prezumanta llucchimushpaca, tucui cai pacha llactacunapi causaccunapac ricsishca, alli nishca cachunmi ruhuasha» ninmi. Chaitaca Mandac Diosmi nin.

ZACARÍAS 14:11

Chaipimi causanga. Jerusalenca mana ashtahuan tucuchishcachu canga. Ashtahuanpish chaipica mana manchashpami cushilla causanga.

ZACARÍAS 3:10

Chai punzhapica cancunaca shuctaccunata cayashpami, cancunapac uvas yuracuna, higo yuracuna ucupi tiyachinguichic. Caitaca tucuita Mandac Dios ñucami nini” ninmi» nirca