JEREMÍAS 3:23 - Dios Rimashcata Quillcashcami

²³ Lomacunapi, urcucunapi caparishpa mañanaca yangallami. Ashtahuanpish ñucanchictaca Mandac Diosllami quishpichi pudin.

JEREMÍAS 3:23 Iomraidhean Croise

SALMOS 3:8

Can Mandac Diosmi quishpichic cangui. ¡Can acllashcacunata bendiciaiyari!

SALMOS 62:7

Diosca ñuca quishpichic, sumaimana achiclla Diosmi. Diosca ñuca miticuna sinchi rumimi.

PROVERBIOS 21:31

Macanacui punzhapacca caballotami yallita allichincuna. Ashtahuanpish Mandac Dios mishachicpimi mishancuna.

ISAÍAS 10:20

Chai punzhacunapica israelpuramanta, Jacobopac huasi ucupuramanta puchushcacunaca ña mana ashtahuan paicunata llaquichiccuna parte tucungachu. Ashtahuanpish israelcunata Mandac jucha illac Diosllatami tucui shunguhuan yuyarishpa causanga.

ISAÍAS 12:2

¡Mandac Diosca ñucata quishpichicmi! ¡Ñucata sinchiyachic, ñuca cantana, ñucata quishpichic Diosmi! Chaimanta paipi shunguta churashpaca imatapish mana manchashachu» ningui.

ISAÍAS 43:11

Ñucallami Mandac Dios cani. Ñucallami quishpichicca cani.

ISAÍAS 44:9

Caspimanta imaman riccha dioscunata ruhuaccunaca yangallami. Paicuna ruhuashca sumac dioscunapish imapac mana valinchu. Chai yanga dioscunata alli niccunaca yuyai illac, imata mana yachaccunami. Chaimantami pingaichishca canga.

ISAÍAS 45:15

Israelcunapac quishpichic Mandac Dioslla, canca mana ricuric Diosmi cangui” ningacuna.

ISAÍAS 45:17

Ashtahuanpish israelcunaca Mandac Dios quishpichicpimi, huiñaita causanga. Chashnami huiñaita mana pingaichishca, mana cumurichishca canga» ninimi.

ISAÍAS 45:20

¡Llactapi causacpuramanta saquirishcacunaca tandanacushpa shamuichic! Caspimanta ruhuashca yanga diosta huanduccuna, manapish quishpichic diosta yallita mañaccunaca imatapish mana yachanchu.

ISAÍAS 63:1

¿Pitac chai Edom llactamanta, Bosra llactamanta puca churanata churarishca shamucun? ¿Pitac jagan nicuc churanata churarishca jatun poderhuan shamucun? Quishpichingapac jatun poderyuc, cashcata rimac Diosmi cani.

ISAÍAS 63:16

Abraham ñucanchicta mana yuyaricpipish, taita Israel ñucanchicta cungaricpipish canmi ñucanchic taita cangui. Mandac Dioslla, huiñaita ñucanchicta quishpichicmi cangui.

JEREMÍAS 14:8

Llaqui punzhacunapi quishpichichun israelcuna shuyana, quishpichic Dioslla, ¿ima nishpatac cai llactapica caru llacta runa shina tucungui? ¿Ima nishpatac puric runa pacaringapac carpata shayachic shina tucungui?

JEREMÍAS 17:14

Mandac Dioslla, ñuca alli nina Diosmi cangui. Ñucata jambiyari. Can jambicpica, alli tucushatacmi. Quishpichiyari. Can quishpichicpica, quishpirishatacmi.

JEREMÍAS 17:2

Cancunapac huahuacunaca jatun yuracuna ladopi tiyac Asera huarmi diosta yuyarina altarta, jatun lomacunapi cancuna churashca altarta,

JEREMÍAS 3:6

Jatun mandac Josías mandacui punzhacunapi Mandac Dios rimashpaca: «Mana cazuc israelcuna, ¿imata ruhuashcataca ricushcanguichu? Paicunaca lomacunapi, jatun yura ucucunapimi cullquimanta huainayac huarmi shina juchallirca.

JEREMÍAS 31:7

Mandac Diosca: «Jacobomanta cushicushpa caparichicyari. Llactacunapac uma shina llactata alli nichicyari. Sinchita caparishpa: “¡Mandac Dioslla, can acllashcapuramanta saquirishca israelcunata quishpichiyari!” nichicyari.

EZEQUIEL 20:28

Maquita alzashpa, cushami nishca llactaman pushamucpica, chaipi tiyac jatun lomacunata, jatun yuracunata ricushpami, animalcunata cushpa rupachirca. Mishquilla ashnacuc inciensotapish rupachircami, vinotapish cushpa tallircami. Chashnami ñucataca yallita piñachirca.

OSEAS 1:7

Ashtahuanpish Judá llactapi causaccunataca Mandac Dios ñucallatacmi llaquishpa quishpichisha. Ashtahuanpish mana arcohuan, mana jatun macanacuihuan, mana caballopi ric soldadocunahuanchu quishpichisha» nirca.

SAN JUAN 4:22

Cancunaca pita mañacushcata mana yachanguichicchu. Ñucanchicca pita mañacushcataca yachanchicmi. Diosca israelcunapuramantami Quishpichicta cachasha nishca.