JEREMÍAS 28:4 - Dios Rimashcata Quillcashcami

⁴ Shinallatac Joacimpac churi Judá llactata jatun mandac Joacimtapish, Judá llactamanta Babilonia llactaman prezu apashcacunatapish cutichimushami. Ñucallatacmi Babilonia llactata jatun mandacpac yugotaca paquisha. Chaitaca Mandac Dios ñucami nini” ninmi» nirca.

JEREMÍAS 28:4 Iomraidhean Croise

GÉNESIS 27:40

Espadahuan misarishpa, huauquita servishpami causangui. Sinchiyashpaca yugota cambac cungamanta anchuchic shinami, servinamanta llucshingui» nirca.

2 REYES 24:14

Chai quipami Jerusalenmantaca tucui mandaccunata, ashtahuan sinchi soldadocunata, artesanocunata, fierrota huactaccunatapish tucuita tandachishpa, chunga huaranga runacunata prezu aparca. Judá llactapi causac huacchacunallami chaipica saquirirca.

ISAÍAS 9:4

Canmi paicunapac llashac yugota paquircangui. Hombrospi cac caspitapish, paicunata llaquichina varatapish paquircanguimi. Madián llactata tucuchic shinami tucuchircangui.

JEREMÍAS 13:19

Neguev pambapi tiyac llactacunapish huichcashcami, pipish chaita mana pasanchu. Judá llactapi causaccunatapish tucuimi prezu apashca. Shucllatapish mana saquishpami apashca.

JEREMÍAS 2:20

Utcamanta pachami yugota paquishpa, coyundatapish pitircangui. Shina ruhuashpaca: “¡Mana servishachu!” nircanguimi. Chashna nishca jahuami lomacunapi, jatun yura ucucunapi huainayac huarmi shina sirirircangui.

JEREMÍAS 22:10

Jatun mandac Josiasmantaca ama huacaichicchu. Pai huañushcamantaca ama llaquirichicchu. Ashtahuanpish shuctac llactaman prezu apacpi, pai huacharishca llactaman jaicapi mana cutina cashcamantami huacana canguichic.

JEREMÍAS 22:24

Mandac Diosca: «¡Ñuca shutipimi nini: Joacimpac churi Judá llactata jatun mandac Conías can ñuca alli lado maquipi sortejas shina cacpipish, chaimanta llucchimanmi!

JEREMÍAS 24:1

Babilonia llactata jatun mandac Nabucodonosorca Joacimpac churi Judá llactata jatun mandac Joaquintapish, chai llacta shuctac mandaccunatapish, artesanocunatapish, fierrerocunatapish Jerusalenmanta Babilonia llactaman prezu apashca quipami, Mandac Diosca paipac huasi ñaupapi ishcai canashta higota ricuchirca.

JEREMÍAS 24:5

«Israelcunata Mandac Dios ñucaca: Sumac higocuna shinaca, Judá llactamanta caldeocunapac llactaman ñuca llucchishpa cachashca gentecunami.

JEREMÍAS 27:8

Maijan llacta, mana cashpaca maijan jatun mandac Babilonia llactata jatun mandac Nabucodonosorta yugota cungapi churashca shina, mana servisha nictaca jatun macanacuipi yarcaihuan, yalli ungüihuanmi llaquichisha. Chashnami Nabucodonosorpac maquipi yaicungacaman llaquichisha.

JEREMÍAS 28:10

Shina nicpimi, Hananiasca Jeremiaspac cungamanta yugota anchuchishpa paquirca.

JEREMÍAS 28:2

«Israelcunapac tucuita Mandac Diosca: “Babilonia llactata jatun mandacpac yugotaca paquircanimi.

JEREMÍAS 29:1

Nabucodonosor Jerusalenmanta Babilonia llactaman prezu apashca pushac yuyaccunaman, curacunaman, Dios ima nishcata huillaccunaman, shuctac gentecunamanmi Dios ima nishcata huillac Jeremiasca shuc cartata quillcashpa cacharca. Chaitaca Jerusalenmantami cacharca.

JEREMÍAS 29:2

(Chai cartataca jatun mandac Joaquintapish, paipac mama jatun mandactapish, shuctac mandaccunatapish, Judá llactata, Jerusalenta mandaccunatapish, artesanocunatapish, fierrerocunatapish Jerusalenmanta prezu apashca quipami cacharca).

JEREMÍAS 30:8

Tucuita Mandac Dios ñucaca: «Chai punzhapica cancunapac cungapi tiyacuc yugota paquishpami coyundacunatapish pitisha. Ña mana shuctac llactapi causaccuna servichishpa causangachu.

LEVÍTICO 26:13

Ñucaca cancunata Mandac Diosmi cani. Ñucami cancuna ama ashtahuan servishpa catichun, Egipto llactamanta llucchimurcani. Mana manchashpa causachunmi, chai llactapi huatashca shina causaimanta cacharichircani.

NAHÚM 1:13

Cunanca, cambac jahuapi churashca yugota paquishami, coyundacunatapish pitishami” ninmi.