JEREMÍAS 27:22 - Dios Rimashcata Quillcashcami

²² Babilonia llactamanmi apashca canga. Ñucallatac ricungapac rishpa, cutichimuna punzhacamanmi chaipi canga. Chai quipaca ñucallatacmi cai pushtullapitac churasha. Chaitaca Mandac Dios ñucami nini» ninmi.

JEREMÍAS 27:22 Iomraidhean Croise

2 REYES 25:13

Caldeocunaca Mandac Diospac huasipi shayachishca ishcai jatun bronce pilartapish, yacu apana carretacunatapish, yacu churana pailatapish paquircami. Chai broncetaca Babilonia llactamanmi tucuita aparca.

2 CRÓNICAS 36:21

Mandac Diosca paicunata cashna llaquichinataca Dios ima nishcata huillac Jeremiastami huillachishca carca. Paicunata chai llactaman apacpimi, Judá llactaca canchis chunga huatacunacaman sumacta samarirca.

ESDRAS 1:11

Tucui curimanta, cullquimanta ruhuashca imalla charinacunaca pichca huaranga chuscu patsacmi carca. Tucui chaicunataca Sesbasarmi Babiloniapi prezu caccunata Jerusalenman apachirca.

ESDRAS 7:19

Cambac Diospac huasipi servichun canman cutichishca ima charinacunataca Diospac ñaupapi Jerusalenpi cutin cutichinguichic.

ESDRAS 7:9

Paicunaca callari quilla, callari punzhapimi Babiloniamanta llucshircacuna. Chai huata, pichca quilla callari punzhapimi Esdrasca Jerusalenman chayamurca. Diospac maquica paihuanmi carca.

PROVERBIOS 21:30

Alli yachaipish, ima yuyaipish, ima cunashcapish Mandac Diostaca mana ati pudinchu.

JEREMÍAS 20:5

Shinallatac cai llactapi causaccuna trabajashpa tucui imata charishcatapish, ima sumaccunatapish, Judá llactata jatun mandaccunapac ima valishcacunatapish, tucui charishcacunatapishmi paicunata piñaccunaman cusha. Chashna cucpimi, paicunaca Babilonia llactaman apanga.

JEREMÍAS 27:21

Mandac Diospac huasipi, Judá llactata jatun mandacpac huasipi, Jerusalenpi ima charishcacuna puchushcamantaca israelcunapac tucuita Mandac Diosca:

JEREMÍAS 27:7

Tucui llactacunami paita, paipac churita, paipac nietota servishpa causanga. Babilonia llactaman yalli llaqui huatacuna chayamungacamanmi chashna causanga. Quipaca Babiloniapi causaccunapish shuctac llactacunata jatun mandaccunatami servishpa causanga.

JEREMÍAS 29:10

Cutinllatacmi Mandac Diosca: Cancuna Babilonia llactapi canchis chunga huata cacpimi, cancunata ricuc shamusha. Chaipimi ñuca huillashcata pactachishpa, cancunaman allita ruhuashpa, cai llactaman cutichimungapac risha.

JEREMÍAS 32:5

Sedequiastaca Babilonia llactamanmi apachun mandanga. Ñuca cutin ricugringacamanmi chaipi causanga. Caldeocunahuan macanacushpapish mana ati pudingachu” ninmi nishpa huillangui?» nishpami prezurca.

JEREMÍAS 34:2

«Israelcunata Mandac Dios ñucaca: “Judá llactata jatun mandac Sedequiaspacman rishpa, Mandac Diosca: Cai llactataca Babilonia llactata jatun mandacmanmi cugrini. Paica ninata japichishpami tucui rupachiga.

JEREMÍAS 34:3

Paipac maquimantaca mana llucshi pudinguichu. Ashtahuanpish paipac maquipi japi tucushpami prezuringui. Canta Babilonia llactaman apacpica, jatun mandactaca ñahui ñahuimi ricungui. Paica ñahui ñahuimi canhuanca parlanga” ninmi.

JEREMÍAS 34:5

Ashtahuanpish sumac huañuitami charingui. Can huañucpica, ñaupa taita jatun mandaccunaman shinami mishquilla ashnacucta rupachinga. Paicuna canmanta llaquishpaca: ‘¡Aij, ñucanchic mandaclla!’ nishpami huacanga. Ñuca huillachishcaca chashnatacmi pactanga. Chaitaca Mandac Dios ñucami nini” ninmi ningui» nirca.

DANIEL 5:23

Ashtahuanpish jahua pacha Diosta llaquichishpami, paipaclla huasimanta vasocunata apachun cacharcangui. Chai vasocunapimi canpish, can churashca mandaccunapish, cambac huarmicunapish, cambac caishuc huarmicunapish vinota ubiarcanguichic. Shinallatac curimanta, cullquimanta, broncemanta, fierromanta, rumimanta ruhuashca mana uyac, mana ricuc, mana entendic dioscunatami alabarcangui. Ashtahuanpish cambac causaita paipac maquipi charicuc Diostaca mana alli nircanguichu. Tucui cambac causaitaca paimi ricucun.

DANIEL 9:2

Daniel ñucaca ima horascaman Jerusalén shitashca saquirinamanta Dios ima nishcata huillac Jeremiasman Mandac Dios huillashpa, quillcashca libropi rezarcani. Canchis chunga huatata chashna shitashca saquirinatami huillacurca.