JEREMÍAS 32:22 - Dios Rimashcata Quillcashcami

²² Paicunapac ñaupa taitacunaman cungapac ari nishca llactata curcangui. Chai llactapica lechepish, mishquipish yacu shina callpacunmi.

JEREMÍAS 32:22 Iomraidhean Croise

GÉNESIS 13:15

Tucui can ricushca allpataca tucui causaipacmi canmanpish, cambac huahua huahuacunamanpish cusha.

GÉNESIS 24:7

Ñuca taitapacmanta, ñuca aillucuna causana allpamanta llucchic jahua pachapi causac Mandac Diosca: “Canmanpish, cambac huahua huahuacunamanpish cai allpata cushami” nishpa, paipac shutipi ari nirca. Paillatac paipac angelta cambac ñaupata cachacpimi, chai llactamanta huarmita ñuca churiman pushamungui.

GÉNESIS 50:24

Chai quipaca Joseca paipac huauquicunataca: —Ñucaca ñallami huañusha. Shina cacpipish, Dios shamushpami, cai llactamanta llucchishpa Abrahamman, Isaacman, Jacoboman cungapac ari nishca allpaman pushanga— nirca.

NEHEMÍAS 9:15

Yarcachicpipish, jahua pachamantami tandata curcangui. Yacunayachicpipish, rumi quingraimantami yacuta llucchishpa ubiachircangui. Can cushami nishpa ari nishca, llactaman yaicushpami, allpata japinguichic nircangui.

ÉXODO 13:5

Mandac Dios cancunapac taitacunaman cushami nishca cananeocunapac, heteocunapac, amorreocunapac, heveocunapac, jebuseocunapac allpaman paillatac apacpica, chai punzhata yuyarishpa, levadura illac tandata micunguichic. Chai llactapica lechepish, mishquipish yacu shinami callpacun.

ÉXODO 3:17

Ñucami cancunataca Egiptopi llaquita apacucpi, llucchishpa, lechepish, mishquipish achca tiyac, cananeocunapac, heteocunapac, amorreocunapac, ferezeocunapac, heveocunapac, jebuseocunapac llactaman pushamusha nircani’ ninmi” ningui.

ÉXODO 3:8

Chaimantami Egipto runacunapac maquimanta cacharichingapac urai shamurcani. Cai llactamanta llucchishpa lechepish, mishquipish tiyac sumac llactaman pushangapacmi shamurcani. Chai llactaca cananeocunapac, heteocunapac, amorreocunapac, ferezeocunapac, heveocunapac, jebuseocunapac llactami can.

JEREMÍAS 11:5

Cunan punzhapi nishca shinallatacmi cancunapac ñaupa taitacunaman lechepish, mishquipish yacu shina callpacuc llactata cusha nishpa, ari nircani. Chaitaca pactachishatacmi nircani” ninmi ningui» nirca. Shina nicpimi ñucaca: «¡Mandac Dioslla, chashna cachun!» nircani.

EZEQUIEL 20:15

Shinallatac shitashca pambapimi maquita alzashpa: Lechepish, mishquipish tiyac, tucui llactamanta yalli sumac llactamanca mana apashachu nishpa ari nircani.

EZEQUIEL 20:6

Egipto llactamanta llucchishpa, lechepish, mishquipish tiyac llactamanmi pushasha. Chai llactaca tucui llactamanta yalli sumac llactami.

NÚMEROS 14:16

“Mandac Diosca, pai cungapac ari nishca llactaman mana yaicuchi pudishpami, shitashca pambapi huañuchishca” ningami.

NÚMEROS 14:30

Cancunaman ñuca maquita alzashpa cushami nishca allpapi causangapacca mana yaicunguichicchu. Shina cacpipish, Jefonepac churi Caleb, shinallatac Nunpac churi Josuellami yaicunga.

DEUTERONOMIO 1:35

“Cancunapac taitacunaman cungapac ari nishca sumac llactataca quipa huiñai cai millai gentecunaca shucllapish mana ricungachu.

DEUTERONOMIO 1:8

Riquichic, ñucami cai llactacunata cancunapac maquipi churani. Mandac Dios ñucami chai llactacunataca cancunapac taita Abrahamman, Isaacman, Jacoboman, paicunapac huahua huahuacunaman cungapac ari nircani. Chai llactacunata japishpa tiyarigrichic” nirca.

DEUTERONOMIO 6:10

Cancunapac taita Abrahamman, Isaacman, Jacoboman cungapac ari nishca llactaman Mandac Dios cancunata yaicuchicpica, cancuna mana ruhuashca sumac jatun llactacunapimi causanguichic.

DEUTERONOMIO 6:18

Cancunapac taitacunaman cushami nishpa ari nishca llactata japishpa, alli causangapacca Mandac Diospac ñaupapi imatapish allita, cashcata ruhuashpa causanguichic.

DEUTERONOMIO 6:23

Ñucanchic taitacunaman cungapac ari nishca llactaman pushangapacmi llucchirca.

DEUTERONOMIO 7:13

Paica cuyangami, bendiciangami, achcata mirachingami. Cancunapac taitacunaman cushami nishca llactapica huahuacunatapish, allpapi pucushcatapish, granotapish, punta vinotapish, aceitetapish, vacacuna mirashcatapish, ovejacunatapish bendiciangami.

DEUTERONOMIO 8:1

Mandac Dios ñaupa taitacunaman cungapac ari nishca llactaman yaicushpa, achca tucushpa causangapacca cunan cancunaman mandashcacunata alli yuyarashpa cazunguichic.

JOSUÉ 1:6

Ama manchaichu, ashtahuanpish sinchi cai. Canmi ñaupa taitacunaman ñuca cungapac ari nishca allpataca cai tucui gentecunaman chaupishpa cungui.

JOSUÉ 21:43

Shinami Mandac Diosca ñaupa taitacunaman cusha nishpa ari nishca llactataca israelcunaman curca. Chai tucui llactatami paicuna causachun curca.