JEREMÍAS 3:9 - Dios Rimashcata Quillcashcami

⁹ Chashna juchallishca paicunapac yuyaipi ashalla cacpimi, rumi, caspi dioscunata adorashpa, tucui llactata mapayachirca.

JEREMÍAS 3:9 Iomraidhean Croise

ISAÍAS 57:3

¡Cancuna brujacunapac, huainayaccunapac, cullquimanta huainayaccunapac huahua huahuacunalla, ñucapacman cuchuyaichic!

ISAÍAS 57:6

Cancunaca pambapi tiyac llambuclla rumicunatami adoranguichic. Chai rumicunamanmi vinota tallishpa, ofrendacunatapish curcanguichic. Chai tucui mana allita ruhuashcamantaca, ¿manachu llaquichina cani?

JEREMÍAS 10:8

Tucui paicunami imatapish mana yachac, mana entendiccuna. Paicunapac caspi diosca imapac mana vali yanga cashcatami ricuchin.

JEREMÍAS 16:18

Paicuna mana allita ruhuashcamantaca ashtahuan yallitami llaquichisha. Paicunapac huañushca dioscunahuanmi ñuca allpataca mapayachirca. Ñuca cushca llactapimi chai millanacunata jundachirca» ninmi.

JEREMÍAS 2:27

Shuc yurata: “Canmi ñuca taita cangui” niccunapish, shuc rumita: “Canmi ñuca mama cangui” niccunapish, pingai tucungami. Paicunaca ñucaman ñahuita ricuchina shinaca, huashatami ricuchin. Cutin llaqui japicpica: “¡Quishpichingapac jatariyari!” nicuncunami.

JEREMÍAS 2:7

Ñucami allita micushpa causachun alli grano pucuc allpaman pushamurcani. Ashtahuanpish cancuna chaiman yaicushpaca ñuca llactata mapayachircanguichicmi. Millanatami ruhuarcanguichic.

JEREMÍAS 3:2

Urcucunata huichai ricuiyari. ¿Mai pambapitac mana chayarinacurcangui? Cambac cuyashcacunahuan tupangapacmi shitashca pambapi árabe runa chapacuc shina, ñancunapi tiyacurcangui. Chashna chayarinacushpa, yalli mana allita ruhuashpami, tucui llactata mapayachircangui.

EZEQUIEL 16:17

Ñuca cushca curihuan cullquihuanmi runaman riccha dioscunata ruhuashpa, paicunahuan huainayarcangui.

EZEQUIEL 23:10

Paicunami pingaichishpa, paipac cari huahuacunatapish, huarmi huahuacunatapish quichushpa, paitaca espadahuan huañuchirca. Paica sumac huarmimi carca. Shina cashpapish burlashpa asina huarmimi tucurca.

EZEQUIEL 23:21

Huambramanta pachami pi mana tuparishca chuchucunata Egipto llacta gentecuna japirichun saquirca.

EZEQUIEL 23:3

Paicunaca huambramanta pachami Egipto llactapi huainayarca. Chaipimi pi mana japirishca chuchutapish japirichun saquirca.

OSEAS 2:2

¡Cancunapac mamataca juchanchichic paita juchanchichic! Paica mana ñuca huarmichu, ñucapish mana paipac cusachu cani. ¡Huainayanata saquichun! ¡Paipac pechomanta cuyashcacunata anchuchichun!

OSEAS 4:12

Ñuca acllashcacunaca imatapish yachangapacmi paicunapac yanga diosman tapun. Chai caspihuanmi ima tucunata huillasha. Paicunataca huainayana yuyaimi pandachin. Chai shina huainayashpa causangapacmi Mandac Diosmanta anchurin.

JOEL 1:19

Mandac Dioslla, canllatami caparishpa mañasha. Michina pambatapish, tucui sacha yuracunatapish nina llamasmi tucuchicun.

HABACUC 2:19

¡Canca caspi diostami: “Ricchariyari” ningui! ¡Mana rimac rumi diostami: “Jatariyari” ningui! ¡Aij, imachari tucungui! ¿Chai diosca imatapish yachachi pudingachu? Chai diosca jahuallata curihuan, cullquihuan tapashcami. Samaitapish mana charinchu.

SAN MATEO 5:32

Ashtahuanpish ñucaca cashnami nini: Maijan caripish paipac huarmi manapish shuc-huan cacta yachashpa raquiricpica, chai huarmica paimantami shuc-huan huainayanacushpa juchallin. Shinallatac maijanpish chai raquirishca huarmihuan cazarashpaca, juchallinmi.