JEREMÍAS 32:19 - Dios Rimashcata Quillcashcami

¹⁹ Can ruhuashcacunaca yalli jatunmi, shinallatac sumaimanami. Cada shuc aichayuc runacunaman paicuna imata ruhuashca shinallatac cungapacmi, tucui paicuna ima shina causacucta ricucungui.

JEREMÍAS 32:19 Iomraidhean Croise

1 REYES 8:32

jahua pachapi uyashpa, canta serviccuna imata ruhuana cashcata ricuchingui. Canta mana manchactaca pai mana allita ruhuashca shinallatac paipac jahuapi llaquita churangui. Cashcata ruhuactaca imatapish cashcata ruhuashcamantami, allicunata japina cashcata cungui.

2 CRÓNICAS 16:9

Mandac Diosca alli shunguhuan allita ruhuashpa, paita cazuccunaman tucui imatapish ruhuashpa ayudangapacmi tucui cai pachata ricucun. Canca mana yuyaita charic shinami ruhuashcangui. Chashna ruhuashcamantaca cunanmanta pachami ashtahuan canhuan macanacungapac shamungacuna» nirca.

JOB 34:11

Paimi runamanca pai imata ruhuashca shina cuna cashcata cunga. Runa ima shina causashca shinami cunga.

JOB 34:21

Runa maita puricpipish Diosca chapacunmi. Chaqui sarushcatapish tucuitami ricucun.

SALMOS 111:2

Mandac Dios ruhuashcacunaca jatunmi. Chashna allita ruhuachun munaccunaca paitami mashcan.

SALMOS 34:15

Mandac Diosca cashcata ruhuaccunataca paipac ñahuihuanmi ricuracun. Paicuna caparishpa mañashcatapish uyaracunmi.

SALMOS 62:12

llaquicpish, canta Mandac Diospish cani. Ñucami tucuiman imata ruhuashca shinallatac japina cashcata cusha» nirca.

SALMOS 92:6

Mana entendic runaca caitaca mana yachanchu. Yuyai illac runaca mana entendinchu.

ÉXODO 15:11

Mandac Dioslla, ¿pitac can shinaca tiyanyari? Can shina jucha illac Dios shinaca, ¿pitac tiyanyari? Mancharinacunata ruhuashcamanta alli nina Diosca, ¿pitac tiyanyari? Canca sumaimanata ruhuacmi cangui.

PROVERBIOS 5:21

Mandac Diosca runacunapac causaita ricucunmi. Tucui imata ruhuacucpipish yachanmi.

PROVERBIOS 8:14

Cunanapish, allita yuyarishpa yachac canapish ñucapacmi. Allita yachac canapish, sinchi canapish ñucapacmi.

ECLESIASTÉS 12:14

Chaica Diosmi ñucanchic tucui ima ruhuashcataca ricunga. Imata pacalla ruhuashcatapish alli cachun mana alli cachunpish ricuchingami.

ISAÍAS 28:29

Chaitaca tucuita Mandac Diosllatacmi ruhuarca. Paica imata ruhuanata yuyarishcapish sumaimanami. Paipac yachaipish mai sumacmi.

ISAÍAS 40:13

¿Pitac Mandac Diospac yuyaitaca yacharca? ¿Pitac cunashpa yachachirca?

ISAÍAS 59:18

Paita piñaccunataca llaquichina cashca shinallatacmi llaquichinga. Paita mana ricunayachiccunatapish, paita piñaccunatapish yallita piñarishpami llaquichinga. Mama cucha patapi causaccunatapish paicuna piñashca shinallatacmi llaquichinga.

ISAÍAS 9:6

Shuc cari huahuami huacharishca. Shuc churitami ñucanchicman cushca. Mandanaca paipac maquipimi. Paipac shutica “Mancharina cunac”, “Imatapish ruhuac Dios”, “Huiñaita causac Taita”, “Cushi causaita cucmi” canga.

JEREMÍAS 16:17

Ñucaca paicuna imata ruhuashcacunataca tucuitami ricucuni. Paicuna ruhuashcaca imapish ñuca ñahuimantaca mana pacallachu.

