JEREMÍAS 3:18 - Dios Rimashcata Quillcashcami

¹⁸ Chai punzhacunapica Judá ailluca Israel ailluhuanmi jahua lado llactamanta cancunapac ñaupa taitacunaman ñuca cushca llactaman shamunga.

JEREMÍAS 3:18 Iomraidhean Croise

GÉNESIS 12:7

Chaipimi Mandac Dios Abramman ricurishpaca: «Cambac huahua huahuacunamanmi cai allpataca cusha» nirca. Chaipimi Abramca paiman ricurishca Mandac Diosman shuc altarta ruhuarca.

ISAÍAS 43:5

Ñucaca canhuanmi cani. Chaimanta ama manchaichu. Cambac huahuacunataca inti llucshina ladomantapish, inti tigrana ladomantapish tandachishpa pushamushami» ninmi.

ISAÍAS 43:6

Jahua lado llactataca: «¡Paicunata cutichichic!» nishami. Ura lado llactataca: «¡Paicunata ama jarcaichicchu! Ñuca churicunataca carumanta, ñuca ushicunataca cai pacha tucurimanta pushamuichic.

JEREMÍAS 16:15

Ashtahuanpish cancunapac ñaupa taitacunaman cushca llactaman ñuca cutichimusha. Chaimantami: “Israelcunata jahua lado llactamantapish, shuctac llactaman cachashcacunatapish cutin cutichimuc Mandac Diospac shutipimi nini” ningami.

JEREMÍAS 23:8

Ashtahuanpish: “¡Israelcunapac huahua huahuacunata jahuamanta, tucui llucchishpa cachashca llactacunamanta cutichimuc Mandac Diospac shutipimi ari nini!” ningacuna. Shina cutichimucpimi, paicunapac llactallapitac causanga» ninmi.

JEREMÍAS 3:12

Jahua lado llactata ricushpa: “Mandac Diosca: Mana cazuc Israel-lla, ñucapacman cutimuichic. Ñucaca llaquicmari cani. Mana ashtahuan piñarishachu. Mana huiñaita piñarishachu.

JEREMÍAS 30:3

Ñuca acllashca israelpuramanta, Judá llactapi causacpuramanta prezu apashcacunata cutichimuna punzhami chayamucun. Paicunapac ñaupa taitacunaman ñuca cushca llactamanmi pushamusha. Chaipimi causanga. Chaitaca Mandac Dios ñucami nini» nirca.

JEREMÍAS 31:8

Ñucaca jahua lado llactamanta, shinallatac tucui cai pacha tucuri llactamantami tandachisha. Chashna tandachicpimi, ñahui mana ricuccunapish, suchucunapish, huicsayuc huarmicunapish, llullu huahuayuc huarmicunapish caiman cutin tandanacumunga.

JEREMÍAS 50:20

Ñucallatac causachun saquishca israelcunapac juchacunataca perdonashami. Chaimantami chai punzhacunapi, chai huatacunapica israelcunapish, Judá runacunapish jucha illac cangacuna. Paicunapica juchaca mana tiyangachu. Chaitaca Mandac Dios ñucami nini.

JEREMÍAS 50:4

Mandac Diosca: «Chai punzhacunaca israelcunapish, Judá runacunapish tandanacushpami cutinga. Ñucata mashcashpami, quiquin chaquihuan purishpa, huacashpa ñucapacman shamunga.

JEREMÍAS 50:5

Sionman rina ñanta tapushpami, chai ñanta catishpa, Mandac Dios ñucahuan ari ninacushpa, huiñaita mana cungarishpa causangapac shamunga.

JEREMÍAS 7:7

Chashna causacpica, cancunapac ñaupa taitacunaman huiñaicaman cushca llactapi causachunmi saquisha.

EZEQUIEL 11:17

Chaimanta canca: “Mandac Diosca: Caita, chaita rishpa, causacucpimi, chai llactacunamanta tandachishpa, Israel llactata cusha.

OSEAS 1:11

Judapac huahua huahuacunapish, israelcunapish tandanacushpami, shuclla mandacta acllanga. Chaica, Jezreelpac punzhaca jatun punzhami canga.

OSEAS 11:12

Efraín ailluca yallita llullashpami muyundita jarcashcata shina ruhuashca. Israelcunaca llullashpami tauca cutin umashca. Judá llactapi causaccunaca Mandac Dios-huan cariyashpami, paimanta caruyashca.

OSEAS 2:2

¡Cancunapac mamataca juchanchichic paita juchanchichic! Paica mana ñuca huarmichu, ñucapish mana paipac cusachu cani. ¡Huainayanata saquichun! ¡Paipac pechomanta cuyashcacunata anchuchichun!

AMÓS 9:15

Paicunapac allpallapitacmi tarpuc shina causachun churasha. Ñuca paicunaman cushca allpamantaca mana pitic shina anchuchishachu. Chaitaca cancunata Mandac Dios ñucami nini» ninmi.

ZACARÍAS 10:6

Ñucaca Judapac huahuacunataca sinchiyachishami. Josepac huahuacunataca quishpichishami. Paicunata llaquichishpami cutichimusha. Paicunaca jaicapi mana pingai tucushca shinami canga. Ñucaca Mandac Dios cani. Paicuna mañashcataca uyashami.

ZACARÍAS 2:6

Mandac Diosca: «¡Uyaichic, jahua lado llactamanta llucshishpa callpaichicyari! Ñucami cancunataca cai pacha chuscu ladocunaman shic-huashpa cacharcani. Chaitaca Mandac Dios ñucami nini.