JEREMÍAS 26:21 - Dios Rimashcata Quillcashcami

²¹ Jatun mandac Joacimpish, pai churashca mandaccunapish, caishuc mandaccunapish pai huillashcataca uyarcami. Chaimantami jatun mandacca Uriasta huañuchinata munarca. Chaita Urías yachashpami, manchaihuan Egiptoman miticushpa rirca.

JEREMÍAS 26:21 Iomraidhean Croise

1 REYES 18:10

¡Canta Mandac Diospac shutipimi nini: Tucui llactacunaman, tucui mandaccunapacmanmi ñucata mandac Acabca canta mashcachun cacharca! Paicunaca: “Eliasca mana caipichu” nircami. Shina nicpipish, tucui chai mandaccunatapish, llactacunapi causaccunatapish canta mana ricushcataca cutinpish, cutinpish allimi huillachic carca.

2 CRÓNICAS 16:10

Shina nicpimi, Asaca yallita piñarishpa, Dios ricuchishcata huillactaca carcelpi churarca. Chai huatacunapica yallitami Judá llactapi causaccunataca llaquichirca.

2 CRÓNICAS 24:21

Ashtahuanpish paitaca pacalla llaquichinatami yuyarinacurca. Paicunaca jatun mandac mandacpimi, Mandac Diospac huasi pungu pambapi Zacariastaca rumicunahuan shitashpa huañuchirca.

SALMOS 119:109

Ñuca causaica punzhantami chingarinalla. Shina cacpipish can mandashcacunataca mana cungarircanichu.

PROVERBIOS 29:25

Manchashpa causac runaca tucllapimi urmanga. Ashtahuanpish Mandac Diospi shunguta churacca quishpiringami.

JEREMÍAS 26:10

Judá llacta mandaccunaca chaita uyashpami, jatun mandac tiyarina huasimantaca Mandac Diospac huasiman rishpa, yaicuna mushuc pungu ladopi tiyarirca.

JEREMÍAS 36:26

Ashtahuanpish jatun mandacca Hamelecpac churi Jerameelta, Azrielpac churi Seraiasta, Abdeelpac churi Selemiastami quillcac Baructa, Dios ima nishcata huillac Jeremiasta prezuchun cacharca. Shina prezungapac ricpipish, Mandac Diosmi paicunataca pacarca.

JEREMÍAS 38:4

Shina nicpimi, mandaccunaca jatun mandactaca: «¡Cai runaca huañunami can! Pai chashna huillashpaca cai llactapi saquirishca macanacuc runacunatapish, tucui gentecunatapish maquita irquiyachic shinami manchaipi churan. Cai runaca gentecuna alli causachunca, mana munanchu. Ashtahuanpish mana allillatami munan» nirca.

SAN MATEO 10:23

Maijan pueblopi llaquichicpica, shuctac puebloman ringuichic. Israel llactapi manarac tucuiman huillacpimi, Runa Tucungapac shamushca ñucaca cutimusha. Chaica, chashnatacmi canga.

SAN MATEO 10:28

Cuerpota huañuchiccunataca ama manchanguichicchu. Cuerpota huañuchishpapish, almataca mana huañuchi pudingachu. Ashtahuancarin almatapish, cuerpotapish ucu pachaman cachac Diosta manchanguichic.

SAN MATEO 10:39

Maijanpish quiquin causaita llaquicca chingaringami, ashtahuanpish ñucata caticushcamanta quiquin causaita mana llaquicca quishpiringami.

SAN MATEO 14:5

Herodesca Juanta huañuchisha nicushpapish, gentecunata manchashpami, mana huañuchirca. Chaica, Juantata Dios ima nishcata huillacmi nicmi carca.

MARCOS 6:19

Herodiasca Juantaca huañuchinatami munarca. Shina cashpapish mana huañuchi pudircachu.