JEREMÍAS 28:1 - Dios Rimashcata Quillcashcami

¹ Jatun mandac Sedequías Judá llactata chuscu huata pichca quillata mandacucpimi, Gabaón llactamanta Azurpac churi huillac Hananiasca Mandac Diospac huasipi curacunapac, gentecunapac ñaupapi ñucaman huillashpaca:

JEREMÍAS 28:1 Iomraidhean Croise

1 REYES 3:4

Animalcunata huañuchishpa Diosman cungapacca Gabaonmanmi riccuna carca. Chaipi cac altarmi ashtahuan valichishca carca. Chaimantami Salomonpish achca animalcunata huañuchishpa Diosman cungapacca chaiman ric carca.

2 REYES 24:18

Sedequiasca ishcai chunga shuc huatata charishpami Judá llactata mandai callarirca. Paica chunga shuc huatatami Jerusalenpi mandarca. Paipac mamaca Libna pueblomanta Jeremiaspac ushi Hamutalmi carca.

2 CRÓNICAS 36:11

Sedequiasca ishcai chunga shuc huatata charishpami mandai callarirca. Paica chunga shuc huatatami Jerusalenpi mandarca.

ISAÍAS 9:15

Umaca pushac yuyaccuna, alli nishca runacunami. Chupaca llullashpa yachachiccunami.

JEREMÍAS 23:28

Huillac runaca pai muscushcata parlachun. Ñuca rimashcata chasquicca mana llullashpa huillachun. Cupahuan trigohuanca mana chashnallatacchu.

JEREMÍAS 27:1

Josiaspac churi jatun mandac Sedequías Judá llactata punta huatata mandacucpimi, Mandac Diosca Jeremiastaca:

JEREMÍAS 27:12

Judá llactata jatun mandac Sedequiasmanpish huillashpaca: «Babilonia llactata jatun mandacpac yugota cungapi churashca shina paitapish, paipac gentecunatapish servishpa causaichic. Chashna servishpaca causanguichicmi.

JEREMÍAS 27:3

Chai quipaca Edom, Moab, Amón, Tiro, Sidón llactacunata jatun mandaccunapacman Judá llactata jatun mandac Sedequiasta Jerusalenpi ricungapac shamuccunapuramanta shucta huillachun cachai.

JEREMÍAS 28:11

Quipaca Hananiasca gentecunapac ñaupapi rimashpaca: «Mandac Diosca: “Ishcai huata quipami Babilonia llactata jatun mandac Nabucodonosor tucui llactacunapi causaccunapac cungapi churashca yugotaca paquisha” ninmi» nirca. Shina nicpica, Jeremiasca chaimanta rircallami.

JEREMÍAS 28:17

Hananiasca chai huatallatami canchis quilla tucucpi huañurca.

JEREMÍAS 28:5

Chaimanta Dios ima nishcata huillac Jeremías Mandac Diospac huasipi curacunapac, gentecunapac ñaupapi huillac Hananiastaca:

JEREMÍAS 29:15

Ashtahuanpish cancunaca: “Mandac Diosca Babilonia llactapipish pai ima nishcata huillaccunata ñucanchicman cushcami” nircanguichicmi.

JEREMÍAS 36:12

Chaimantami jatun mandacpac huasiman rishpa, quillcac runapac ucuman yaicurca. Chaipimi quillcac Elisamapish, Semaiaspac churi Delaiaspish, Acborpac churi Elnatanpish, Safanpac churi Gemariaspish, Ananiaspac churi Sedequiaspish tiyacurca.

JEREMÍAS 37:13

Jeremías Benjamín pungu nishcaman chayacpica, soldadocunata mandac Iriasmi cuidacurca. Paica Selemiaspac churi Hananiaspac nietomi carca. Paimi Dios ima nishcata huillac Jeremiastaca: «¡Canca, caldeocunapacmanmi ricungui!» nishpa prezurca.

JEREMÍAS 37:19

¿Maipitac cancunaman: “Babilonia llactata jatun mandacca cancunatapish, cai llactatapish mana llaquichingapac shamungachu” nishpa huillacca?

JEREMÍAS 49:34

Judá llactata jatun mandac Sedequías mandacui huata Mandac Dios Elam llactata llaquichinamanta pai ima nishcata huillac Jeremiasta rimashpaca:

JEREMÍAS 51:59

Judá llactata jatun mandac Sedequias-huan Babilonia llactaman ricucpimi, Dios ima nishcata huillac Jeremiasca Neriaspac churi, Maasiaspac nieto Seraiasman shuc quillcata mingashpa cacharca. Sedequiasca ñami chuscu huatata mandacurca. Seraiasca Sedequiaspac sueñuna ucuta allichicmi carca.

EZEQUIEL 13:6

Paicuna muscushcapish yangallami, shinallatac llullashpami: ‘Mandac Diosmi chashna nin’ nishpa huillan. Ashtahuanpish ñucaca paicunataca mana cacharcanichu. Shina cacpipish, paicunaca tucui huillashcacunata ñuca pactachichunmi shuyancuna.

OSEAS 7:3

Paicunaca millaita ruhuashpami jatun mandacta cushichin. Cutin llullashpaca caishuc mandaccunatami cushichin.

JOSUÉ 10:12

Amorreocunata israelcunapac maquipi Mandac Dios churai punzhapi, Josué Mandac Diosta israelcunapac ñaupapi alli nishpaca: «¡Intilla, Gabaón pueblopi shayariyari! ¡Quillalla, Ajalón pugru pambapi shayariyari!» nirca.

JOSUÉ 9:3

Ashtahuanpish Josué Jericó pueblopi, Hai pueblopi causaccunata imata ruhuashcata Gabaón pueblopi causaccuna yachashpaca,