JEREMÍAS 3:17 - Dios Rimashcata Quillcashcami

¹⁷ Chai punzhacunapica Jerusalentaca ‘Mandac Dios mandashpa tiyarinami’ ningami. Tucui llactacunamantami Jerusalenman shamushpa, Mandac Diospac shutipi mañanga. Ña mana ashtahuan paicunapac shungu munashcata ruhuangachu.

JEREMÍAS 3:17 Iomraidhean Croise

GÉNESIS 8:21

Shina rupachicpi, Mandac Diosman mishquilla ashnashpa chayacpimi paica: «Runapac juchamantaca cai pachataca jaicapi mana llaquichishachu. Runaca huambramanta pacha millaita yuyacunllami. Shinallatac mana cunan tucuchishca shina, tucui causaita charic animalcunataca tucuchishachu.

1 REYES 8:41

Shinallatac shuc llactamanta shamushca mana can acllashca Israelpura cashpapish, cambac shutita alli ningapacmi shamunga.

SALMOS 102:23

Paimi chaupi ñanpi ñuca fuerzata quichushpa ñuca causana punzhacunatapish chaupirca.

SALMOS 78:8

Ama ñaupa taitacuna shina Diosta mana cazuc, sinchi shungu, Diosta mana tucui shunguhuan, tucui almahuan catic cachunmi chashnaca yachachichun mandarca.

SALMOS 87:3

¡Diospac pueblolla, canmantaca sumaimanatami rimancuna!

ISAÍAS 26:8

Mandac Dioslla, cantaca cashcata ruhuachunmi shuyarcanchic. Cambac shutita mana cungarishpa, causanatami ñucanchicca tucui shunguhuan munanchic.

ISAÍAS 56:6

Caru llacta runacunapac churicuna Mandac Dios ñucata servingapac, ñuca shutita cuyashpa ñucata servingapac shamucpi, shinallatac samana punzhata mana yangapi churashpa, ñuca ari nishcatapish ucllaric shina, chai yuyailla causacpica,

ISAÍAS 59:19

Mandac Diospac shuti achic nicucta ricushpaca, inti llucshina ladomanta, inti tigrana ladocamanmi manchanga. Paica, paipac huaira tangacpi, jatun yacu shamuc shinami shamunga. Chashnami Mandac Diospac Espirituca shamunga.

ISAÍAS 6:1

Jatun mandac Uzías huañushca huatami ñucaca Mandac Dios jatun tiyarinapi tiyacucta ricurcani. Paipac jahualla churanaca paipac huasitami tucui tapashca carca.

ISAÍAS 66:1

Mandac Diosca: «Jahua pachaca ñuca mandashpa tiyanami. Cai pachaca ñuca chaqui sarunami. ¿Maipitac ñuca huasitaca shayachinguichic? ¿Maipitac ñuca samarinataca ruhuanguichic?

ISAÍAS 66:18

Ñucaca paicuna imata ruhuashcatapish, imata yuyaricushcatapish yachanimi. Tucui llactamanta chican chican rimaita rimac, tucui runacunata tandachina punzhacunami chayamunga. Paicuna shamushpami, ñuca poderta ricunga.

ISAÍAS 66:20

Paicunami tucui cancunapac huahuacunataca tucui llactamanta pushamunga. Ñucaman cungapacmi caballocunapi, carretacunapi, tuldushca huandunacunapi, mulacunapi, camellocunapi montachishpa, ñucapaclla Jerusalenpi tiyac urcuman pushamunga. Israelcunaca Mandac Dios ñucaman cungapacmi ofrendata mapa illac imapish charinacunapi ñucapac huasiman apamushpa cuc shina, ñuca ñaupapi churanga.

JEREMÍAS 11:8

Shina mandacucpipish, mana cazurcacunachu, mana uyasha nircacunachu. Ashtahuanpish paicunapac shungupi mana allita yuyaricushcatami ruhuashpa catirca. Chaimantami ñuca ari ninacushpa rimashcapi nishca shina, paicunata llaquichigrini. Chai rimashcata pactachichun mandacpipish, mana pactachircacunachu” ninmi ningui» nirca.

JEREMÍAS 12:15

Paicunata llucchishpa cachashca quipaca ñucallatacmi cutin paicunata llaquishpa, quiquin llactaman, quiquin allpaman cutichimusha.

JEREMÍAS 12:16

Chai llactapi causaccunaca ñuca acllashcacunataca Baal diospac shutipi ari ninatami yachachirca. Chashna yachachishca cashpapish, ñuca acllashcacunahuan pacta: “Mandac Dios ñucapac shutipi” ari ninga. Chashna causashpami ñuca acllashcacunapac chaupipi alli causanga.

JEREMÍAS 14:21

Cambac shutita cuyashcamanta ñucanchictaca ama saquichu. Can mandashpa tiyarina sumaimanatapish, ñucanchic-huan ari nishcatapish ama yangapi churaichu. Ñucanchicta yuyariyari.

JEREMÍAS 16:12

Cancunacarin ñaupa taitacunatapish yalli ashtahuan mana allicunatami ruhuashcanguichic. Tucui cancunami ñuca nishcata mana uyashpa, cancunapac shungu munashcata ruhuashpa causacunguichic.

JEREMÍAS 16:19

Mandac Dioslla, canca ñucapac sinchi torre shinami cangui. Ñucaman fuerzata cushpa, llaqui punzhacunapi ñucata cuidacmi cangui. Tucui cai pachamanta cambacman shamushpaca: «Ñucanchic taitacunaca imapacpish mana valic, llulla yanga dioscunatami charishca.

