JEREMÍAS 30:3 - Dios Rimashcata Quillcashcami

³ Ñuca acllashca israelpuramanta, Judá llactapi causacpuramanta prezu apashcacunata cutichimuna punzhami chayamucun. Paicunapac ñaupa taitacunaman ñuca cushca llactamanmi pushamusha. Chaipimi causanga. Chaitaca Mandac Dios ñucami nini» nirca.

JEREMÍAS 30:3 Iomraidhean Croise

ESDRAS 3:1

Israelcuna utcapi causashca pueblocunaman cutimushpa, canchis quillata causacucpimi, tucui gentecuna Jerusalenpi shuc shinalla tandanacurca.

ESDRAS 3:12

Utcapi Diospac huasi shayacucta ricuc curacuna, levitacuna, taitacunapac huasi ucupurata mandaccuna, israelcunata pushac yuyaccunaca Diospac huasi callari rumicunata churai callaricpimi caparishpa huacarcacuna. Cutin shuccunaca yallita cushicushpami caparircacuna.

ESDRAS 3:8

Jerusalenpi causac Diospac huasiman cutimushca ishcai huata callari ishcai quilla tucucpimi, Salatielpac churi Zorobabelpish, Josadacpac churi Jesuapish, caishuc huauquicunapish, curacunapish, levitacunapish, tucui prezu cashcamanta Jerusalenman cutimushcacunapish Mandac Diospac huasita shayachi callarircacuna. Diospac huasita shayachiccunata pushachunca ishcai chunga huata yallita charic levitacunatami churarca.

SALMOS 126:4

Mandac Dioslla, ñucanchictaca Neguev pambapi tucyac yacucuna shinata prezumanta llucchishpa mushucyachiyari.

SALMOS 53:6

¡Israelcunata quishpichingapacca Sionmanta shamushca canmanlla! Dios pai acllashcacunata prezu cashcamanta cutichimucpica, Jacobopac huahua tucui israelcunami yallita cushicunga.

JEREMÍAS 16:15

Ashtahuanpish cancunapac ñaupa taitacunaman cushca llactaman ñuca cutichimusha. Chaimantami: “Israelcunata jahua lado llactamantapish, shuctac llactaman cachashcacunatapish cutin cutichimuc Mandac Diospac shutipimi nini” ningami.

JEREMÍAS 23:5

Shamuc punzhacunapica Davidpac huahua huahuapuramantami cashcata ruhuac mandacta churasha. Paica Jatun Mandacmi. Allita mandashpami, cai pachapica imatapish alli ricushpa, cashcata ruhuashpa mandanga.

JEREMÍAS 27:11

Ashtahuanpish Babilonia llactata jatun mandacpac yugota cungapi churashca shina, paita serviccunataca chai llactallapitacmi tarpushpa causachun saquisha. Chaitaca Mandac Dios ñucami nini” ninmi ningui» nirca.

JEREMÍAS 27:22

Babilonia llactamanmi apashca canga. Ñucallatac ricungapac rishpa, cutichimuna punzhacamanmi chaipi canga. Chai quipaca ñucallatacmi cai pushtullapitac churasha. Chaitaca Mandac Dios ñucami nini» ninmi.

JEREMÍAS 29:10

Cutinllatacmi Mandac Diosca: Cancuna Babilonia llactapi canchis chunga huata cacpimi, cancunata ricuc shamusha. Chaipimi ñuca huillashcata pactachishpa, cancunaman allita ruhuashpa, cai llactaman cutichimungapac risha.

JEREMÍAS 29:14

Cancunaca taringuichicmi. Prezumanta cutichimushpami, ñuca llucchishpa cachashcacunataca tucui llactacunamanta tandachisha. Maimanta ñuca llucchishpa cachashca pushtullamantacmi cutichimusha. Chaitaca Mandac Dios ñucami nini.

JEREMÍAS 3:18

Chai punzhacunapica Judá ailluca Israel ailluhuanmi jahua lado llactamanta cancunapac ñaupa taitacunaman ñuca cushca llactaman shamunga.

JEREMÍAS 30:10

Mandac Dios ñucaca: «Ñucata servic Jacobolla, ama manchaichu. Israelcunalla, ama chucchuichicchu. Ñucami canpish, cambac huahuacunatapish caru llactapi prezu causacucpi, chaimanta llucchishpa quishpichisha. Jacobopac huahua huahuacunaca mana manchashpami cushilla causanga. Pipish mana ashtahuan manchachingachu.

JEREMÍAS 30:18

Mandac Diosca: «Riquichic, Jacobopac huahua huahuacunataca prezumanta cutin llucchimushpami, paicunapac carpa huasicunataca allichisha. Paicuna causana llactaca tucurishca llacta jahuallapitacmi shayachishca canga. Mandashpa tiyana huasipish utcaman maipi cashcallapitacmi shayachishca canga.

JEREMÍAS 30:4

Mandac Dios Israel llactapi, Judá llactapi causaccunamanta

JEREMÍAS 31:16

Mandac Diosca: «Ama ashtahuan huacaichu, cambac ñahuimanta huiquita pichaiyari. Can llaquita apashcamantaca allitami cusha, piñaccunapac llactamantaca cutimungacunami.

