JEREMÍAS 27:13 - Dios Rimashcata Quillcashcami

¹³ ¿Ima nishpatac jatun macanacuipi yarcaihuan, jatun ungüihuan canpish, cambac gentecunapish huañunata munanguichic? Mandac Dios nishca shina Babilonia llactata jatun mandacta mana servishcamantaca chashnami huañunga.

JEREMÍAS 27:13 Iomraidhean Croise

PROVERBIOS 8:36

Ashtahuanpish ñucamanta caruyacca paillatacmi causaita chingachin. Ñucata tucui piñaccunaca huañuitami cuyacun» nishpami caparicun.

JEREMÍAS 17:4

Ñuca cushca llactatapish shitashpa, cancuna mana ricsishca llactacunapi cancunata piñaccunata servishpa causachunmi saquisha. Cancuna yallita piñachishcamantami nina japiric shina piñarishca cani. Chai ninaca huiñaitami rupacungalla.

JEREMÍAS 24:9

Paicunataca tucui llactacunapi causaccuna asichun, mancharishpa parlanacuchun, yuyarina parlocunata paicunamanta llucchishpa, burlachunmi saquisha. Chashnami mai llactaman ñuca cachacpipish, llaqui tucunga.

JEREMÍAS 27:8

Maijan llacta, mana cashpaca maijan jatun mandac Babilonia llactata jatun mandac Nabucodonosorta yugota cungapi churashca shina, mana servisha nictaca jatun macanacuipi yarcaihuan, yalli ungüihuanmi llaquichisha. Chashnami Nabucodonosorpac maquipi yaicungacaman llaquichisha.

JEREMÍAS 38:2

«Mandac Diosca: “Maijanpish cai llactapi saquiricca jatun macanacuipi yarcaihuan, yalli ungüihuanmi huañunga. Ashtahuanpish caimanta llucshishpa, caldeocunapac maquipi yaicugricca mana huañungachu. Chashna ruhuashpaca causangami” ninmi.

JEREMÍAS 38:20

Shina nicpimi Jeremiasca: —Mana paicunapac maquipi churangachu. Cunanca Mandac Dios rimashcata ñuca huillashcata alli uyai. Chaita uyashpaca, mana llaqui tucunguichu, allimi causangui.

JEREMÍAS 38:23

Cambac huarmicunata, huahuacunatami caldeocunaca caimanta apanga. Canca paicunapac maquimantaca manatac quishpiringuichu. Ashtahuanpish Babilonia llactata jatun mandacpac maquipimi, prezu japi tucungui. Cai llactapish tucui rupachishcami canga— nirca.

EZEQUIEL 14:21

Mandac Dios ñucaca: “Jerusalenpi causacuc gentecunata, animalcunata tucuchingapacca, jatun macanacuitapish, yarcaitapish, piña animalcunatapish, ungüicunatapishmi cachasha. Chai chuscu llaquicunahuanmi tucuchisha.

EZEQUIEL 18:24

Ashtahuanpish cashcata ruhuac runa, allita ruhuanata saquishpa millaita ruhuaccuna shina causashpaca, ¿causangachu? Pai cashcata ruhuac cashcataca mana yuyarishachu. Ashtahuanpish pai ñucata mana cazushpa, millaita ruhuashcamantaca huañungami.

EZEQUIEL 18:31

Juchacunata ruhuashpa, ñucata llaquichishcata yuyarishpa shungutapish, yuyaitapish mushucyachichic. Israelcunalla, ¿imamantatac huañunguichicyari?

EZEQUIEL 33:11

Mandac Dios ñuca shutipimi nini: Ñucata mana manchac runa huañuchunca mana munanichu. Ashtahuanpish pai millaita ruhuanata saquishpa, causaita charichunmi munani. Chaimanta millaita ruhuanata saquishpa tigramuichic. Israelcuna, ¿imamantatac huañugringuichicyari? ninmi.