JEREMÍAS 17:10

¡Mandac Dios ñucami tucui shunguta ricushpa, imata yuyacushcatapish yachani! ¡Paicuna ima shina causashca shinallatac, imata ruhuashca shinallatac cungapacmi chashnaca yachani!» ninmi.

JEREMÍAS 21:14

Ñucaca cancuna mana allita ruhuashca shinallatacmi llaquichigrini. Ñucami paipac sachapi tiyac yuracunataca ninata japichishpa rupachisha. Chai ninami paipac muyundipi tucui tiyaccunatapish tucuchinga” ninmi ningui» nirca.

JEREMÍAS 23:24

¿Maijanpish ñuca ñaupamantaca miticui pudingachu? ¿Manachu ñucaca tucui jahua pachapipish, tucui cai pachapipish cani?

JEREMÍAS 25:14

Babilonia llactapi causaccunatapish shuctac llactacuna, jatun mandaccuna servichishpa llaquichingami. Paicuna mana allita ruhuashca shinallatac, paicunatapish llaquichisha» ninmi.

DANIEL 2:45

Canca manapish pi cacharicpi, urcumanta rumi shamushpa, fierrota, bronceta, allpata, curita, cullquita ñutuchictami ricurcangui. Chaica, Diosmi shamuc punzha ima tucunata ricuchishca. Chai muscushcaca chashnatacmi tucunga. Chai muscushca imata nisha nicushcapish mana llullachu— nirca.

DANIEL 4:35

Paipac ñaupapica tucui cai pachapi causaccuna mana ima canchu. Paimi jahua pachapi tucui tiyaccunatapish, cai pachapi tucui tiyaccunatapish pai munashca shina ruhuan. Paipac poderhuan imata ruhuacucpipish, pi mana jarcai pudinchu. Shinallatac mana pi: ‘¿Imatatac ruhuacungui?’ nishpa tapunchu” nishpa alli nircani

ZACARÍAS 9:1

Mandac Diosca Hadrac llactata, Damasco llactata llaquichinatami huillacun. Shinallatac cai pachapi causaccunatapish, tucui Israel aillucunatapish chaparacunmi.

SAN MATEO 16:27

Ashtahuanpish Runa Tucungapac shamushca ñucaca, ñuca Taitapac sumaimana achic nicuc-huan, paipac angelcunahuan cutimushpaca, tucuimanmi imata ruhuashca shina cusha.

SAN JUAN 5:29

Allita ruhuaccunaca causaita japingapacmi causaringacuna, ashtahuanpish mana allita ruhuaccunaca Dios juchanchishca cangapacmi causaringacuna.

2 CORINTIOS 5:10

Imalla ruhuashcata ñucanchic ricuchingapacca, tucuita taripac Cristopac ñaupapimi tucui mashna ricurigrina canchic. Chaipica cai aicha causaipi allita ruhuashcamanta, mana allita ruhuashcamantami japina cashcata japigrishun.

EFESIOS 1:11

Cristohuan shuclla cashcamanta pai cusha nishcata ñucanchic japichunmi, Diosca pai munashca shina ñaupaman ña acllashca. Tucui imatapish pai munashca shinami ruhuan.

HEBREOS 4:13

Tucui Dios ruhuashcacunami paipac ñaupamanta mana pacalla can. Imapish paipac ñaupapica mana pacashcachu. Paimanmi ñucanchicca tucui imatapish huillana canchic.

APOCALIPSIS 2:23

Paipac huahuacunatapish huañuchishami. Chashna ruhuacpimi tucui tandanacushca criccunaca paicunapac yuyaitapish, shungutapish ñuca yachac cashcata yachac chayangacuna. Tucuimanmi imata ruhuacushca, shinallatac japina cashcata cusha.

APOCALIPSIS 22:12

Shinallatac Jesusca: —¡Riquichic, ñucaca ñallami shamusha! Imata ruhuashca shina japina cashcata tucuiman cungapacmi apashpa shamusha.