JEREMÍAS 31:23

Israelcunapac tucuita Mandac Diosca: «Gentecunata prezumanta ñuca llucchimucpica, Judá llactapish, chai llactapi tiyac llactacunapish: “¡Cashcata ruhuashpa, causana llactalla, Diospac urculla, Mandac Dios bendiciachun!” ningami.

JEREMÍAS 31:27

Mandac Diosca: «Israel llactapipish, Judá llactapipish, gentecunata, animalcunata achcata mirachina punzhacunami shamugrin.

JEREMÍAS 31:31

Mandac Diosca: «Israel llactapi, Judá llactapi causaccunahuan ari nina punzhacunami shamugrin.

JEREMÍAS 31:38

Jerusalentaca ñucapaclla cachun, Hananeel torremanta, esquinapi tiyac pungucaman allichina punzhacunami shamugrin.

JEREMÍAS 32:37

ñucami nina japiric shina yallita piñarishpa, mana ricusha nishpa, llucchishpa cacharcani. Cunanca paicunataca tucui llactacunamantami cutinllatac tandachimusha. Shina tandachishpami, cai llactapica imatapish mana manchashpa causachun churasha.

JEREMÍAS 32:44

Ashtahuanpish caimanta prezu aparishcacunataca ñucami cutichimusha. Paicunaca allpata randingacunami. Escriturata ruhuashpami sellanga. Chashnami Benjaminpac llactapi, Jerusalén muyundi llactacunapi, Judá llactallapitac tiyac caishuc llactacunapi, urcucunapi tiyac llactacunapi, Sifela pambapi tiyac llactacunapi, Neguev pamba llactacunapimi allpata randinga» ninmi.

JEREMÍAS 33:26

ñucapish Jacobopac huahuacunataca shitaimanmi. Ñucata servic Davidpac huahuacunatapish cungarimanmi. Shuc punzha Abrahampac, Isaacpac, Jacobopac huahuacunata mandachunca, Davidpac huahuacunataca ña mana mandachun churaimanchu. Ashtahuanpish ñucallatacmi caimanta prezu apashcacunataca llaquishpa cutichimusha» nirca.

JEREMÍAS 51:60

Babilonia llactata llaquicuna japinatami Jeremiasca shuc carapi quillcarca. Babilonia llactata ima shina llaquichinata tucui rimashcata quillcashcami chaipica tiyacun.

EZEQUIEL 20:42

Israel llactaman pushamucpimi, ñucataca Mandac Dios cashcata yachanguichic. Chai llactatami cancunapac ñaupa taitacunaman cusha nishpa, ñuca maquita alzashpa ari nircani.

EZEQUIEL 34:13

Shuctac llactamanta tandachimushpami paicunapac quiquin llactaman pushamusha. Chashna pushamushpami Israel urcucunapi, jatun yacu patacunapi, gentecuna causana pambacunapi michisha.

EZEQUIEL 36:24

Cancunataca ñucami shuctac llactacunamanta, shinallatac tucui llactacunamanta tandachishpa, cancunapac llactaman pushamusha.

EZEQUIEL 47:14

Cai allpataca caishucman, chaishucman cunguichic. Cai allpata ñaupa taitacunaman cungapacmi ari nircani. Chaimantami cai allpaca cancunapac canga.

JOEL 3:1

Mandac Diosca: «Chai punzhacunapi, chai huatacunapica, Judá llactamanta, Jerusalenmanta prezu apashcacunata

SOFONÍAS 2:7

Chai allpaca maijan saquirishca Judapac huahuacunapacmi canga. Chaipimi michinga. Tutaca Ascalón llacta huasicunapimi sueñunga. Paicunata Mandac Dios ricurishpami prezumanta cutichimunga.

SOFONÍAS 3:20

Cancuna ricucucpi, prezumanta llucchimushpaca, tucui cai pacha llactacunapi causaccunapac ricsishca, alli nishca cachunmi ruhuasha» ninmi. Chaitaca Mandac Diosmi nin.

SAN LUCAS 17:22

Jesusca paipac yachacuccunataca: —Runa Tucungapac shamushca ñuca mandacucta ashallapish ricunata munana punzha chayamungami. Chashna munashpapish, mana ricungachu.

SAN LUCAS 19:43

Cancunata piñaccuna shamushpa, muyundita jarcashpa shayarina punzhacunami shamun.

SAN LUCAS 21:6

Jesusca: —Tucui urmachishca, rumillapish mana pircashca saquirina punzhacunami chayamucun— nirca.

DEUTERONOMIO 30:3

Mandac Diospish prezumanta cutichimungami. Chashnami Mandac Diosca llaquishpa, mai llactacunaman pai llucchishpa cachashca cashpapish cutinllatac tandachimunga.

DEUTERONOMIO 30:5

Chashnami cancunapac ñaupa taitacuna japishca llactaman cutichimunga. Chai llactaca cancunapacmi canga. Chaipica, cancunaman allita ruhuashpami huahuacunatapish ñaupa taitacunamanta ashtahuan yallita mirachinga.

HEBREOS 8:8

Mandac Diosca gentecuna mana alli pactachic cashcata ricushpami: «Israel gentecunahuan Judá gentecunahuan mushuc ari ninacuita ruhuana punzhacunaca pactamungami.