JEREMÍAS 26:22 - Dios Rimashcata Quillcashcami

²² Chaimantami jatun mandac Joacimca Acborpac churi Elnatanta, shuctac runacunata Egiptoman cacharca.

JEREMÍAS 26:22 Iomraidhean Croise

GÉNESIS 36:38

Saúl huañucpica, Acborpac churi Baal-hananmi paipac randi mandacurca.

2 REYES 22:12

Chai quipami jatun mandacca Hilcías curatapish, Safanpac churi Ahicamtapish, Micaiaspac churi Acbortapish, quillcac Safantapish, jatun mandacta servic Asaiastapish mandashpaca:

2 REYES 22:14

Shina nicpimi, Hilcías curapish, Ahicam, Acbor, Safán, Asaías runacunapish Dios ima nishcata huillac Huldapacman rishpa parlarcacuna. Paica curacunapac churanata cuidac Salumpac huarmimi carca. Salumca Ticvapac churimi carca. Ticvaca Harhaspac churimi carca. Hulda huarmica Jerusalenllapitacmi quipata ruhuashca uchilla pueblopi causarca.

SALMOS 12:8

Millai runacunata tucui alli nicpimi, paicunaca maipipish muyucuncuna.

PROVERBIOS 29:12

Shuc mandac llullashcata crishpa chasquicpica, tucui paita serviccunami Diosta mana manchaccuna tucunga.

JEREMÍAS 29:3

Chai cartataca Safanpac churi Elasaman, Hilquiaspac churi Gemariasmanmi cushpa cacharca. Paicunataca Judá llactata jatun mandac Sedequiasmi Babilonia llactata jatun mandac Nabucodonosorpacman cacharca. Chai cartapica:

JEREMÍAS 36:12

Chaimantami jatun mandacpac huasiman rishpa, quillcac runapac ucuman yaicurca. Chaipimi quillcac Elisamapish, Semaiaspac churi Delaiaspish, Acborpac churi Elnatanpish, Safanpac churi Gemariaspish, Ananiaspac churi Sedequiaspish tiyacurca.

JEREMÍAS 36:25

Elnatán, Delaía, Gemarías ama rupachichu nicpipish, jatun mandacca mana uyarcachu.

JEREMÍAS 39:14

cárcel pungumanta Jeremiasta llucchichun cacharca. Chaimanta llucchishpaca, Ahicampac churi, Safanpac nieto Gedaliasmanmi huasipi pushashpa causachun curca. Shinami Jeremiasca Judá llacta gentecunapac chaupipi causacurca.

EZEQUIEL 8:11

Chaicunapac ñaupapica israelcunapuramanta canchis chunga pushac yuyaccunami carca. Chai pushac yuyaccunapac chaupipica Safanpac churi Jazaniasmi shayacurca. Tucui paicunami quiquin maquipi inciensota rupachinata charicurca. Shinallatac incienso cushnica puyu shinami jahuata ricurca.