JEREMÍAS 3:21 - Dios Rimashcata Quillcashcami

²¹ Israelcunaca alli ñanmanta anchurishpami, ñucata cungarirca. Chaimantami urcucunapi llaquilla huacashpa mañashca uyaricun. Chaitaca Mandac Dios Ñucami nini.

JEREMÍAS 3:21 Iomraidhean Croise

JOB 33:27

Runaca tucuipac ñaupapi cantashpaca: “Ñucaca juchatami ruhuashcani, allita ruhuanapac randica mana allitami ruhuashcani. Shina cacpipish, ñuca japina cashcataca mana japishcanichu” ninmanmi.

PROVERBIOS 10:9

Allita ruhuashpa causac runaca imata mana manchanchu. Ashtahuanpish mana allita ruhuashpa causacca jatun llaquimi tucunga.

PROVERBIOS 19:3

Yuyai illac runaca paipac causaipimi pandarin. Chai quipaca paipac shungupimi Mandac Diosta piñan.

ISAÍAS 15:2

Dibón llactapi causaccunaca lomacunapi tiyac altarcunapi huacangapacmi llucshirca. Moab llactapi causaccunaca Nebo, Medeba llactacunata tucuchishcamantami caparishpa huacanga. Tucuimi acchata pitishpa barbastapish anchuchinga.

ISAÍAS 17:10

Chaica, jatun Rumi shina pacac, quishpichic Diosta mana yuyarishpa, cungarishcamantami chashnaca tucunga. Chaimantami cancuna shuctac llactamanta sumac yuracunata apamushpa tarpunguichic.

ISAÍAS 57:11

¿Pita manchashcamanta ñucata crinata saquircangui? ¿Pi manchachicpitac ñucata crinata saquishpa, mana yuyarircangui? ¿Ñuca imata mana nishpa, upalla saquishcamantachu ñucataca jaicapi mana mancharcangui?

JEREMÍAS 12:12

Shitashca pambapi tiyac tucui lomacunamantami tucuchic runacunaca shamurca. Chaica, Mandac Dios ñucami tucui cai pacha tucurimanta callarishpa, ñuca espadahuan tucuita tucuchigrini. Pipish mana cushi causangachu.

JEREMÍAS 13:25

Mandac Dios ñucami canta llaquichigrini. Ñucata cungarishpa llullata crishpa, causashcamantami can mana allita ruhuashca shinallatac llaquichigrini.

JEREMÍAS 18:15

Ashtahuanpish ñuca acllashcacunaca ñucata cungarishpami ruhuashcalla dioscunaman inciensota rupachin. Chashnami ñanta chingachishpa mitcaric shina pandarin. Shinallatac ancho ñancunata saquishpami mana ricsishca ñancunallata purin.

JEREMÍAS 2:32

Carihuan manarac chayarishca solteraca, ¿sumac churanata cungarinchu? Cazarangapac ari nishca solteraca, ¿sumacta allichirinataca cungarinchu? Ashtahuanpish ñuca acllashcacunaca mana yupaipac punzhacunatami ñucata cungarishpa causan.

JEREMÍAS 3:2

Urcucunata huichai ricuiyari. ¿Mai pambapitac mana chayarinacurcangui? Cambac cuyashcacunahuan tupangapacmi shitashca pambapi árabe runa chapacuc shina, ñancunapi tiyacurcangui. Chashna chayarinacushpa, yalli mana allita ruhuashpami, tucui llactata mapayachircangui.

JEREMÍAS 31:9

Paicunaca huacashpami cutimunga. Ñucaca sumac yacu pugru pambata, maita mana mitcaripac sumac ñantami cushichishpa pushamusha. Ñucami israelcunapac taita cani. Efrainca ñuca punta churimi.

JEREMÍAS 7:29

Chaimanta cambac acchata pitishpa shitai. Lomacunaman rishpa caparishpa huacai. Mandac Diosta yallita piñachishcamantami huahua huahuacunataca mana ricunayachishpa shitashca.

EZEQUIEL 23:35

Chaimantami Mandac Dios ñucaca: Canca ñucata cungarishpa huashata ricuchircanguimi. Chashna mana alli yuyaihuan purishpa, huainayashcamantami llaquishca cana cangui” nini» nirca.

EZEQUIEL 7:16

Maijan llaquimanta quishpirishcacunaca pambapi causac paloma shinami, urcucunapi miticugringa. Chashnami paicunallatac millaita ruhuashcamantaca huacashpa ringacuna.

OSEAS 13:6

Ñucami cancunaman mana nicta cararcani. Chashna micushpami shungupi jatun tucushpa ñucataca cungarircanguichic.

OSEAS 8:14

Israelcunaca paicunata Ruhuac ñucata cungarishpami, mandana huasicunatarac ruhuarca. Judá llactapi causaccunaca muyundita pircashca llactacunatami achcata ruhuarca. Shina cacpipish, chai llactacunapi ñuca ninata japichicpimi, mandana huasicunapish tucui tucuringa» nircami.

MIQUEAS 3:9

Cunanca, Jacobopac huahuacunata pushaccunapish, israelcunata mandaccunapish caita alli uyaichic. Cancunaca cashcata ruhuanatapish, allita ricushpa mandanatapish millanayachinguichicmi.

NÚMEROS 22:32

Chaipimi Mandac Diospac ángel Balaamtaca: —¿Ima nishpatac cambac burrotaca quimsa cutin macarcangui? Riqui, can ñuca ñaupapi mana allita ruhuangapac ricucpimi, jarcangapac shamurcani.

2 CORINTIOS 7:10

Dios munashca shina llaquirishpaca, Diosman cutirishpa quishpirinatami japinga. Chaimantaca mana llaquirinachu can. Ashtahuanpish cai pacha munaicunamanta llaquirishpaca, huañuitami japinga.