JEREMÍAS 17:12

Diospac sumaimana tiyana huasica callarimanta pacha tucuita yalli jahuapimi tiyacun.

JEREMÍAS 18:12

Ashtahuanpish paicunaca: “Ñucanchic dioscunatami catishun. Quiquin munashcatami ruhuashun. Ñucanchic shungu yuyashcatami ruhuashun. Ñucanchictaca mana jarcai pudinguichu, yangallami rimacungui” ningami» nirca.

JEREMÍAS 3:19

Ñucaca: Tucui cai pachapi tiyac llactacunamanta ashtahuan sumac, tucuipac munana llactata cungapac, ¿ima shinatac cancunataca ñuca huahuacunata ruhuashayari? Ñucataca ñuca taitalla ningacunami, mana cungaringacunachu yuyarcanimi.

JEREMÍAS 31:23

Israelcunapac tucuita Mandac Diosca: «Gentecunata prezumanta ñuca llucchimucpica, Judá llactapish, chai llactapi tiyac llactacunapish: “¡Cashcata ruhuashpa, causana llactalla, Diospac urculla, Mandac Dios bendiciachun!” ningami.

JEREMÍAS 33:9

Jerusalenpi ñuca allicunata ruhuashcata tucui llactacunapi uyashpami, ñucataca alli nishpa, sumaimanami cangui ningacuna. Chaimantami Jerusalenpi causaccunahuan yallita cushicusha nini” ninmi» nirca.

JEREMÍAS 4:2

Mandac Dios ñucapac shutipi ari nishpaca, mana llullashpa cashcata nichic. Shina ruhuacpica, shuctac llactacunapi causaccunapish, ñucamantami bendiciashca canga. Ñucahuanmi cushicunga.

JEREMÍAS 7:24

Shina mandacpipish, mana uyarcacunachu, mana cazurcacunachu. Ashtahuanpish sinchi shungu tucushpami, mana allita yuyarishpa, paicuna munashcata ruhuashpa, ñaupaman rinapac randica, huashaiman cutirirca.

JEREMÍAS 9:14

Chaipac randica, paicunapac taitacuna yachachishca shinallatacmi Baal dioscunata catishpa, shungu munashcata ruhuashpa causarca.

EZEQUIEL 1:26

Chai pamba jahuapica, zafiro rumimanta ruhuashca mandangapac tiyarina tiyacuctami ricurcani. Chai tiyarinapica genteman ricchami tiyacurca.

EZEQUIEL 43:7

Chaipi rimashpaca: «Huañunalla runa, caipimi ñuca tiyarinaca. Ñuca chaquicunataca caipimi samachisha. Caipimi israelcunahuan huiñaita causasha. Cunanca israelcunapish, jatun mandaccunapish ña mana huainayashpa, jatun mandac huañushca cuerpota lomacunapi tiyac altarcunapi churashpa, ñuca shutita mapayachingachu. Ruhuashcalla dioscunatapish ña mana ashtahuan adorangacunachu.

EZEQUIEL 48:35

Chai llacta muyundica iscun huaranga metromi canga. Chai punzhamanta pachami chai puebloca, ‘Mandac Diosmi cai llactapica’ nishpa shutichishca canga» nirca.

ZACARÍAS 2:11

Chai punzhapica achca llactacunami Mandac Dios ñucapacman tandanacunga. Paicunaca ñuca acllashcacunami canga. Ñucaca cancunapac chaupipimi causasha» ninmi. Chaita ricushpami, Mandac Diosllatac cancunapacman ñucata cachashcata yachanguichic.

ZACARÍAS 8:8

Chashnami Jerusalén chaupipi causachun churasha. Paicunaca ñuca acllashcacunami canga. Ñucapish paicunapacca cashcata nic, cashcata ruhuac Diosmi casha» ninmi.

NÚMEROS 15:39

Chai flecoscunapi murucunata huarcuchishcata ricushpaca, ñuca mandashcacunata pactachinata yuyarishpami paicuna ricushpa, shungupi munanamanta jarcaringa.

ROMANOS 1:21

Diosta ricsishpapish, mana Diosta shinachu alli nircacuna, mana pagui nircacunachu. Ashtahuanpish yangallata yuyashpami, paicunapac shunguca imata mana entendic tucurca.

ROMANOS 6:14

Cancunaca mana Moisés mandashcacuna mandashcachu causacunguichic, ashtahuanpish Diospac cuyaimantami causacunguichic. Chaimanta cancunaca ña mana jucha mandashcachu causacunguichic.

GÁLATAS 4:26

Ashtahuanpish jahua pachapi tiyac Jerusalenca mana huatashca shinachu. Ñucanchicca paipac huahuacunami canchic.

DEUTERONOMIO 29:29

Imapish pacallacunaca ñucanchic Mandac Diospacmi. Ashtahuanpish cai ricuchishcacunaca ñucanchicpacpish, ñucanchic huahua huahuacunapacpishmi can. Cai mandashcacunapi tucui nishcacunatami huiñaita pactachina canchic.

JUECES 2:19

Shina cacpipish, juezcuna huañucpica shucta dioscunata adorangapac rishpami paicunapac ñaupa taitacunata atishpa ashtahuan millai tucurca. Chashna mana allita ruhuanapi yacharishca cashcamantami millaita ruhuanata manatac saquirca.