JEREMÍAS 27:11 - Dios Rimashcata Quillcashcami

¹¹ Ashtahuanpish Babilonia llactata jatun mandacpac yugota cungapi churashca shina, paita serviccunataca chai llactallapitacmi tarpushpa causachun saquisha. Chaitaca Mandac Dios ñucami nini” ninmi ningui» nirca.

JEREMÍAS 27:11 Iomraidhean Croise

JEREMÍAS 21:9

Cai llactapi saquirishcacunaca jatun macanacuipi yarcaihuan, jatun ungüihuanmi huañunga. Ashtahuanpish caimanta llucshishpa, cancunapac muyundipi chapacuc caldeocunapacman maijanpish rishpaca causangami. Paicunapac maquipi yaicushpaca mana huañungachu.

JEREMÍAS 27:12

Judá llactata jatun mandac Sedequiasmanpish huillashpaca: «Babilonia llactata jatun mandacpac yugota cungapi churashca shina paitapish, paipac gentecunatapish servishpa causaichic. Chashna servishpaca causanguichicmi.

JEREMÍAS 27:2

«Yugota coyundacunandi ruhuashpa, cambac cungapi huatari.

JEREMÍAS 27:8

Maijan llacta, mana cashpaca maijan jatun mandac Babilonia llactata jatun mandac Nabucodonosorta yugota cungapi churashca shina, mana servisha nictaca jatun macanacuipi yarcaihuan, yalli ungüihuanmi llaquichisha. Chashnami Nabucodonosorpac maquipi yaicungacaman llaquichisha.

JEREMÍAS 38:2

«Mandac Diosca: “Maijanpish cai llactapi saquiricca jatun macanacuipi yarcaihuan, yalli ungüihuanmi huañunga. Ashtahuanpish caimanta llucshishpa, caldeocunapac maquipi yaicugricca mana huañungachu. Chashna ruhuashpaca causangami” ninmi.

EZEQUIEL 28:25

Mandac Diosca: Ñucaca shuctac gentecunapac chaupipi causacuc israelcunataca tandachishami. Chashna ruhuashpami, llactapi causaccunapac ñaupapica jucha illac cashcata ricuchisha. Israelcunaca paicunapac llactapimi causanga. Chai llactataca ñucata servic Jacobomanmi curcani.