JEREMÍAS 3:15 - Dios Rimashcata Quillcashcami

¹⁵ Chaipi cancunata michichunca, ñuca shungu munashca shinami, michiccunata churasha. Paicunami alli yuyaihuan, alli yachaihuan michinga.

JEREMÍAS 3:15 Iomraidhean Croise

PROVERBIOS 10:21

Cashcata ruhuac runapac shimica achcacunatami allita pushan. Ashtahuanpish mana yachaccunaca mana entendishpami huañuncuna.

JEREMÍAS 23:4

Paicunata michichunca michiccunatami churasha. Shina churacpica, mana manchangacunachu, mana chucchungacunachu. Imapish mana illangachu.

JEREMÍAS 31:10

¡Llactapi causaccunalla, Mandac Dios ñuca rimashcata uyashpa, mama cucha patapi tiyac caru llactacunapi huillaichic! Chashna huillashpaca: “Israelcunata llucchishpa, caita chaita cachac Diosca cutinmi tandachishpa, ovejacunata michic shina cuidanga” nichicyari.

EZEQUIEL 34:2

«Huañunalla runa, Israel michiccuna llaqui tucunata huillashpa, Mandac Diosca: “¡Israel michiccunalla, cancunallami cuidaricunguichic! ¿Manachu michiccunaca ovejacunata cuidana can?

EZEQUIEL 34:23

Paicunata michichunca, ñucata servic Davidtami churasha. Paillami michinga.

EZEQUIEL 37:24

Ñucata servic Davidmi paicunapac jatun mandac canga. Shuclla michicmi tiyanga. Paicunaca ñuca yachachishcacunatapish, mandashcacunatapish, rimashcacunatapish pactachishpami causanga.

SAN LUCAS 12:42

Chashna nicpimi Jesusca: —¿Maijantac alli cazuc, alli yuyaiyuc mayordomoca? Paipac amo: “Ñuca huasita ricungui, serviccunamanpish micuna horas carangui” nishpami saquinman.

HECHOS 20:28

Apunchic Jesusca paipac yahuarhuanmi, tandanacushca criccunataca randirca. Chaimanta cancunallatac alli yuyaihuan, tucui criccunata cuidanguichic. Diospac Espirituca cancunataca paicunata cuidashpa michic cachunmi churarca.

1 CORINTIOS 2:6

Ashtahuanpish ña sinchi criccuna cashpaca, alli yachai rimaicunahuan rimanacunchic. Cai alli yachai rimaicunaca mana cai pachamantachu, mana jatun mandaccunamantachu. Mandaccunaca chingariccunallami.

1 PEDRO 2:2

cunanlla huacharishca huahuacuna lechellata munac shina, imahuanpish mana chapushca, Dios rimashca shimillata yachanata munaichic. Chashna yachacushpami allita huiñashpa quishpiringuichic.

1 SAMUEL 13:14

Ashtahuanpish cunanca mana unaitachu mandangui. Canta Mandac Dios mandashcata mana cazushcamantaca pai munashca shina causac runatami pai acllashcacunata mandachunca churanga— nirca.