JEREMÍAS 25:3 - Dios Rimashcata Quillcashcami

³ «Amonpac churi Josías Judá llactata chunga quimsa huatata mandacui punzhacunamanta cunan punzhacamanmi Mandac Diosca caita huillarca. Chashnami utcamanta pacha ishcai chunga quimsa huatata huillacurcalla. Chashna mana shaicushpa huillacucpipish, cancunaca mana uyasha nircanguichicchu.

JEREMÍAS 25:3 Iomraidhean Croise

GÉNESIS 22:3

Chai cayandi tutamanta utca jatarishpami, Abrahamca burrota parejashpa, paita ishcai serviccunatapish, paipac churi Isaactapish, rupachina yantatapish apashpa, Dios maiman richun nishcaman rirca.

1 REYES 22:3

Chashna ricpi, Israel llactata jatun mandacca paita serviccunataca: —¿Galaad llacta Ramot pueblo ñucanchicpac cashcataca manachu yachanguichic? ¡Siria llactata jatun mandacpac maquimanta chai pueblota quichungapacca imata mana ruhuashcanchicchu!— nirca.

2 REYES 17:13

Mandac Diosca paita servic pai ima nishcata huillaccunata, pai ricuchishcata huillaccunata israelcunamanpish, Judá gentecunamanpish huillachishpaca: «Millaicunata ruhuanata saquishpa, ñuca mandashcacunata, ñuca yachachishcacunata cancunapac ñaupa taitacunaman ñuca mandashca shinallatac tucuita cazushpa causaichic» nirca.

2 CRÓNICAS 24:19

Shina piñarishpapish Mandac Diosca paipacman tigrarichun nishpami pai ima nishcata huillaccunata huillachun cacharca. Chai huillaccuna huillashcataca mana uyarcacunachu.

2 CRÓNICAS 34:1

Josiasca pusac huatata charishpami mandai callarirca. Paica quimsa chunga shuc huatatami Jerusalenpi mandarca.

2 CRÓNICAS 34:3

Josiasca ña pusac huatata mandacushpa, huambrarac cashpami, paipac ñaupa taita Davidpac Mandac Diosta mashcai callarirca. Chunga ishcai huatata mandacushpami, lomacunapi tiyac altarcunata, Asera huarmi diosta yuyarina yurata, labrashpa ruhuashca dioscunata, yacuyachishpa ruhuashca dioscunata tucui anchuchishpa, Judá llactatapish, Jerusalentapish chuyayachirca.

2 CRÓNICAS 34:8

Josiasca chunga pusac huatata mandacushpa, chai llactatapish, Diospac huasitapish chuyanllata ruhuashca quipami, paita Mandac Diospac huasita allichichun, Azaliapac churi Safanta, mandac Maasiasta, Joacazpac churi quillcac Joata mandarca.

2 CRÓNICAS 36:15

Paicunapac ñaupa taitacunata Mandac Diosca pai acllashca gentecunatapish, paipac huasitapish llaquishpami, pai ima nishcata huillaccunata cutin cutin huillachirca.

SALMOS 81:13

¡Ñuca acllashcacuna ñuca rimashcata uyashca cacpi, israelcuna ñuca mandashca shina purishca cacpica,

ÉXODO 8:20

Mandac Diosca Moisestaca: —Tutamanta jatarishpa, Faraón yacuman llucshicpi, paihuan tupashpa: “Mandac Diosca: ‘Ñuca acllashcacuna ñucata servigrichun cachai.

ISAÍAS 55:2

¿Imapactac cullquitaca manapish micunapi tucuchinguichic? ¿Imapactac manapish huicsa pactata micungapac trabajanguichic? Ñuca rimashcata alli uyaichic. Allillata micuichic. Chashna micushpami, cushilla shungu canguichic.

JEREMÍAS 1:2

Amonpac churi jatun mandac Josías Judá llactata chunga quimsa huatata mandacucpimi, Mandac Diosca Jeremiasman huillarca.

JEREMÍAS 11:7

Ñaupa taitacunata Egiptomanta llucchimushca punzhamanta cunancamanmi: Ñuca mandashcacunata uyaichic nishpa punzhanta mandacurcanilla.

JEREMÍAS 19:15

«Israelcunapac tucuita Mandac Diosca: Ñuca nishca shinami cai llactamanpish, muyundi uchilla llactacunamanpish yalli llaquita cachagrini. Paicunaca ñuca rimashcata mana uyangapacmi, yallita sinchi shungu tucushca ninmi» nirca.

