JEREMÍAS 27:10 - Dios Rimashcata Quillcashcami

¹⁰ Paicunaca cancunapac llactamanta ñuca cancunata llucchishpa cachashpa, huañuchichunmi chashna llullashpa huillan.

JEREMÍAS 27:10 Iomraidhean Croise

ÉXODO 22:18

Brujacuna huañunami can.

JEREMÍAS 14:14

Shina nicpimi, Mandac Diosca: «Paicunaca llullashpami ñuca shutipi huillancuna. Mana paicunataca cacharcanichu, mana mandarcanichu, shinallatac imatapish mana nircanichu. Muscuipi shina ricushcata huillashcaca llullallami, yangallami, paicunapac shungupi yuyarishcallatami huillan.

JEREMÍAS 23:16

Tucuita Mandac Diosca: «Chai huillaccuna huillashcataca ama uyanguichicchu. Paicunaca yangallata huillashpami crichincuna. Paicunaca Mandac Dios ñuca muscuipi shina ricuchishcataca mana huillancunachu. Ashtahuanpish paicunapac yuyashcallatami huillan.

JEREMÍAS 23:25

Ñucaca chai huillaccunataca: “Muscurcanimi, muscurcanimi” nishpa llullashpa ñuca shutipi huillacuctami uyarcani.

JEREMÍAS 27:14

Huillaccuna: “Babilonia llactata jatun mandactaca mana servinachu canguichic” nishpa, huillashcataca ama uyanguichicchu. Paicunaca llullashpami huillan.

JEREMÍAS 27:15

Paicunaca manapish ñuca cachacpimi, llullashpa ñuca shutipi huillan. Cancunatapish, cancunaman huillaccunatapish caimanta ñuca llucchishpa cachashpa huañuchichunmi chashnaca huillan» ninmi.

JEREMÍAS 27:16

Curacunamanpish, tucui gentecunamanpish huillashpaca: «Mandac Diosca: Chai huillaccunataca ama uyanguichicchu. Paicunaca: “Diospac huasipi ima charishcacunataca ñami Babilonia llactamanta cutichimunga” nishpami, llullashpa huillan.

JEREMÍAS 28:11

Quipaca Hananiasca gentecunapac ñaupapi rimashpaca: «Mandac Diosca: “Ishcai huata quipami Babilonia llactata jatun mandac Nabucodonosor tucui llactacunapi causaccunapac cungapi churashca yugotaca paquisha” ninmi» nirca. Shina nicpica, Jeremiasca chaimanta rircallami.

JEREMÍAS 28:16

Chaimantami Mandac Diosca: “Canca ñucata cai gentecuna mana cazuchunmi parlarcangui. Chaimantami cai pachamanta anchuchigrini. Cai huatallatami huañungui” ninmi» nirca.

JEREMÍAS 32:31

Cai llactaca callarishca punzhamanta cunan punzhacamanmi ñucata llaquichishpa, piñachishpa causacun. Chaimantami ñucapac ñaupamanta anchuchigrini.

JEREMÍAS 8:19

¡Ñuca llactapi causaccuna caparishcaca caru llactacamanmi uyarin! Mandac Diosca: «¿Manachu Sionpi? Sionta jatun mandacca, ¿manachu chaipi?» nirca. Chaimantami Mandac Diosca: «¿Ima nishpatac imamanpish riccha dioscunata, shuctac llacta yanga dioscunata adorashpa, ñucata piñachircanguichic?» nirca

LAMENTACIONES 2:14

Huillaccunaca llullashpami, muscuipi shina ricushcata huillarca. Ama prezu apachunmi, juchata ruhuashcataca mana huillarca. Chaipac randica llullashpami, muscuipi shina ricunchic nishpa huillarca.

DANIEL 4:7

Chashna shamucpimi yachaccunaman, lucerota ricushpa yachacuccunaman, adivinocunaman muscushca imata nisha nicushcata huillarcani. Shina huillacpipish, paicunaca chai muscushca imata nisha nicushcataca mana huillai pudircachu.

ZACARÍAS 10:2

Yanga dioscunaca llullaccunami. Adivinocunaca llullallatami muscun. Muscushcata huillashpapish, yangallami cushichin. Chaimantami gentecunaca ovejacuna shina, purin. Paicunaca michic illac cashpami, llaquilla causan.

MALAQUÍAS 3:5

Tucuita Mandac Diosca: «Chaipimi brujocunatapish, huainayaccunatapish, llullashpa ari niccunatapish taripashpa llaquichisha. Cullquimanta trabajaccunata, viuda huarmita, taita mama illac huahuacunata, caru llacta runacunata llaquichishpa, ñucata mana manchashpa causaccunatapish llaquichisha» ninmi.

DEUTERONOMIO 18:10

Cancunapuramanta maijanpish churita, ushita yanga diosman cushpa ama rupachichun. Shinallatac adivino canata, brujo canata, quipa ima tucunata huillac canata,