JEREMÍAS 28:6 - Dios Rimashcata Quillcashcami

⁶ «¡Chashna cachun! Mandac Diosca chashna ruhuachunlla. Can huillashca shina, Mandac Diospac huasipi ima tiyashcacunata apashcatapish, prezu apashcatapish Babilonia llactamanta caiman cutichimuchun.

JEREMÍAS 28:6 Iomraidhean Croise

1 REYES 1:36

Shina nicpimi, Joiadapac churi Benaiasca jatun mandactaca: —Chashna cachun. Ñuca amo jatun mandacpac Mandac Diosca chashna ruhuachun.

1 CRÓNICAS 16:36

¡Israelcunata Mandac Diosca, huiñaita alli nishca cachun!» nirca. Shina nicpimi, tucui gentecunaca: «¡Chashna cachun!» nishpa Mandac Diostaca alli nircacuna.

SALMOS 106:48

¡Israelcunata Mandac Diosca ñaupamanta huiñaicaman alli nishca cachun! Shinallatac tucui gentecuna: «Chashna cachun» nichicyari. ¡Mandac Diosta alabaichicyari!

SALMOS 41:13

¡Israelcunata Mandac Diosca huiñai huiñaita alli nishca cachun! Chashna cachun, chashna cachun.

SALMOS 72:19

¡Paipac sumaimana shutica huiñaita alli nishca cachun! Paipac sumaimana achicca tucui cai pachapi jundashca cachun. Chashna cachun, chashna cachun.

SALMOS 89:52

¡Mandac Diosca huiñaita alli nishca cachun! ¡Chashna cachun, chashna cachun!

JEREMÍAS 11:5

Cunan punzhapi nishca shinallatacmi cancunapac ñaupa taitacunaman lechepish, mishquipish yacu shina callpacuc llactata cusha nishpa, ari nircani. Chaitaca pactachishatacmi nircani” ninmi ningui» nirca. Shina nicpimi ñucaca: «¡Mandac Dioslla, chashna cachun!» nircani.

JEREMÍAS 17:16

Ashtahuanpish ñucaca paicunata can llaquichichunca mana munarcanichu. Paicunaman jatun llaqui punzha chayachunpish mana munarcanichu. Chaitaca canllatac yachanguimi. Ñuca imata rimashpapish, cambac ñaupallapitacmi rimarcani.

JEREMÍAS 18:20

Can yallita piñarishcata pasachichun ñuca paicunamanta mañashcataca yuyariyari. Ashtahuanpish paicunaca ñucata enterrana jutcutami allashca. ¿Allita ruhuashcamantaca, mana allitachu ruhuana canga?

JEREMÍAS 28:3

Ishcai huata quipami ñuca huasipi ima tiyashcacunata Babilonia llactata jatun mandac Nabucodonosor Babilonia llactaman apashcacunataca caiman cutichimusha.

ZACARÍAS 6:10

«Babiloniapi prezu cashpa, cutimuc Heldaimanta, Tobiasmanta, Jedaiasmanta ofrendata chasqui. Chaimantaca chai punzhallatac Sofoniaspac churi Josiaspac huasiman ri.

NÚMEROS 5:22

Cai llaquichic yacu huicsaman yaicushpami huahuatapish mana charicta ruhuashpa, huicsatapish punguillichinga” nishpa gentecunapac ñaupapi ari nichinga. Shina nicpimi, chai huarmica: “Chashna cachun, chashna cachun” ninga.

SAN MATEO 28:20

Ñuca cancunaman mandashpa yachachishcacunata paicunapish cazuchun yachachinguichic. Ñucaca cai pacha tucuringacamanmi, cancunahuanca casha» nirca.

SAN MATEO 6:13

Ama ima millaipi urmachun saquinguichu, tucui mana allimanta huacaichingui. [Canmi huiñai huiñaita tucuita mandacpish, tucuita ruhuacpish, sumaimana cushicuipish cangui. Chashna cachun]” nishpa mañanguichic.

1 CORINTIOS 14:16

Can espiritullahuan Diosta pagui nicpica, ¿ima shinatac shuc manarac yachac runaca entendingayari? Chashna can Diosta pagui nicucpica, ¿ima shinatac «Chashna cachun» ningayari?

2 CORINTIOS 1:20

Dios imatapish cushami nishcataca Jesucristomi pactachirca. Diosta jatunyachishpaca, paimantami ñucanchicca «chashna cachun» ninchic.

APOCALIPSIS 1:18

Ñucaca causacunimi. Huañushcami carcani, cunanca huiñaipacmi causacuni. Ñucami huañuipacpish, ucu pachapacpish llavecunata charicuni.

APOCALIPSIS 19:4

Shina nicpimi chai ishcai chunga chuscu yuyaccunapish, chuscu causaita chariccunapish cungurishpa, mandashpa tiyarinapi cac Diostaca alli nircacuna. Paicunaca: «¡Chashna cachun!» «¡Cushicushpa alli nichi!» nircacuna.

APOCALIPSIS 3:14

Laodicea pueblopi cac tandanacushca criccunata ricuc angelman quillcai: “Dios-huan cai pachapi tucui ima tiyashcatapish ruhuac, imatapish cashcata nic, imatapish pactachic, shinallatac chashna cachunca nicca:

APOCALIPSIS 5:14

Chai chuscu causaita chariccunaca: «¡Chashna cachun!» nircami. Shinallatac chai ishcai chunga chuscu yuyaccunaca cungurishpa cumurishpami huiñai huiñaita causacutaca alli nircacuna.