JEREMÍAS 22:21

Ñuca can alli causacucpi, rimacpi canca: “¡Manatac uyashachu!” nircanguimi. Canca chashnami huambramanta pacha ñuca rimashcata manatac uyasha nishpa causarcangui.

JEREMÍAS 25:4

Mandac Dios pai ima nishcata huillaccunata tauca cutin cancunapacman cachacpipish, mana uyasha nishpami causarcanguichic.

JEREMÍAS 26:5

ñuca ima nishcata huillac serviccunata cutin, cutin cancunapacman huillachun cachacpi, paicunata mana uyasha nicpica,

JEREMÍAS 29:19

Cancunallatac ñucata servic huillaccunata cutin cutin cachashpa, huillachishcata mana cazushcamantami chashna tucunguichic. Chaitaca Mandac Dios ñucami nini.

JEREMÍAS 32:33

Paicunaca ñahuita ricuchinapac randica, huashatami ricuchirca. Ñuca paicunata utcamanta pacha allita yachachicucpipish, allita causachun cunacucpipish, mana uyarcachu.

JEREMÍAS 35:14

Recabpac churi Jonadab vinota ama ubiachun nicpica, allimi pactachincuna. Paicunapac ñaupa taita mandashcata cazushpami, vinota cunan punzhacaman mana ubiancuna. Shina cashpapish, ñuca cancunata punzhanta rimacucpipish manatac cazunguichicchu.

JEREMÍAS 35:15

Ñucata servic huillaccunata punzhanta cancunapacman cachashpa: “Tucui cancuna mana alli causaita saquishpa, ñucapacman cutirichic. Shuctac dioscunatapish ama servinguichicchu. Chashna causashpami cancunamanpish, cancunapac taitacunamanpish ñuca cushca cai llactapica causanguichic nishpa huillachicucpipish, cancunaca manatac uyarcanguichicchu, manatac cazurcanguichicchu.

JEREMÍAS 36:1

Josiaspac churi jatun mandac Joacim Judá llactata chuscu huatata mandacucpi, Mandac Dios Jeremiasta rimashpaca:

JEREMÍAS 36:2

«Quillcana carata japishpa, chaipi Josías causacui punzhacunamanta cunan punzhacaman israelcunata, Judá llactapi causaccunata, shuctac llactapi causaccunata ima shina llaquichinata tucui quillcai.

JEREMÍAS 44:4

Ñuca, ñuca ima nishcata huillac serviccunata cutin cutin huillachun cachashpaca: “¡Cai millana juchacunataca ama ruhuaichicchu, chaitaca mana ricunayanchu!” nishpami huillachircani.

JEREMÍAS 7:13

Cunanca, cancunapish mana allita ruhuashpami causacunguichic. Ñaupa huatacunamanta pacha punzhanta cancunata ñuca rimacucpipish, mana cazurcanguichicchu. Ñuca cayacpipish, mana uyarcanguichicchu.

JEREMÍAS 7:25

Ñuca ima nishcata huillac, ñucata serviccunataca cancunapac ñaupa taitacunata Egiptomanta llucchimushca punzhamanta pacha cunancamanmi punzhanta cancunapacman cachacurcanilla.

EZEQUIEL 33:4

Maijanpish chaita uyashpa, mana miticushpa, jatun macanacuipi huañucca paillatacmi faltayuc canga.

ZACARÍAS 1:4

Ama cancunapac ñaupa taitacuna shina causaichicchu. Paicunaman ñuca ima nishcata utcapi huillachishpaca: “Mandac Diosca: Mana alli ñanta catinata, mana allita ruhuanacunata saquichic” nishpami huillarcani. Shina huillacpipish, mana cazushpa, ñucamanta huillashcata mana uyasha nircanguichicchu.

MARCOS 1:35

Jesusca tutamanta utca, manarac achicyamucpimi, shitashca pambapi Diosta mañangapac rirca.

SAN JUAN 8:2

Chai cayandi punzha pacarimucucpimi, Diosta mañana huasiman cutirca. Chaiman gentecuna chayacpimi, Jesusca tiyarishpa yachachi callarirca.

SAN JUAN 8:47

Maijanpish Diospac huahua cashpaca, pai rimashcatami uyasha nin, ashtahuanpish cancunaca mana Diospac huahua cashpami, pai rimashcataca mana uyashun ninguichic— nirca.

2 TIMOTEO 4:2

Alli huillaitaca uyasha nicpi, mana uyasha nicpimi huillacuilla. Mana piñarishpa, rimacuilla, alli yachachicuilla, cunacuilla.