JEREMÍAS 24:1 - Dios Rimashcata Quillcashcami

¹ Babilonia llactata jatun mandac Nabucodonosorca Joacimpac churi Judá llactata jatun mandac Joaquintapish, chai llacta shuctac mandaccunatapish, artesanocunatapish, fierrerocunatapish Jerusalenmanta Babilonia llactaman prezu apashca quipami, Mandac Diosca paipac huasi ñaupapi ishcai canashta higota ricuchirca.

JEREMÍAS 24:1 Iomraidhean Croise

2 REYES 24:10

Chai punzhacunapimi Babilonia llactata jatun mandac Nabucodonosorta serviccuna Jerusalenpi causaccunahuan macanacungapac shamushpa, pueblota muyushpa shayarirca.

2 CRÓNICAS 36:10

Ña huata tucucucpimi, Nabucodonosorca Joaquintapish, Mandac Diospac huasipi tiyashca ashtahuan sumac charinacunatapish Babiloniaman apamuchun cacharca. Paita apashpaca, paipac huauqui Sedequiastami Judá llactata, Jerusalén pueblota jatun mandac cachunca churarca.

ISAÍAS 13:1

Mandac Dios Babilonia llacta llaqui tucunamanta Amozpac churi Isaiasman muscuipi shina ricuchishpa huillashpaca:

JEREMÍAS 13:19

Neguev pambapi tiyac llactacunapish huichcashcami, pipish chaita mana pasanchu. Judá llactapi causaccunatapish tucuimi prezu apashca. Shucllatapish mana saquishpami apashca.

JEREMÍAS 27:20

Babilonia llactata jatun mandac Nabucodonosorca Joacimpac churi Judá llactata jatun mandac Joaquintapish, Judá llactapi, Jerusalenpi causac mandaccunatapish Babiloniaman prezu apacushpaca, caicunataca mana aparcachu.

JEREMÍAS 28:4

Shinallatac Joacimpac churi Judá llactata jatun mandac Joacimtapish, Judá llactamanta Babilonia llactaman prezu apashcacunatapish cutichimushami. Ñucallatacmi Babilonia llactata jatun mandacpac yugotaca paquisha. Chaitaca Mandac Dios ñucami nini” ninmi» nirca.

JEREMÍAS 29:1

Nabucodonosor Jerusalenmanta Babilonia llactaman prezu apashca pushac yuyaccunaman, curacunaman, Dios ima nishcata huillaccunaman, shuctac gentecunamanmi Dios ima nishcata huillac Jeremiasca shuc cartata quillcashpa cacharca. Chaitaca Jerusalenmantami cacharca.

JEREMÍAS 29:2

(Chai cartataca jatun mandac Joaquintapish, paipac mama jatun mandactapish, shuctac mandaccunatapish, Judá llactata, Jerusalenta mandaccunatapish, artesanocunatapish, fierrerocunatapish Jerusalenmanta prezu apashca quipami cacharca).

JEREMÍAS 37:1

Babilonia llactata jatun mandac Nabucodonosormi Josiaspac churi Sedequiasta Judá llactata jatun mandachun churarca. Paica Joacimpac churi Coniaspac randimi mandarca.

EZEQUIEL 17:4

Chai yura puntapi cac llullu ñahuita pitishpami randishpa, catushpa causaccunapac llactaman aparca. Chashnami catuccunapac, randiccunapac pueblopi churarca.

EZEQUIEL 19:9

Cadenahuan huatashpa, jaulapi churashpami, Babilonia llactata jatun mandacpacman aparca. Israel llacta urcucunapi chai león huacashca ama ashtahuan uyarichunmi prezurca.

AMÓS 3:7

Mandac Diosca, pai ima nishcata huillac, paita serviccunaman manarac huillashpaca mana llaquichingachu.

AMÓS 7:1

Caitami Mandac Diosca muscuipi shina ricuchirca. Jatun mandacpac quihuata pitishca quipa, cutin quihua retoñacucpimi, achca langosta Mandac Dios achca langostacunata cachacucta ricurcani

AMÓS 7:4

Mandac Diosca caitapish ricuchircami. Mandac Dios ninahuan llaquichishpa, taripangapac tandachicuctami ricurcani. Chai ninami mama cuchatapish, llacta achca allpatapish rupachircani.

AMÓS 7:7

Mandac Diosca caitapish ricuchircami. Mandac Dios plomadahuan ruhuashca pirca jahuapi shayacuctami ricurcani. Paica albañilpac plomadatami charicurca.

ZACARÍAS 1:20

Chai quipaca chuscu carpinterocunatami Mandac Diosca ricuchirca.

ZACARÍAS 3:1

Chai quipaca Josué Mandac Diospac angelpac ñaupapi shayacuctami ricurcani. Josuepac alli ladopica Satanasmi paita juchanchingapac shayacurca.